The Captain's House (Closed)

之前病咗冇得食海鮮袋，所以今次叫朋友去陪我食返次！🔆海鮮拼盤（$5️⃣6️⃣8️⃣）我哋揀咗4款海鮮：蜆、鮑魚、蝦同扇貝。醬汁要咗mix & match，食落去有少少辣辣地，好似咖喱咁，好惹味😆。我覺得點蝦最好食，扇貝都好入味。另外，佢仲有2款麵包俾你揀，我哋要咗蒜蓉包，烤得好香脆，點醬汁食一流！另外，佢入面仲有粟米、薯仔同腸仔，索哂汁😌，個人最推薦粟米。🔆特色蟹餅（$1️⃣1️⃣8️⃣）蟹餅都相當推薦😍，佢蟹肉超多，一切開，入面全部都係一絲絲既蟹肉，冇溝粉，超滿足。🔆墨汁鮮魷魚·八爪魚意大利飯（$1️⃣5️⃣8️⃣）最後order呢個飯真係差啲食唔落🫠，不過佢味道都好食既，所以最後都清晒。飯唔算好硬，啱香港人口味，有奶香味🙈，幾creamy咁，啲飯仲有魷魚粒粒，都幾足料。今次仲見咗2杯飲品，Strawberry Flow 超有驚喜！😍其實佢係奶昔嚟，但唔會死甜或好酸，佢加咗香蕉，所以甜味來自香蕉。同埋佢超滑🥹，士多啤梨味一啲都唔藥水，超好味，一飲就中意晒！個人覺得雖然價錢唔算好平，但食物質素係高既🤪，係我會再去既餐廳。