Video
Good For
Romantic Dining
Business Dining
Casual Drink
Opening Hours
Mon - Sun
12:00 - 14:30
18:30 - 23:00
Above information is for reference only. Please check details with the restaurant.
Signature Dishes
同兩位好友第一次一齊嘆high tea, 環境好，食物質素高，最喜歡檸檬撻，及scone . Cheese cake , 夠芝士味但不太甜。夠靜，是好友談心的好地方，坐位也得舒適。有privatcy .
continue reading
如果唔係某本雜誌送買一送一優惠券，我都冇留意有這間酒店存在.未去之前，上網看過資料，大致上都係好評,食過後，覺得這個價錢有如此質素，如此靚景，絕對超值。酒店推出半自助午餐，有頭盤、沙律同甜品，雖然選擇唔算多，加埋得幾十款，但味道合格有餘。我最鍾意食凱撒沙律，汁正生菜甜，煙三文魚同parma ham甘香肥美，唔算太鹹，配以哈蜜瓜嚟食，好正好好味。甜品試咗十數款，味道一般，冇乜邊隻特別好味。主菜七選一，其中幾款要另外加錢.今日同老公揀咗辣椒燴牛肉同白酒煮馬尼拉蜆意粉share嚟食，味道方面原來所謂燴牛肉，即係牛肉醬，好重香料味，又鹹又辣，唔係太鍾意，咪膽粗粗試吓可唔可以換第二款主菜啦，點知又得喎，今時今日有這樣嘅服務態度，真係值得一讚。講回主菜方面，換咗個烤三文魚三文治，三文魚烤得好嫩滑，醬汁有少少芥辣好惹味。麵包烘得外脆內軟，整體味道好好。至於個蜆肉意粉味道一般，蒜蓉汁香但過鹹，蜆肉冇鮮味，不過意粉煮得軟硬適中，都有一樣可取之處。餐飲叫了杯泡沫咖啡，一睇就知係誠意之作，賣相掂，味道香濃幼滑，好好飲。食完此餐對這店好滿意，員工服務殷勤，有禮貌，令人有賓至如歸嘅感覺。
continue reading
餐廳夜境就真係一流, 由38樓望向下用餐, 可惜窗口位唔多, book 位時記得預留, 用餐後可到40樓室中花園坐坐, 欣賞下夜景, 食物質素雖然唔係好好美, 但都合格嘅!頭盤: ice balloon, 真係幾靚用冰做出來的水晶球, 入面分別有蝦, 蟹, 芒果, 牛油果, 蕃茄, 好清新好好味 & 凱撒沙律.餐湯: 蟹肉海鮮忌廉湯 (略嫌忌廉味太重蓋過鮮味) & 龍蝦湯主菜: 意大利雲吞 (勁香芝士味, 好好味係漏左小小 o者) & 燒春雞海鮮拼盤, 龍蝦 & 大蝦 - 無咩鮮味, 生蠔 & 鮑魚 - 是最好的, 螺 & 帶子 - 完全唔想放入口, 最衰 LEE o個拼盤, 拉低晒全晚的分數, 好貴但又唔新鮮, 有機會去的朋友千祈唔好試!
continue reading
本來見有coupon買一送一就膽粗粗去試下呢間酒店既Buffet，心想即使唔好食都唔算貴丫之前連酒店個名都未聽過…去到尖沙咀仲要問人先找到既酒店，上到去己經比個view吸引住…一坐底已經有好熱情有禮既waiter哥哥招呼介紹，其實呢個係半自助式既自助餐…我地一行兩人選好main course就出去夾沙律…嘩！d菜好新鮮仲有甜味的…而且salad bar仲好乾淨企理。到我地差不多食完個沙律…waiter哥哥又走過來問可以起得main course未…（真係冇唸過呢個價錢竟然有呢個服務…六星級酒店都未必做到）。個main course真係ok wor，牛扒都魚…都冇令我地失望，有水準…新鮮！甜品雖然唔多選擇，不過樣樣都好味，尤其是chocolate pudding。我一定會再去多次！即使冇買一送一都覺得唔貴喎^^
continue reading
今日公司食開年飯, 食完先返公司開工今日食半自助餐, 有3個主菜選擇, 牛扒 OR 羊扒 OR 帶子>.<我食牛扒, 伴薯條, 又幾好食喎同事食羊扒, 伴薯蓉粒, 係3個主菜中最好食!! (HEHE, 我梗係唔會放過啦^^)另一個同事食帶子, 伴意大利飯, 不過我無試, 唔知好唔好食呢?!?!除咗主菜, 當然有前菜啦!! 不過就無影相, 但Ham with Melon, 魚子醬伴蛋白, 等等等等呢D都好好食, 但款式就好少LU... ...整體上, 比預期中好食仲有海景睇, 侍應態度又好, 幾個FD. 黎吹吓水食吓飯, OK架
continue reading