響 - Hibiki 日本燒肉 (Closed)

今晚我朋友搵咗間燒肉放題，話一直想試吓，咁我哋幾個就一齊你試吓，記得要預早book位因為都幾爆下，燒肉放題來講，佢係四百幾蚊+1，比起平時嘅雖然係貴啲，但食完之後質素的確係值回票價裝修幾靚，好有日式風味，上到去要等佢一陣等佢安排位置，坐低左之後發覺佢位置都幾鬆動啲舒服，枱面又大，食落都特別舒服嘢食方面一坐低佢哋就奉上你人數份量刺身拼盤同燒肉拼盤俾我哋，食完第一輪之後你就可以繼續無限添加，刺身樣樣質素都幾好，最估唔到有蠔同海膽！仲要幾新鮮，放題有呢啲刺身真係好少有！淨係食刺身都已經覺得好夠！另外海鮮拼盤都會送上，而且海鮮種類都選擇多，樣樣都好新鮮，淨係呢三樣嘢食入嚟已經飽咗一半～啲燒肉仲好細心，寫晒每一樣燒肉嘅部位，等自己真係知道食緊邊樣，而且肉都好新鮮識落肉質鮮味！另外我哋仲叫咗啲串燒自己燒，不過要控制好啲火喉，如果唔係會好容易乾哂唔好食炸物都炸得幾好，唔會太厚粉，選擇種類又多，我哋都叫左唔少嚟食最後雪糕嘅選擇都好多款揀，而我最鍾意食嘅就係movenpick，真係非常滿足！