Video
Read full review
2021-11-29
23 views
9 0 後 的 味 蕾.䇄立於尖沙咀鬧市，提供回味無窮omakase。 SuSoShu有別於其他，50%提供各款壽司、刺身，另外50%係提供特別烹調配搭既日式食材熟食，不論係醬油、調味配料、食材配搭、或者係刺身壽司，每款都配合得好好，味道、溫度，同食材進食嘅先後次序都恰到好處，加埋置身係一個舒服嘅環境，同友善嘅服務態度，令人相當享受。.🍶献立 $1,480，合共14款菜式。.🪄海老他他脆筒 每張紫菜都會用火槍燒一燒、保持口感脆身，將芝士、山葵漬、醃蘿蔔海老他他、壽司飯，卷成一個迷你雪糕筒嘅形狀，再喺最上層放置炸蝦頭，口感非常豐富.🪄白子天婦羅白子其實係魚既睪丸，含豐富蛋白質同維他命，具美顏功效，師傅將白子沾上一層好薄嘅麵粉漿，再炸成天婦羅，口感好滑，似豆腐，入口即溶，非常新奇。.🪄 呼子魷魚燒賣嚴選佐賀縣名物 - 呼子魷魚，切成一條條，包裹住自家製既日本黑毛豬肉球，呈現燒賣形狀，放喺竹籠入面蒸，好可愛。魷魚口感軟滑，有膠質嘅口感，味道鮮甜；肉球口感彈牙，味道濃郁。.🪄時令壽司 四貫千葉縣金目鯛：味道比較清甜北海道秋刀魚：口感軟潤、油脂都幾香濃青森縣中拖羅： 口感軟綿、魚香恰到好處炙燒
.
䇄立於尖沙咀鬧市，提供回味無窮omakase。 SuSoShu有別於其他，50%提供各款壽司、刺身，另外50%係提供特別烹調配搭既日式食材熟食，不論係醬油、調味配料、食材配搭、或者係刺身壽司，每款都配合得好好，味道、溫度，同食材進食嘅先後次序都恰到好處，加埋置身係一個舒服嘅環境，同友善嘅服務態度，令人相當享受。
.
🍶献立 $1,480，合共14款菜式。
.
🪄海老他他脆筒
每張紫菜都會用火槍燒一燒、保持口感脆身，將芝士、山葵漬、醃蘿蔔海老他他、壽司飯，卷成一個迷你雪糕筒嘅形狀，再喺最上層放置炸蝦頭，口感非常豐富
.
🪄白子天婦羅
白子其實係魚既睪丸，含豐富蛋白質同維他命，具美顏功效，師傅將白子沾上一層好薄嘅麵粉漿，再炸成天婦羅，口感好滑，似豆腐，入口即溶，非常新奇。
.
🪄 呼子魷魚燒賣
嚴選佐賀縣名物 - 呼子魷魚，切成一條條，包裹住自家製既日本黑毛豬肉球，呈現燒賣形狀，放喺竹籠入面蒸，好可愛。魷魚口感軟滑，有膠質嘅口感，味道鮮甜；肉球口感彈牙，味道濃郁。
.
🪄時令壽司 四貫
千葉縣金目鯛：味道比較清甜
北海道秋刀魚：口感軟潤、油脂都幾香濃
青森縣中拖羅： 口感軟綿、魚香恰到好處
炙燒右口魚邊：是背鰭和臀鰭之間的那一條邊，亦係最肥美的部位，中間有少少啫喱狀口感，炙燒後油脂滲哂出黎，入口即溶，口感濃郁。
.
🪄鮟康魚肝
師傅話用牛奶將魚肝浸過，舌尖可以Lam到魚肝完全平滑， 口感creamy軟綿，酸汁啫喱同辣蘿蘿蔔，提升整體口感層次，呢款食材仲可以預防視力下降。
.
🪄究極海膽 （浜中赤海膽）
色澤均勻，鮮艷嘅金黃色非常搶眼，每一片都好飽滿、濕潤，口感只有鮮甜，絕無丁點苦澀味。
.
🪄 松葉蟹甲羅燒
有職員親自喺你面前用一個火爐仔燒，一邊燒一邊將蟹肉、蟹膏、鵪鶉蛋、蔥撈匀，畫面非常治癒，呢度嘅蟹肉每一條都好長、同好實淨，蟹膏味又唔會過濃，掩蓋左其他味道，食材配搭得適宜。
.
🪄時令酢物
好搞笑，係一口柚子啫喱，偏水狀，用一個小型玻璃試管裝住，師傅話係用嚟refresh味蕾，準備食濃味嘅日式熟食
.
🪄 特製和王和牛壽喜燒
以為壽喜燒只可以係甜？！估唔到師傅用上日本獨特嘅辛香料 - 山椒，令到煮出嚟嘅醬汁甜得嚟，舌尖帶有麻痹既感覺，但係完全冇辣味，非常過癮，配搭A4等級嘅和牛，一片非常大塊，兼軟熟，好滋味。職員仲會即席淋上新鮮日本蛋漿，令口感更為豐富。
.
🪄 櫻花蝦粉蕎麥麵
師傅將曬乾咗既櫻花蝦磨成嘅粉，撒係蕎麥麵上，櫻花蝦出乎意料之外非常甜，再將麵條浸落由蝦仔乾、魚仔乾同蟹仔乾熬成嘅湯 ，咸甜交融，口感豐富。
.
🪄夜空寒天
自家製既寒天啫喱，上層透明，下層天空藍色，仿似夜空既景象，上層由氣泡清酒製成，下層由碟豆花加檸檬汁製成，口感係大菜膏同寒天啫喱中間，爽彈得嚟有少少煙韌，檸檬味道好搶，清新甜品。
Post
