榮式燒雞扒 (吳松街) (Closed)

榮式燒雞扒，以前通常都係去灣仔總店，既然今晚要去佐敦，就食下分店質素啦。用得雞扒做店名，點可以唔叫雞扒食呢？我見餐牌上有雞藕天成（$46），即係雞扒蓮藕餅飯，就叫呢個啦。燒雞扒有用黑胡椒醃過，雞皮脆脆地，雞肉都算入味；蓮藕餅幾厚身，咬落鬆軟。白飯淋上邪惡嘅燒汁同葱油炸菜，超好撈飯！不過，始終雞扒、蓮藕餅同多汁飯都係重口味之食物，喺我冇order飲品底下，好快就好口渴了。今時今日，榮式雞扒開左咁多分店，質素冇乜點變，行開附近都可以食下嘅。