Video
Read full review
2020-05-15
3869 views
初戀，係一種第一次既擁抱、第一次既浪漫，第一次既心跳、第一次既失落。因為呢份感情充斥住青春、因為呢份感情既單純、所份果份感覺亦都係最真，但同時亦係最脆弱，一下子就被粉碎。不過浪漫呢家野又唔一定要拍拖先有既，好似係西環呢間「阿元來了」，就充分感受到呢份台式浪漫，完全演活返台灣夜市果種懷舊氣氛，而自從由西營盤舊鋪搬左去堅尼地城後，環境大左足足一倍，自然坐都坐我特別舒服呀！👇📌飯 麵 -▪ 阿元魯肉飯 - $42▫ 要試試阿元手勢，當然要試下最出名既魯肉飯啦，加上飯面鋪滿哂滿滿鹵肉粒之外，酸蘿蔔、鹵豆腐、青菜、鹵水蛋，份量豐富。而每粒肉粒煮得非常軟腍入味，肥膏位恰到好處，唔會太油膩；而每一啖飯粒食落都有豬油香，食得過！▪ 蚵仔大腸麵線 - $40▫ 要講另一招牌，我必定會推介呢個麵線，首先蚵仔同大腸既份量都好足少，呢個價錢已經值回票價。湯底清清地，而蚵仔肉質夠新鮮；鹵大腸亦夠入味；麵條質感夠幼滑，整體配合得唔錯，口感拍得住係台灣咁制！📌小 吃 -▪ 酥炸魷魚 - $39▫ 淨係兩款主食未必唔夠喉既，整返個小吃就必需咖啦。呢個酥炸魷魚表面炸得相當香脆，最怕出面既炸魷魚d炸粉太厚，好無口感，但
因為呢份感情充斥住青春、因為呢份感情既單純、所份果份感覺亦都係最真，
但同時亦係最脆弱，一下子就被粉碎。不過浪漫呢家野又唔一定要拍拖先有既，
好似係西環呢間「阿元來了」，就充分感受到呢份台式浪漫，完全演活返台灣夜市果種懷舊氣氛，
而自從由西營盤舊鋪搬左去堅尼地城後，環境大左足足一倍，自然坐都坐我特別舒服呀！👇
📌飯 麵 -
▪ 阿元魯肉飯 - $42
▫ 要試試阿元手勢，當然要試下最出名既魯肉飯啦，加上飯面鋪滿哂滿滿鹵肉粒之外，
酸蘿蔔、鹵豆腐、青菜、鹵水蛋，份量豐富。而每粒肉粒煮得非常軟腍入味，
肥膏位恰到好處，唔會太油膩；而每一啖飯粒食落都有豬油香，食得過！
▪ 蚵仔大腸麵線 - $40
▫ 要講另一招牌，我必定會推介呢個麵線，首先蚵仔同大腸既份量都好足少，
呢個價錢已經值回票價。湯底清清地，而蚵仔肉質夠新鮮；鹵大腸亦夠入味；
麵條質感夠幼滑，整體配合得唔錯，口感拍得住係台灣咁制！
📌小 吃 -
▪ 酥炸魷魚 - $39
▫ 淨係兩款主食未必唔夠喉既，整返個小吃就必需咖啦。呢個酥炸魷魚表面炸得相當香脆，
最怕出面既炸魷魚d炸粉太厚，好無口感，但呢個食落口感就fit哂啦。
而且食落質感唔韌，好有"趙"口，唔錯。
▪ 肉鬆起司蛋餅 - $30
▫ 蛋餅唔怕嗌，最怕你食唔哂，我呢d蛋控點可能唔整塊台灣正宗既起司蛋餅呀。
首先蛋餅既外皮薄身，口感煙韌唔乾，裡面咬開爆哂濃濃既芝士，唔會太膩岩岩好；
加埋肉鬆既襯托，層次感非常豐富。
📌甜 品 -
▪ 九份芋圓 - $32 (凍)
▫ 唔整返個九份芋圓點對得住阿元呀，份量就夠哂大碗啦，而三色芋圓、紅豆、珍珠分別食落
都煙煙韌韌有咬口；仙草夠清涼，加埋花奶甜度岩岩好，呢D天氣有碗凍冰冰入口做甜品，認真一流。
📌飲 品 -
▪ 香芋珍珠奶茶 - $27
▪ 小芋圓奶茶 - $28
▫ 前者飲落充滿住芋頭香，啖啖滋味滿足，甜度適中；
而後者奶茶茶香細膩，芋圓口感夠煙韌，唔會太腍身，唔錯。
Post
