隨心 (Moved) New Location

喺鰂魚涌都唔知食咩，就是但行入去一間新加坡餐館。一見到餐牌，有主打海南雞同喇沙！朋友同我都興奮不已，就毫不猶豫哋叫晒兩個！首先嚟嘅係 海鮮喇沙，海鮮喇沙的材料有一個帶子，一條蟹柳，兩隻蝦仔，三片墨魚片同三個豆卜。望落賣相唔錯，麵嘅質感合格，可惜湯底味道並不正宗。食過正宗喇沙嘅朋友應該都會記得湯底濃郁嘅椰味，以及正宗喇沙必備嘅辣椒醬！但係哩碗喇沙做唔倒，所以佢只係碗冇靈魂嘅喇沙。食完喇沙就到 海南雞飯，雞飯係用無骨雞，可惜，雞嘅份量唔算太多，而伴菜係辣豆，兩塊青瓜同一粒車厘茄。大家都可以見倒，相片中嘅飯係冇油光，因為佢真係純白飯，而正宗嘅雞飯係要撈雞油的呀！！！唯一值得安慰嘅係雞嘅肉地好滑，都總算有啲安慰。今餐最驚喜應該係生薑茶，夠晒薑味！而雪梨茶就偏甜小小。總結嚟講，今餐新加坡菜真係令我有啲失大望，希望下次真係可以食倒正完新加坡菜。