Video
Read full review
2021-05-16
48 views
平時食串燒通常都係去居酒屋叫啲已經燒好左咗嘅串燒，或者就係好似BBQ咁自己拎住燒，今次嚟到呢間位於旺角嘅自助串燒店，可能order完想食嘅串燒之後就放落個轉盤度等佢自己燒，燒完之後直接搦上嚟就食得，啱晒我哋呢啲為食嘅懶人✌️✨貼心服務一開始嚟到，服務員好認真咁樣向我哋介紹點樣落單同埋用個自助轉盤。除咗可以唔使自己落手燒，慳水慳力之外，呢度嘅服務員都會好貼心咁成日行埋你幫手睇吓你啲嘢食燒熟未，燒熟左就會幫你拎起放上去上面個架度，等佢唔會overcooked~✨食物種類食物嘅款式都有好多，除咗一般嘅肉類（豬、牛、羊、雞）之外，仲有唔同款式嘅丸、腸仔、同埋甜品都可以燒，而且仲有飲品任飲，食完之後每人仲會送一杯Häagen-Dazs雪糕，成餐飯都好豐富～✨食物質素由於服務員會幫手睇住我哋嘅嘢食燒熟未，所以我哋嘅食物全部都燒得啱啱好～枱面上仲放置咗唔同嘅調味料，自己可以根據個人喜好調味，絕對適合唔同口味嘅人～✨餐廳環境串燒店一般都係比較侷促，但係呢度嘅環境就相對地寬敞，枱與枱之間都有一定嘅距離，令到私隱度高啲之餘，坐得又舒服啲，而且呢度係新鋪新裝修，令到食嘅過程都更加享受～
平時食串燒通常都係去居酒屋叫啲已經燒好左咗嘅串燒，或者就係好似BBQ咁自己拎住燒，今次嚟到呢間位於旺角嘅自助串燒店，可能order完想食嘅串燒之後就放落個轉盤度等佢自己燒，燒完之後直接搦上嚟就食得，啱晒我哋呢啲為食嘅懶人✌️
✨貼心服務
一開始嚟到，服務員好認真咁樣向我哋介紹點樣落單同埋用個自助轉盤。除咗可以唔使自己落手燒，慳水慳力之外，呢度嘅服務員都會好貼心咁成日行埋你幫手睇吓你啲嘢食燒熟未，燒熟左就會幫你拎起放上去上面個架度，等佢唔會overcooked~
✨食物種類
食物嘅款式都有好多，除咗一般嘅肉類（豬、牛、羊、雞）之外，仲有唔同款式嘅丸、腸仔、同埋甜品都可以燒，而且仲有飲品任飲，食完之後每人仲會送一杯Häagen-Dazs雪糕，成餐飯都好豐富～
✨食物質素
由於服務員會幫手睇住我哋嘅嘢食燒熟未，所以我哋嘅食物全部都燒得啱啱好～枱面上仲放置咗唔同嘅調味料，自己可以根據個人喜好調味，絕對適合唔同口味嘅人～
✨餐廳環境
串燒店一般都係比較侷促，但係呢度嘅環境就相對地寬敞，枱與枱之間都有一定嘅距離，令到私隱度高啲之餘，坐得又舒服啲，而且呢度係新鋪新裝修，令到食嘅過程都更加享受～
Post
