點一龍 (海港城) (Closed)

香港食點心唔單止去酒樓，創意嘅點心店開到四周圍都係，今次同朋友嚟食呢一間係響尖沙咀廣東道一間相對大嘅點心店舖，一齊試吓佢啲點心好唔好食。尖沙咀廣東道一帶開得點心店，入門内部嘅環境相當有氣派，樓底很高，店內嘅裝修以紅色喜慶為主，適合中式嘅點心主題，座位都比較闊落，坐得唔會好逼。環境重要，當然食物和服務態度都好重要，呢度嘅服務態度非常之親切同埋殷勤，尤其是係嗰個經理，招呼十分周到，亦會細心為我地推介食品。我地點左一堆點心，同埋一啲小菜，同埋炒飯，當中都有啲唔錯嘅高質嘅點心，不過都有一啲相對地小小失望，俾大家參考下。脆網皮海王腸粉（$59）外型似炸兩但係食落去中間原來仲有啲魚肉同埋蝦肉，鮮味得來口感豐富！龍蝦湯三王餃（$55），龍蝦湯超濃郁，中間浸住海鮮餡料嘅灌湯餃，鮮味滿分💯黑松露小籠包（$39）又係另一樣比較推薦嘅，我鮮肉味濃，小心爆湯汁！不過黑松露味唔算好出。流沙奶皇包（$33）都做得唔錯，不過入面嘅流心餡唔算太均勻，我嗰隻比較流心，朋友嗰隻冇咁流心😂欖菜百合肉鬆四季豆($88)炒得有鑊氣，係我比較喜歡這一道小菜!最正莫過於係原隻鮑魚雞粒酥，雖然都幾矜貴，成$55一件，但係絕對物超所值