燚 (Closed)

是日同朋友黎到太和覓食，聽聞呢到有間隱世鐵板燒唔錯，於是今日放假黎一試。 餐廳有3個set，我地揀左入門八道菜廚師發辦套餐$688。 沙律：前菜係煙三文魚包住啲沙律菜，側邊有蕃茄作伴碟，底部有黑醋汁，食材新鮮，賣相亦特別。 前菜：Parma Ham配新鮮菠蘿及柚子醬。 生蠔：有六隻，非常新鮮，完全冇腥味，連平時唔食生蠔嘅我都食咗三隻。 鐵板海鮮兩品：牛油燒扇貝及蒜蓉鮑魚，鮑魚彈牙，肉質新鮮，扇貝多汁鮮味。另外一碟係煎生蠔仔及魚柳，同樣美味。 鐵板肉類一品：牛柳及豬柳，估唔到豬柳燒完肉質都淋軟。而牛柳揀咗七成熟，側邊伴碟有烤蒜片，蘑菇既製作亦非常用心。 炒飯：炒飯材料包括紅蘿蔔粒，蔥花及煎蛋，蛋煎到燶邊，非常有口感。 湯：味噌湯，味道濃郁，正常發揮。 另外仲叫左2杯啤酒，埋單共$1600左右。