泰亞萊海南雞專門店

Open Now

Now Closed

「泰」有風味🌴大大份招牌海南雞飯🐔平時放假我幾鐘意去舊區尋寶，隨時有意想不到嘅收穫🤩今個周末去左深水埗逛逛露天市集，係橫街窄巷中發現左呢間經濟實惠既平民小店「泰亞萊海南雞專門店」，絕對係平靚正泰國菜之選🇹🇭🍴招牌海南雞飯雞件都幾大份，無骨啖啖肉，而且肉質都算滑帶少少油脂，連埋薄薄的雞皮一齊食，好正🈵我幾鐘意呢度嘅沾醬，好岩香港人口味，微微辣，加埋落左椰子糖同檸檬汁，帶點酸甜酸甜，點雞食都幾惹味！食海南雞又點少得油飯🍚呢度既油飯粒粒分明，望上去微微黃，加左鹹香的雞油和薑蒜一齊蒸煮。跟餐既冬瓜湯幾清甜，炎炎夏日飲即刻消暑解渴💦🍴泰式黃咖喱蟹肉飯🦀黃咖喱是泰式咖哩中口味最溫和的，椰香味較重，BB辣易入口，好岩淋在白飯上一齊食🍛已拆殼既蟹肉鋪係咖喱面上，方便食用，最緊要吾洗自己剥😉加埋仲有青椒、洋蔥等蔬菜🍴小食泰式炸蝦餅，內裡蝦肉爽口較紮實彈牙泰式炸蝦春卷，炸到脆卜卜，食落好香口，蝦味十足🍹飲品龍眼冰青檸梳打