辣宴

早排食得比較清淡，所以好想食啲辣嘢😆，通常呢個時候我就會揀川菜。


🔅錫紙包花甲
全場最好食係佢！唔會辣到我食唔到（中意食辣但又唔係好食得🥹），少少辣就最惹味。雖然唔算大粒，但勝在份量多。

🔅錫紙金針菇
金針菇冇得輸，仲要加好多蒜蓉。

🔅蜜汁薯仔牛柳粒
喺一間川菜餐廳叫粵菜😂⋯⋯ 因為朋友唔食得辣，純粹陪我，好采有啲唔辣既可以揀，雖然冇大排檔咁有鑊氣，不過都似模似樣。

🔅涼拌土豆絲
係好爽脆既，不過愈食愈辣，呢個冇得揀辣度，自己睇路😂。

佢仲有個冰粉自助區，個人覺得用嚟解辣唔錯。