Video
Opening Hours
*6點后做外賣 11/2: 通宵但賣唒就收爐
Mon
12:00 - 21:00
Tue
Closed
Wed - Sun
12:00 - 21:00
Above information is for reference only. Please check details with the restaurant.
今日經過元朗行街，想試吓古早味台式野。 同埋💛店 想支持下。👅食評：🌟肉燥乾拌麵 （另加鹽酥雞+滷水豬腳）鹽酥雞： 食落好香脆， 鹽酥味好出，肉質滑身，但偏細舊。滷水豬腳： 豬腳淋身，滷水相對都好入味肉燥乾拌麵 ：肉燥味道好濃但份量偏小， 面質相對有口感。但撈埋一齊食比較清淡。🌟紅燒牛肉麵紅燒牛肉好淋，口感唔錯。但湯底都比較清淡，令到牛肉味唔出。 🌟台式冬瓜茶冬瓜味香甜 好解口～整體黎講🍽～店內環境都舒服，充滿台灣古早味特色。 特別係飲台式冬瓜茶同鹽酥雞，不錯👍🏻。
continue reading
今晚同家人於外賣平台考慮食邊間，咁啱見到古月聚有優惠，記得大約一個月前食過一次唔差 (但上次無寫食評)，決定再幫襯多一次，同時亦可以寫番個食評分享俾元朗街坊。家人叫咗個三寶牛肉拉麵，今次先睇到原來餐廳係標榜唔用味精及雞粉，而我就叫咗個雞扒飯，再加咗幾樣小食包括椒鹽四季豆，地瓜條，仲有貢丸湯。先講家人的牛肉麵，好味同埋都牛肉份量都算多，而牛肚亦唔韌，個湯亦唔油膩，究竟是否真正無用味精及雞粉就唔知，不過個湯麵確實係幾好食。而我的雞扒飯，雖然無特別驚喜，不過味道及份量都令我滿意。幾款小食都唔錯，尤其係個地瓜條炸得好味，四季豆今次無上次咁好味。貢丸湯有4粒，味道就一般。寫食評先見到原來古月聚都有唔少負評，以一個經常幫襯唔同餐廳外賣的忠實元朗街坊，希望分享呢兩次幫襯古月聚的經驗俾大家以作參考。
continue reading
本來試食過一次滷肉飯 已經感覺質素參差，諗住小店偶爾一次失手☺️今日經過小店諗住俾多次機會，試試紅燒牛肉麵 。本來價錢已經唔平，一個麵餐嘅價錢有其他更好嘅選擇。估唔到食物質素可以如此差劣🧐 紅燒牛肉麵湯底全部係紅油，得個辣味，好似食緊豬油落肚。完全冇用心烹調過牛肉麵湯底，希望店主可以好好學習一下研究食譜何謂牛肉麵。食食吓面仲食到有百潔布碎，衛生完全好有問題。基本嘅食物水準都未能夠達到，嚟元朗嘅朋友唔需要浪費時間幫襯呢間食店。
continue reading
早前從寶琳遠道而來大西北，元朗國朋友帶咗我去大水渠附近嘅古月聚食台灣嘢，環境唔算好精緻，但係價錢親民，食物味道都唔錯👍🏻🥣藥膳排骨燉湯 $56店家首推！湯底飲得出有藥膳香，濃郁得恰到好處，而且有啲甜甜哋，排骨都入味👍🏻🍚滷肉飯 $33望落細細碗飯，但其實有好多粟米同埋切得算係幾大粒嘅魯肉，呢啲粒粒口感再加埋魯肉汁撈飯，完全係台灣嘅感覺😌🌭原味大腸包小腸 $38見到呢個一定要點啦，因為真係好掛住台灣嘅夜市！大大碌惹味又香口嘅香腸，配上糯米飯上面嘅香蒜同埋特製醬汁，甜甜哋好開胃😍❤️原味台灣香腸 $30朋友表示食過呢個台灣香腸好好食，又係喎！呢個台灣香腸煎得好香口，仲要切成咁多細片拼埋生蒜片食，神奇地去除咗嗰種油膩感🙀🧡甜不辣 $22呢樣又係去台灣食店先會食到嘅嘢！賣相簡單好看，食落煙煙韌韌、好有口感，加埋個泰式甜辣醬？！又一令人食過返尋味嘅小食🤟🏻
continue reading
老闆走左之後第一次再食，食物味道同佢仲係到個時係唔同咗，今次叫左個鹽酥雞飯，啲雞改咗味到，食到有少少芥末味鹽酥味唔重，但雞肉係ok嘅，豪大大個味會好味啲，肉燥都大不如前 味道淡咗同好稀，冇之前咁乾身。
continue reading