Lobster Shack (Moved) New Location

在銅鑼灣飲完咖啡，見接近日落時間就到西灣海傍影下相。然後走到了第二街，食朋友推介的Mac and Cheese。    小店設計花過心思，墻上壁畫都畫成海底世界，色彩好繽紛。未坐低就見隔離枱食緊mac and cheese，個拉絲好吸引！   難得今日海傍影到靚相，盡興地點了2杯酒，我點的是法國的玫瑰酒，淡粉紅的，入口微苦而富花香。 朋友的是西班牙汔酒，金黃色的汔泡在杯中流轉，順滑易入口。 帶子沙律攞盤好靚，深藍的碟上切出了盛放的帶子花。沙律由洋葱、牛油果、番茄、青瓜等拼湊而成，所以入口是蔬果的清新。帶子伴上微辣的青辣椒，還有點點紅椒作點綴，帶少許嗆鼻，但灑上橙皮又中帶來點柑橘香。清新開胃之選！ 主角Mac and cheese 看似小小一盤，但實情係兩個人share都有啲飽。滿滿的車打芝士已焗成半溶狀態，鋪面的是鮮紅的龍蝦蚶。   輕輕一掏起，千絲萬縷芝士傾巢而出，伴隨著芝士香。通心粉質地軟得黎帶咬口，車打芝士帶點煙韌，兩者好夾。看似簡單，但要做得好食其實也考功夫。 小小的店，滿載心思，不單食物味道好，連餐枱上都用上了鮮花，絕對是誠意十足的店。難怪吸引到唔少附近街坊幫襯。