超友善嘅侍應一黎就話我地知做緊happy hour，所以就叫左兩杯house wine先🥂質素都唔錯，好易入口，份量仲幾大杯！
先黎嘅係沙律，我真係要比5粒星⭐️⭐️⭐️⭐️⭐️ 沙律汁好清甜，菜夠新鮮，睇落亦顏色豐富，果然係色香味俱全。
主菜叫左striploin牛扒同mezzelune 。
牛扒黎到係我最愛嘅medium rare，肉質鮮嫩，橫切面有美美的粉紅色。扒邊亦有好香嘅油脂，同牛肉層層相間，口感豐富，好好食！另外，牛扒亦跟埋少量沙律，係同頭先散叫嗰份一樣咁好食！！！
Mezzelune亦好好味！蘑菇同芝士都比得好足，粉皮做得有啲煙韌嘅口感，唔會比汁浸到淋哂。醬料係帶酸嘅肉醬，cheesy得黎亦非常飽肚。
走嘅時候，見佢門口掛住lunch menu，$88有前菜+主菜+甜品+咖啡/茶，喺銅鑼灣黎講真係抵到爛！下次一定會番黎試個lunch😍
