入面裝修勁有有泰國feel，一行入去就好似飛咗去曼谷夜市咁。
既然有夜市feel，必定係試吓火山骨同沙嗲串燒🥰火山骨酸酸辣辣好開胃!😂 啲肉勁易拆，加分加分💯
咁啱撞正一個星期有三種菜式優惠，星期三至五可以用38蚊叫到呢碟極大份嘅火山骨，抵食抵食❤❤
1
順帶一提佢哋嘅出菜速度快到驚人，一落單冇耐就已經上咗菜。
特別推介鐵板豬頸肉馬拉盞通菜，選擇鐵板做底keep住熱辣辣。
我地仲試左菠蘿海鮮炒飯亦非常足料，第一次見有餐廳落大粒帶子炒，勁滿足。🍍🦐
最後叫咗個芒果糯米飯做甜品，芒果🥭新鮮唔酸，一啖糯米飯一啖芒果配合埋椰汁fit到漏。
如果你想體驗地道嘅泰國菜，小曼谷海鮮燒烤屋絕對係一個好選擇😋無論係裝潢、服務或者係食物質素，都令人感受到泰國嘅獨特魅力。推薦俾所有鍾意泰國菜嘅朋友，保證唔會失望！
🌴小曼谷海鮮燒烤屋(九龍城)
