全記海鮮菜館

Open Now

Now Closed

平日夜晚，同朋友行下西頁。咁岩行到海鮮街，就比全記既姐姐好熱心咁sell我地試下啦 試下啦，又介紹啲海鮮比我地，睇落唔錯咁，就上去試下。諗左好耐唔知叫咩好，就叫個四人套餐，可以揀五款餸同送個菜同糖水，睇落幾抵。1. 椒鹽鮑魚仔- 一人一隻，味道算係咁，但睇其他食評都話應該一人有兩隻食，都唔知係咪俾人呃。2.蒜蓉蒸扇貝- 粉絲非常好食， 粒肉好一般3.薑蔥炒蟹-薑同蔥嘅份量非常充足，隻蟹非常難食，份量又少，啲肉霉既。4.清蒸海上鮮-加左＄98轉龍躉，條龍躉細到呢，味道都算係咁。5.芝士龍蝦伊麵底- 伊面分量非常少，龍蝦肉非常少，應該要改名芝士龍蝦「殼」伊面底，味道又唔太好食 絕對唔推介6.蒜蓉白菜仔- 成晚最好食嘅一味，歡迎一試錢多又細食嘅你不妨一試，絕對有驚喜如果唔係 請三思。