126
0
1
3-min walk from Exit B2, Mong Kok MTR Station continue reading
All Branches (2)
Telephone
60818823
Opening Hours
Today
17:30 - 02:00
Mon - Sun
17:30 - 02:00
Payment Methods
Visa Master AlipayHK Alipay Cash UnionPay
Number of Seats
100
Other Info
Open Till Late
Alcoholic Drinks
10% Service Charge
TV Broadcast
Spot payment
Review (130)
Level4 2020-01-20
422 views
終於放假得閑啲當然就去周圍搵嘢食,嚟到呢一間新開嘅日式居酒屋,佢連個名都夠晒update係日本今年嘅新年號令和吖。呢度果然夠晒日式,鋪頭掛滿晒好多唔同達摩だるま造型嘅燈籠,仲有唔同顏色代表唔同意思添。揀咗一陣,我哋決定嗌松二人前石鍋火鍋套餐加三色刺身盤。前菜我哋揀咗日式炸雞同埋和牛他他其,至於個鍋我哋就揀咗雞湯底。嘢飲我哋就揀咗幻彩藍蝶花檸檬梳打,貪佢有得變色夠晒過癮。首先上嘅係日式炸雞同埋和牛他他其,呢個日式炸雞唔會太多炸粉加上調味好夠,就算我唔點沙律醬,都食到好香口嘅炸雞味。至於另外個和牛他他其,就俾到我小驚喜,就係佢塊和牛夠晒軟同埋稔,加埋面頭嗰少少黑松露醬同蔥花,非常之容易入口。個三色刺身盤就有三種唔同嘅魚刺身,包括三文魚,吞拿魚。跟住就嚟到重頭戲,石燒日本和牛!首先每一舊和牛都好夠厚度,第二就係呢度嘅侍應哥哥會好好服務咁樣拎塊石板過嚟,介紹完一輪,再親自幫我地燒。去到咁上下時候,仲會叫我地快啲影相打卡,呢個服務一流呀。每一舊和牛嘅厚度都好平均,我哋揀咗七成熟,咁外面就可以食到石燒嘅香味,入邊比較生嘅部份仍然可以鎖住肉汁。舊和牛夠晒鮮味,就算唔點調味醬汁,原汁原味食都夠晒和味,10分推介。跟住就食海鮮鍋物有scallops,海蝦,蠔,同埋蜆。食海鮮鍋都唔算特別,最特別係食完海鮮鍋之後記得要同侍應哥哥講,因為仲有一個鍋物雜炊,即係用海鮮鍋嘅湯底煮成嘅一碗粥。佢哋會好有心機咁樣先幫你過濾晒所有嘢食,確保只係剩返湯水,先會拎黎煲粥,之後仲會加一隻蛋落去,食落去除咗有齊晒頭先海鮮鍋湯底嘅鮮味,仲有蛋香味,呢一個食法真係好有創意而且好吸引我呀。食咗咁多嘢,返去一定重咗十幾磅。 continue reading
(The above review is the personal opinion of a user which does not represent OpenRice's point of view.)
急不及待要立即分享的好餐廳😍😍餐廳坐落在旺中帶靜的洗衣街,有多款套餐可選,今天我們吃的是$488的【梅💮二人前石燒刺身套餐】🙊我們都一致認為抵食又好味~餐廳有限時,所以我們5:30pm就到達餐廳,門口有數張座椅提供🙂餐廳裝潢甚有心思,有日本居酒屋的感覺🍶🌟和牛他他其生牛肉和葱的配搭口感清新~十分適合作晚餐的第一道前菜❤️😗🌟麥粒味噌青瓜味噌不一定只用作做味噌湯,配青瓜都一樣滋味😋🌟京蔥豚肉串 & 鹽燒雞翼燒物有多款選擇😇我們在云云之中選了這兩款~特別推介京蔥豚肉串,香燒豚肉薄片包著厚厚的京葱,咬下去爽脆又開胃~yum yum! 🌟什錦天婦羅炸物的種類很豐富,有秋葵、炸蝦、南瓜和蕃薯,炸得很乾身,一點也不油膩🙂🌟四色刺身拼盤有四款刺身,擺盤不俗,感覺新鮮美味😋🌟 石燒美國安格斯肉眼片150g整晚最令我們嘩然的一道菜,店員在我們面前把牛肉放到鐵板上,咋的一聲肉香四溢,店員再為我們淋上醬汁,燒汁與安格斯牛肉的味道很配合😍而牛肉片的質感有嚼勁之餘又不會太韌~配上蟹膏飯真的很讚,推薦!!🌟 是日沙律也搞不清這該是頭盤還是甜品🙈反正這個凍豆腐配魚子就很對我口味~口感幼滑又清涼!飲品我們叫了幻彩藍蝶花檸檬梳打和荔枝乳酸梳打🥰甜度適中,最重要的是顏色好美~~餐廳還在做清酒梅酒買一送一的優惠😍要不是朋友不能喝酒精飲品真的想喝一杯~ continue reading
(The above review is the personal opinion of a user which does not represent OpenRice's point of view.)
