Mr. Crab by The Captain's House (Closed)

心血來潮想食海鮮餐，揀咗灣仔囍帖街附近嘅Mr. Crab，餐廳門面細細，估唔到上一層樓梯另有一番風味。𝘚𝘌𝘛 𝘍𝘖𝘙 𝘛𝘞𝘖 $768👍 𝘚𝘦𝘢𝘧𝘰𝘰𝘥 𝘊𝘰𝘮𝘣𝘰絕對係餐廳嘅招牌菜，見到每一枱都會點。可以揀三款海鮮，加上自選醬汁，侍應會喺客人面前搖勻海鮮袋。我哋揀咗海蝦、藍青口、八爪魚仔，加上醬汁Lemon Dill Cream Sauce。醬汁Creamy加上檸檬味，可以帶出海鮮鮮味。海鮮質素唔錯，尤其海蝦非常彈牙。海鮮包入面仲有粟米、薯仔等配菜。👍 𝘓𝘰𝘶𝘪𝘴𝘪𝘢𝘯𝘢 𝘊𝘳𝘢𝘣 𝘊𝘢𝘬𝘦 𝘗𝘰𝘱𝘱𝘦𝘳𝘴 既然餐廳叫Mr. Crab，點可以唔試吓佢嘅蟹餅呢😋蟹餅真材實料， 一絲絲蟹肉，炸得金黃香脆，再配上醬汁，一口一粒好滿足！👍 𝘊𝘳𝘢𝘣 𝘗𝘢𝘴𝘵𝘦 & 𝘊𝘳𝘢𝘣 𝘔𝘦𝘢𝘵 𝘙𝘪𝘴𝘰𝘵𝘵𝘰蟹肉蟹膏意大利燴飯，用咗南瓜汁去煮，好香南瓜味，同樣食到一絲絲嘅蟹肉。配上一隻小小嘅蟹鉗，同樣鮮味十足！📍Mr. Crab by The Captain's House灣仔莊士敦道74-78號一樓及地下C號舖