稻八日式火鍋炸物放題 (Closed)

哩兩日，天氣又凍番，最好揾D暖笠笠食物。上次來哩條街食韓烤時見到有哩間日式火鍋炸物放題，一於試下。餐廳正力推海鮮拼盤，有扇貝，北寄貝，海蝦，蟹柳，八爪魚口中等再加豬，羊及雞肉。够晒豐富。日式放題當然有自由選擇的蔬菜，麵，同埋各式各樣的丸，我試左幾款，覺得白魚蛋十分好。蔬菜唔係普通生菜，有「萵筍」，我很喜歡。哩間放題可以自己炸炸物，炸蝦最好，我地連海鮮拼盤的八爪魚串也炸，炸一口蕃薯亦是我近期至愛！火鍋醬料齊備。拉麵同烏冬都很好。拉麵質地口感一流，烏冬唔係平價貨，同我平時食開的「真打」差不多。我自己仲中意佢地煲日式咖喱牛腩，配白飯，正！最後當然不能不提雪糕， 除咗一般嘅雪條仲有榴槤雪條同雪米糍。 仲有埋單後可以選擇dreyer's，movenpick, 同哈根大師雪糕。簡直係完美！