翠林辣蟹舫

同朋友傾起好耐無食過蟹，秒速搵到呢間食蟹嘅專門店Book定位收工即刻過嚟食，嚟到見到原來拎咗好多獎，仲有好多名人都嚟過。「新加坡辣椒蟹」大大隻，蟹肉好飽滿，亮點在於個汁非常惹味，甜甜辣辣，連蟹蓋都好多膏「粟米石班塊」粟米班塊食得多，用20幾斤重嘅龍躉切片，啖啖肉 加上粟米汁，口感真係好正「黃金豆腐」外皮金黃脆口，包住超嫩滑豆腐，比起豆腐花更滑。沾少少醬汁仲正「魚肚浸聖瓜」唔少得蔬菜中和一下，湯底好清甜，魚肚索哂湯底嘅味道，配聖瓜．木耳好夾。另外叫咗特飲，百香果加入青檸，酸酸甜甜．解辣又降溫有服務．食物有質數．下次約多幾個friend嚟，可以試多啲其他菜式。