本身今日晚餐的目標是日本菜,在旺角街頭走來走去,最後竟然發現了一間小店,裡面幾乎有你想想吃的所有日本食物,種類之多,但味道,食材一樣上乘,價錢亦相當合理。 在進店前,已見到長龍在餐廳外面,人多證明沒有選錯,最後,我們選了一個二人餐,這個二人餐$488,有齊了刺身,前菜,串燒,燒牛肉,天婦羅,把所有日本好食都包括了。而且像我有選擇困難的人,最好就是點套餐,每樣都可以吃。 前菜串燒都可以自選兩樣,前菜選了面鼓青瓜,及日式炸雞,前菜的份量比想像中多。日式炸雞沒有厚厚的炸粉,只有薄薄一層包住,更加吃得出雞肉的鮮嫩,而不會吃到一口都是粉。青瓜作為前菜十分開胃,為之後的美食作好準確。 串燒選了煙肉金菇串,鹽燒雞翼。全部都是新鮮燒起,少量的鹽已經將雞翼燒得好好吃。煙肉包著金菇再加上外面一層燒汁,實在是好香,而且一咬一下,十分爽口。 天婦羅拼盤有炸蝦、南瓜、茄子等等。炸的時間掌握得好好,表面脆,裡面熱熱,而且不會炸到乾,配上天婦羅汁,就是好吃。蝦裡面的肉質還是很軟。 刺身拼盤(三文魚、油甘魚、吞拿魚、甜蝦)份量可不少,不是只有一片兩片。而且是厚切,每片都相當新鮮,而且色澤鮮明。新鮮的刺身就是好吃,一入口都是鮮味。 石板鹽燒美國安格斯肉眼餐廳是會拿出來在你眼前燒的喔!!!!!一塊鮮紅,肥瘦分明的肉眼,在師傅協助下放上石板燒熟。而且店員很好,這個可以有油煙,都會提供圍裙,看見我這邊手忙腳亂,都會自動幫手燒。自己可以決定要幾成熟。建議每邊燒20秒,然後加上醬汁,就馬上可以吃。配上蟹膏飯,這個蟹膏飯配牛肉,牛肉一咬開,肉汁湧出,而且不會硬,牛肉味濃。喜歡它的厚切,又大片,又厚,一咬開的香味很強。 最後叫了2杯非酒飲品,芒果乿酸蔬打,還有幻彩檸檸特飲。超好的一餐,烤雞,刺身、燒牛,一個餐就食到。 continue reading
(The above review is the personal opinion of a user which does not represent OpenRice's point of view.)
Level4 2019-12-07
1093 views
今晚黎旺角食飯揀左呢間火熱既居酒屋。黎到7點半左右已經要等位,好受歡迎。店舖裝修同日本既居酒屋幾似,都好多燈籠仔,仲有個太鼓,每當有客人入座都會敲響個鼓,好有氣氛!今晚仲有客人生日,老闆特意請左全場飲一杯清酒,正啊!我地今晚叫左五款串燒,仲有石燒扒同豬仔骨,同埋好特別既清酒生蠔。9點後入座每位$48就可以任飲清酒、梅酒、Asahi啤酒兩個鐘,我地真係飲到超盡興!<清酒廣島生蠔> ($28/隻)店員教我地先將蠔浸入清酒一分鐘,然後一口氣干杯!蠔新鮮海水味唔重加埋淡淡既清酒,非常順口。<芝士豚肉串> ($28)一串三粒,肉片包住大大粒既芝士,一啖咬落去一口軟滑芝士,非常重口味,最啱飲返杯酒。<燒雞肉串> ($22)雞肉正常唔會太乾,京蔥有驚喜,蔥燒得岩岩好,鮮嫩多汁。<燒多春魚> ($38)一客四條,無燒燶到,唧d檸檬汁,會好食d 。真係好多春啊。<燒日本青椒仔> ($22)、<金菇豚肉串> ($22)外型似辣椒仔,不過唔辣,冇苦澀味,還可以。金菇爽脆,吸收左肉汁,相當唔錯。<和風燒豬仔骨> ($98)和風醬加上微焦既外皮非常惹味,醬料控制得幾好,唔會太甜。<美國安格斯扒 250g> ($168)牛扒係高溫石坂上即煎即食,啖啖肉,油份高,非常飽肚,少量筋位比較難嚼,其餘都幾唔錯。呢度侍應會幫手燒,所以都幾方便,亦可以自己調整成熟度。 continue reading
(The above review is the personal opinion of a user which does not represent OpenRice's point of view.)
Level4 2019-12-03
766 views
放工近近地在旺角一聚,試下新餐廳令和。因為放工有點晏,所以正好趕上這裏9點後$48任飲梅酒。      先來了一客令和魚生丼和蟹膏飯,份量不算很大,可是魚生就每樣都有一啲,加上滿滿三文魚子,賣相不俗味道,蟹膏飯就加$20跟石板燒和牛套餐送的,有淡淡芝麻香,仲送沙律和麵豉湯。    牛脷係我最愛,厚切又爽口。鰻魚醬汁好惹味,芝士豚肉串入面係流心芝士,好邪惡!    羊排大大份,雖然略乾,但羊羶味不重,加上燒完塗上了厚燒,啖啖肉。   油甘魚鮫好大份!燒得焦香,魚肉油脂夠,灑上幾滴檸檬汁,簡單又好味。   當然唔少得石板燒A5和牛!厚切的和牛大大塊,共8塊!白色脂肪紋襯托着粉紅色的肉,好靚。放係燒得滾燙的石板上,牛肉的油脂,滋滋作響,帶着牛香的白煙徐徐飄出,牛肉的油緩緩流出,令人垂涎三尺!    這個牛肉燒得兩面焦黃,入面應保持嫩紅,配白飯食是最佳配搭。     呢度嘅炸天婦羅炸粉不算太厚,所以食起嚟唔會厚粉的感覺,新鮮炸起,熱辣辣。   最後黎多個和牛壽喜燒,一大盤蔬菜,有生菜、蘿蔔、冬菇、金針菇等,配上一大碟紅卜卜的牛肉。天氣轉涼,食完成個身暖晒。   呢家餐廳幾地道日本風,播住日本綜藝節目,位置都方便。大家如果係旺角食飯,柴娃娃黎飲下酒食下肉,呢度都係個不 錯選擇。 continue reading
(The above review is the personal opinion of a user which does not represent OpenRice's point of view.)