Video
Read full review
2019-02-26
417 views
老老實實，估唔到第一篇食評就係因為忍唔住條氣唔順，認真打字上嚟。人哋打手有鱔稿費所以樂意打一大篇嘢，我就自問講自己覺得嘅嘢，啱唔啱聽就悉隨尊便。第一下覺得間嘢環境唔錯，呢個事實，位又夠寬落，心諗佢賣嘅都唔平，有呢啲環境好合理。到叫嘢食，問題就開始嚟，個女侍應同時落兩枱單，一般都唔覺有問題，但佢就出大問題🤨 將啲單調亂晒，嘢食亂上，而且講嘅係全部嘢食都亂上，唔係一兩碟😑 大姐，你搞唔掂就唔好咁勁咁同時間落單啦，隔離幾枱人都係咁....次次有嘢嚟個侍應都要問幾枱人「請問係咪你哋？」問到佢自己都唔好意思。呢種混亂其實都唔係致命傷，客人包容下都可以嘅。但以下落嚟就令人火滾啦，真係慶過辣雞🤨先講飲品，杯啤酒正常，有啤酒又有巨峰提子汁味，無咩好挑剔，但杯燒酎，佢唔講我都唔知係有酒精成份，以為係一杯用罐頭開水嘅柚子蜜🤷🏻♂️ 咁嘅價錢，證明鋪租真係好貴🤷🏻♂️🤷🏻♂️嘢食又係打大佬，個甲羅燒，啲人講到必食，咁就試下啦...恕我見識少，我一直預期有蟹味，但我只食到多春魚味，女友都咁講🤷🏻♂️🤷🏻♂️鍾意用蟹蓋食多春魚嘅朋友可以盡情試下😃。個炸雞...除咗粉厚啲，軟咗啲，唔講究嘅話，都無嘢好彈㗎喇🤷🏻
第一下覺得間嘢環境唔錯，呢個事實，位又夠寬落，心諗佢賣嘅都唔平，有呢啲環境好合理。
到叫嘢食，問題就開始嚟，個女侍應同時落兩枱單，一般都唔覺有問題，但佢就出大問題🤨 將啲單調亂晒，嘢食亂上，而且講嘅係全部嘢食都亂上，唔係一兩碟😑 大姐，你搞唔掂就唔好咁勁咁同時間落單啦，隔離幾枱人都係咁....次次有嘢嚟個侍應都要問幾枱人「請問係咪你哋？」問到佢自己都唔好意思。呢種混亂其實都唔係致命傷，客人包容下都可以嘅。但以下落嚟就令人火滾啦，真係慶過辣雞🤨
先講飲品，杯啤酒正常，有啤酒又有巨峰提子汁味，無咩好挑剔，但杯燒酎，佢唔講我都唔知係有酒精成份，以為係一杯用罐頭開水嘅柚子蜜🤷🏻♂️ 咁嘅價錢，證明鋪租真係好貴🤷🏻♂️🤷🏻♂️
嘢食又係打大佬，個甲羅燒，啲人講到必食，咁就試下啦...恕我見識少，我一直預期有蟹味，但我只食到多春魚味，女友都咁講🤷🏻♂️🤷🏻♂️鍾意用蟹蓋食多春魚嘅朋友可以盡情試下😃。
個炸雞...除咗粉厚啲，軟咗啲，唔講究嘅話，都無嘢好彈㗎喇🤷🏻♂️
雲丹蜆肉卷，望下啲海膽，好似雪糕咁融融哋啦，google 下咁嘅樣海膽代表咩就知啦，都唔費事講。
另一得意之作係個海膽沙飯，一碟細細嘅炒飯，上面鋪咗止血膠布咁大的海膽，十分「惹味」🤷🏻♂️食唔食到海膽味？見人見志啦，自問味覺敏銳嘅你，可以挑戰下。個炒飯底我會用三個字去形容，「垃圾」🤷🏻♂️ 完全無味，如果話為咗凸出海膽嘅鮮味而炒到咁，咁即係「公我贏字你輸」啲朋友嚟，無得輸，無話可說。$198食個咁嘅炒飯🤷🏻♂️
成餐飯，咁嘅價錢咁嘅質素，再諗下個炒飯，又火都嚟🤷🏻♂️
可能你話「人哋主打水產，你都無食人哋啲特色嘢，就話人哋差，係以偏概全」。咁你就去親身見識下啦😉 我夠皮了
Post
