棠記海鮮小廚

Open Now

Now Closed

😂😂如果唔係同朋友食飯，真係好少入去咁遠食飯，不過都覺得好值。菠蘿咕嚕肉呢個同平時食既有d唔同，佢菠蘿同咕嚕肉分開。菠蘿凍食好甜，可以解油膩。而佢咕嚕肉炸得好香脆，外層包住甜酸醬汁，超好食，唔怪得個個都叫。豉椒炒蜆呢個好適合餸飯，炒得好夠鑊氣，蜆肉好夠味好彈口，超新鮮，全部都開晒殼，份量都幾夠。我哋仲叫咗碟煎大蝦，真係隻隻蝦都好大隻！而且蝦肉好新鮮，一啲都唔霉，隻隻都爽口彈牙，好滿足，不過如果可以點醬食仲正。最後食咗咁多肉，點可以唔叫返碟菜呢？白菜仔份量十足，佢用蒜蓉炒，好香口，同埋鑊氣好夠，啲菜仲係好爽口，唔會淋晒，我哋好快就清晒一碟。雖然尋日落大雨又掛3號，但係都見到好多街坊幫襯，睇得出好受街坊歡迎。