Video
1-min walk from Exit B2, Yau Ma Tei MTR Station
continue reading
Introduction
澳門九記以「清湯腩」及「海南雞」馳名,讓客人隨時隨地可享受到「澳門九記」的原味美食。
continue reading
Opening Hours
Mon - Sun
11:00 - 23:00
Above information is for reference only. Please check details with the restaurant.
想見識下老鼠點樣識飛？來裡間餐廳就岩啦！火都來埋！食食下天降米奇～奶茶一啖無飲，即走！！高速埋單；收銀淨係識講‘唔好意思’一邊快速咁找錢。抵到爛！50來蚊當跌左，睇清楚一間餐廳素質～永久唔會再幫襯；通知埋親朋好友～原來香港都有野生動物園嘎。🐘🐴🐷🐶🐑🐦
continue reading
一個人行完信和買高達，搵附近餐廳醫下肚仔先，就咁行行下就去到呢間海南雞專門店，都食左好多年，水準依舊。呢到啲雞呢全部都係會去骨嘅，除左雞翼，所以食落啖啖肉真係好爽皮。而佢啲雞皮都好滑，有少少味唔會太鹹。雞肉方面呢，佢斬左雞髀同雞胸，雞髀肉食落好彈口好好食，雞胸老左少少但都接受到，而且都仲有雞味，算係咁。個飯底就好有油香，配雞一流。最緊要有薑蓉，師傳教落雞配薑蓉就最好食，個蓉唔太鹹唔太辣，送飯送雞都好好。個辣醬就不了，我真係唔食得辣，唔評。蘿蔔湯呢，味精湯好好飲（笑），蘿蔔好甜無根夠林，好好食。環境就普通旺角茶仔咁，無乜招呼，無乜裝修，不過一支公有乜所謂呢。
continue reading
呢一間係我返工嘅時候，Lunch time搵到但係令到我帶啲眼鏡因為真係好唔抵食同埋好貴。但係呢一間野都意外地好多人去食，我聽到好多操流利普通話嘅人應該多數都係大陸人幫襯。佢嘅份量真係十分之少，味道都係一般般，海南雞飯唔正宗，佢多咗一Pat蒜蓉就破壞左成個海南雞飯。而我兩啖都食完了，全程5分鐘我就已經將成個飯食完。所以下次一定唔會再幫襯，今次我蠢咗呢間野應該係做開遊客生意，仲諗住佢有少少本地良心，我真係諗得太多了，搞到我仲要去出邊叫多個牛腩麵先至可以飽肚。，所以呢間野我真係唔會再去，亦都強烈建議其他人唔好去最重要係買$60唔包野飲。但係佢都有好嘅地方嘅，就係可以快速咁食完，味道係開胃嘅。但係真係好唔抵食
continue reading
嚟呢間食店我只會食佢嘅海南雞髀飯因為雞肉好滑好香， 跟小小薑蓉+一小碟綠色小小辣嘅汁簡直係天作之合 令本人每次中午經過油麻地都會心思思鼠🤣😉入去食🐥🍚而丸記不太油膩嘅雞油飯，更勝觀塘碼頭某間出名大飯店， 因大飯店雞油飯過油 ，而丸記轉雞髀只要加六蚊 😸 凍飲加四蚊！ 地點又方便 🤗重點係佢哋海南雞飯油朝賣到晚 🤩🥳唔會入到去冇得食但係其他嘅食物就唔太吸引， 而咖哩牛腩就絕對唔好叫😬 一定會後悔， 但都已經吸引我最小每個月去食一次 果然獨沽一味就夠洗🤣🤣·
continue reading
一家明星粉面店，店內牆上貼了密密麻麻的明星合照，店鋪雖不大，卻總有當地人為美味而來。最為有名的就是清湯牛腩了，出品很不錯，湯底清甜，肥瘦相間的牛腩入口不硬而爽滑，慢慢咀嚼時牛脂香氣緩緩溢出，香濃撩人。
continue reading