Outdark (飛達商業中心)

Open Now

Now Closed

Outdark旺角分店位於飛達商業中心，就在彌敦道大馬路雅蘭中心旁邊，位置都幾就腳。餐廳人氣都幾旺，閒日晚上八點黎到仲等左陣位。餐廳整體潔淨，座位空間適中唔算逼，眼看仲有一個講韓文嘅OPPA侍應添……菜包肉（$248）：故名思義，餐牌亦有介紹，菜包肉即以生菜包煮熟嘅豬腩片、紅蘿蔔絲、醃白菜、青紅辣椒、蒜頭及韓式醬料享用，別具韓式風味，豬腩片共有二十塊，幾香幾有肉味，但食落唔膩唔會太多油，份量之多，足夠三人享用。原味韓式炸雞 ($138/半份): 半份炸雞共有四件，但每份均配有薯格、粗薯條及脆薯皇，都幾飽肚，二人點半份便以足夠。炸雞皮脆肉嫩，且有豐富肉汁，非常惹味；而配菜薯格、粗薯條及脆薯皇亦十分脆香，薯味濃郁。海鮮煎餅 ($138): 看圖都見非常足料，煎餅含大量蝦肉、花枝、韮菜及青紅椒絲等等，每一口均食到不同配料，餅底帶黏性，質感微微煙韌，食落都幾香滑。