Video
Opening Hours
Today
10:00 - 20:00
Mon - Fri
10:00 - 20:00
Sat - Sun
11:00 - 20:00
Public Holiday
11:00 - 20:00
Above information is for reference only. Please check details with the restaurant.
自從2019年尾的 COVID-19 疫情下，我都減少行商場；事隔3年，重遊舊地的東涌東薈城！今次，我為了影 Hello Kitty 而走到東涌，無意中經過見到有間 <Cupping Room Coffee Roasters>，當時，供應的甜品剩番4款，Tiramisu 及巴斯克芝士蛋糕等，我還考慮食哪款巴斯克芝士蛋糕？！ 等到影完 Hello Kitty 才幫襯吧！半小時後，我走到 <Cupping Room Coffee Roasters>，甜品櫃竟然空空如也！ 我問店員，甜品係咪賣哂？！店員話係呀！ 果然好快賣哂！有見及此！我都會飲杯飲品，加一件包裝蛋糕，反正，晚上 8:00 要返屋企食飯！第二次幫襯，是因為梅窩兩天遊預祝好姊妹生日，有朋友提議我由梅窩搭巴士3M到東涌，經屯赤隧道返屯門更快！船程及車程差不多，然而，該時段船班次40分鐘/班，車班次15分鐘/班，已慳番時間25分鐘！既然巴士總站正是東薈城，當時 4:15pm 落車，去完洗手間後，立即找找這店！原來 2:30~5:30 還有下午供應，甜品亦有好幾款； 況且，在梅窩下午約 3:00pm 才食飽海鮮午餐，根本我尚未肚餓，經過也不想錯失機會！第三次幫襯，是為了物色新鞋過新年！ 恰巧！我走到第一間名牌鞋店已買到心頭好嘞！所以，Shopping 後有充裕時間慢慢嘆杯熱咖啡，食一件甜品呢！Menu付款後，店員隨即給予號碼牌，等店員送上食物。Hot Matcha Latte (Regular size) $48就算用上紙杯亦不馬虎，同樣有心形拉花！ 口感順喉，入口甘中帶甜！Yuzu Poppyseed Cake $30混合罌粟籽，每一口也充滿輕微的嚼勁，蛋糕鬆軟濕潤，甜度適中！Hot Hojicha Latte (Regular size) $48入口溫熱，甘甜平衡，比我預期甜！Matcha Cream Roll $52蛋卷質感鬆軟綿密，抹茶忌廉柔滑不甜膩，抹茶味輕盈！甘味遠比 Hot Matcha Latte！Hot Latte (Regular size) $42傳來咖啡香，入口溫熱，綿滑細膩！甘香醇厚！一杯咖啡配一件甜品，最好不過的下午茶！Earl grey tea burnt cheese cake $60當日的期間限定口味是 Earl grey tea 伯爵茶芝士蛋糕，輕微的茶味或多或少都可以減輕甜膩感！芝士味濃郁，而質感頗為挺身！
continue reading
第一次寫食評，過往一些不好吃的的餐廳也很少有動力去寫負評 。但這間Cupping Room的食物及飲品，服務態度及衛生環境，都令我感到十分失望 。首先咖啡顏色十分淡，味道也很淡，根本不是flat white 的濃濃咖啡味 。用紙杯保溫欠佳 。更恐怖的是他的肉醬意粉，比快餐店的還要差，毫無賣相可言，上面燒芝士燒焦了，送上枱時有一些臭味 。 實在嚇了一跳。衛生方面，送上的匙羹及叉都是有污跡明顯是沒有洗過的洗不乾淨，衛生情況欠佳咁不要說毫無服務可言，其他的問題已經掩蓋這部份 。 另外價錢亦十分貴，完全不值。永遠不會再幫襯這間分店了，其他的分店咖啡沒有很差，非常不愉快的經歷 。
continue reading
沒有心理準備下見到唔使排隊入嚟的舖頭，入到嚟係木調+工業水泥風？幾新潮，估唔到outlets都有依啲咁Chill嘅地方🤣算係開心大發現，上嚟推薦俾大家☺️我哋叫咗兩個意粉，一個係蜜汁蒜香大蝦意粉，一個係肉醬意粉。由於實在太肚餓，冇影相已經即刻食晒🤣比較推介大蝦意粉，有驚喜，蝦已經剝晒殼，去曬蝦線，啱晒我呢啲懶人！上邊有啲炸蒜，夠晒鑊氣同香口。🦐🦐🦐肉醬意粉就偏一般，可以試其他。嘢食方面嗌咗杯人氣之選，椰香抹茶鮮奶咖啡，底下係抹茶加椰漿，第二層係鮮奶，最頂係咖啡，充滿Layered，啱晒我依啲港女打卡！另外叫咗一杯Latte，味道偏酸甜，橙香莓果牛奶朱古力味，不錯。🍵🍵 工作人員態度也唔差，問問題都有耐心回答，上網睇不明點解咁多差評，可能有認真檢討，係東涌飲啡輕chill嘅不二之選🫶🏻❤️畢竟是outlet，已經相當不錯，有新年氣氛🧧🏮🏮
continue reading
證明公司管理真係好重要未見過一間cafe係全部staff都可以咁唔friendly睇住有個staff一路沖咖啡一路按電話 真係世界級然後落單個staff仲要好似差佢錢咁 擺出一副得未嘅樣子仲要找錢嘅時候係背住我同後面嘅staff傾計好老實 五十幾蚊杯咖啡都唔算係平其他平價少少嘅連鎖cafe服務同食物質素都應該好過佢但服務真係同大排檔有得比真係貼錢買難受最後仲要就黎收工嘅時候啲staff係用非常唔友善催我地快啲走…
continue reading
嚟咗幾次東涌先發現竟然有間精品咖啡Cupping room，之前都聽過一直冇機會試，三四點行街行到攰，想搵間coffee shop坐吓，食件蛋糕簡直一流！服务好好,店員超有禮貌,而且出品都唔錯 ,mocha好飲，不會太甜冇咖啡味，賣相又靚。環境都舒服闊落，用餐時間有90分鐘蛋糕都高質，賣相都好吸引，可惜得一個人黎，如果唔係會想試埋其他。臨走前先見到原來仲有野食，下次會xv再嚟試吓意粉同手沖咖啡。 推介朋友嚟一起飲啡打卡!
continue reading