古月聚台灣古早味美食 (Closed)

星期日點零鐘去到古月聚，剛好有人埋單，有枱入。坐底叫咗碗紅燒牛肉麵、肉燥湯麵加配鹽酥雞、跟餐一杯凍奶茶&凍金桔檸檬冬瓜茶。紅燒牛微辣，老公好欣賞啲牛筋，話好淋，正！我個碗肉燥湯麵湯在就淡左啲，不過肉燥做得好，用啲汁撈埋湯度可以接受的。落單紙有標名冇落味精冇落雞粉，所以湯底偏淡，我都好欣賞，畢竟做生意，好少餐廳以健康為主能留住食客，所以其實都幾搏😅鹽酥雞係正嘅，乾身唔厚粉，冇肥膏，正！同路人行過要支持下！

呢間野真係經過左都會唔知，佢個門面同普通茶餐廳無分別喎，但內裡你就知道佢厲害！聽說老闆娘是台南人，廣東話超厲害～老闆是香腸大王🤔(應該係)紅燒牛肉麵外表平平無奇是吧～牛肉看似很老是吧～你全部錯晒！肉湯超清甜，無錯係甜！應該有用蘿蔔熬煮，牛肉的油脂剛好不會太濃太膩；牛肉雖然無隔離街台灣人牛肉麵咁柔軟但係入味既，同佢外表好唔統一，而且佢用粗麵，有點似自己手打的感覺，因為超煙靭！一試回味，真心不是蓋的～鹽酥雞拌麵，有點偏乾，但麵仍然是重點，個雞都算鬆脆，愛拌麵人士必食！大腸包小腸真係不得了！香港首見！我可能會每個星期都特登黎食哈哈！應該沒有人不知道大腸包小腸是甚麼吧？糯米腸包住台灣小香腸，上面淋上酸辣汁，配少許炸菜、香菜等配料，不得了個口感同味道完美！