Neighbor (Closed)

星期五晚放工，約左朋友食飯補祝生日。就佢食完飯仲要趕返去OT，所以揀左近佢公司的Neighbor食個便飯。 餐廳唔算難揾，係銅鑼灣F1出口，直行到街尾就係了。 初時以為樓下就係間餐廳，得一排枱櫈，但原來別有洞天，上了樓梯有個秘密花園，有幅碧綠的用植物砌成的牆，幾清新。 二樓走暗調頹廢路線，紅磚配水泥牆，燈光都偏暗，但夜晚都唔少人幫襯。 點左set dinner。點左燒豬仔骨同埋安格斯牛扒。上菜好快，湯先上，蘿宋湯，好足料。沙律好大兜，好多沙徘菜及煙三文魚，一啲都唔hea，仲要調得幾好味。我地見唔係太貴，加左2客小食。三文魚他他千層$28，成個小山咁，芒果酸酸甜甜，好清新開胃。巴馬火腿芝士$35，芝士切得有厚度，配上火腿，咸咸地，好好味。安格斯配紅酒汁大大塊$248，友人因為不喜血水，所以點了9成熟，但扒都唔覺太乾，而且肉厚。薯菜份量都好多。我點了杯可遇不可求，橙紅色甜甜地，幾靚。飲得出有桃味、青擰同薑，不錯。朋友點椰林飄香，椰子味好重，唔太甜，佢話啱佢。燒豬仔骨好熱，大大塊，面頭塗滿醬，好惹味。肉夠厚又多汁，可以切到成6塊，配薯條。2樣主菜加埋都好飽下。跟餐送埋甜品。一大球雲呢嗱雪糕，