Video
Read full review
2020-05-09
5729 views
雖然有限聚令，但今日與三位朋友去左旺角洗衣街嘅令和居酒屋用膳，剛好唔超過四人。餐廳有幫客人量體驗，亦有為每一位客人準備放口罩嘅一次性紙袋，服務都唔錯。但生意真係基做，自己能做到嘅就係寫篇文，分享一下經歷，支持一下... 晚上九時後加$48可任飲梅酒、清酒及啤酒，當然$48肯定要將貨就價，雖然我並非識酒之人，但其實質素真心唔錯，例如，梅酒而言，只係無$68/杯果啲咁濃郁，但梅香、濃度等等都適中；至於朋友飲嘅清酒仲係用一個晶瑩剔透嘅壺裝住，仲加左冰黎冰鎮，味道都okay澳洲M6和牛石板燒 ($188/200g): 石板燒係必食之選，採用嘅澳洲和牛非常優質，牛味濃郁，亦帶油香，令人回味無窮。仲有店員係旁邊即埸燒製，唔需要自己落手。串燒拼盤 ($138): 拼盤共有七款，分別係燒手羽、雞皮、雞軟骨、大蔥豚肉串、金菇牛肉卷、秋葵及大蔥各一串，款式都幾Common，唔洗諗之餘，價錢又平啲。其中，金菇牛肉卷幾惹味，而且非常juicy，肉汁滿瀉；大蔥豚肉串都幾香口。什錦天婦羅 ($68): 除了三件大蝦天婦羅，其餘嘅都係蔬菜類，例如南瓜及秋葵等，炸粉厚薄適中，味道都幾酥香，而且並唔油膩。蝦天婦羅嘅肉質
晚上九時後加$48可任飲梅酒、清酒及啤酒，當然$48肯定要將貨就價，雖然我並非識酒之人，但其實質素真心唔錯，例如，梅酒而言，只係無$68/杯果啲咁濃郁，但梅香、濃度等等都適中；至於朋友飲嘅清酒仲係用一個晶瑩剔透嘅壺裝住，仲加左冰黎冰鎮，味道都okay
澳洲M6和牛石板燒 ($188/200g): 石板燒係必食之選，採用嘅澳洲和牛非常優質，牛味濃郁，亦帶油香，令人回味無窮。仲有店員係旁邊即埸燒製，唔需要自己落手。
串燒拼盤 ($138): 拼盤共有七款，分別係燒手羽、雞皮、雞軟骨、大蔥豚肉串、金菇牛肉卷、秋葵及大蔥各一串，款式都幾Common，唔洗諗之餘，價錢又平啲。其中，金菇牛肉卷幾惹味，而且非常juicy，肉汁滿瀉；大蔥豚肉串都幾香口。
什錦天婦羅 ($68): 除了三件大蝦天婦羅，其餘嘅都係蔬菜類，例如南瓜及秋葵等，炸粉厚薄適中，味道都幾酥香，而且並唔油膩。蝦天婦羅嘅肉質爽實，都幾鮮甜，加少少魚露食都幾鮮味；而野菜天婦羅都幾香口，味道唔會覺得單調。
和牛鍋燒烏冬 ($98): 鍋內除左和牛，仲有流心蛋、蟹柳、鳴門卷、大蔥等等，和牛理所當然係香滑味濃，十分出色，湯底偏香甜，同壽喜燒相類似，所以都唔錯，份量仲適中，二人分享都足夠。
Post
