Video
Exit D1, Nam Cheong MTR Station, Exit C1, Sham Shui Po MTR Station
continue reading
Telephone
97065687
Opening Hours
Today
12:00 - 21:00
Mon - Sun
12:00 - 21:00
Public Holiday
12:00 - 21:00
Public Holiday Eve
12:00 - 21:00
Above information is for reference only. Please check details with the restaurant.
Video
Photos
蒜蓉豬手
芝士牛肉飯卷
玫瑰卡邦尼炒年糕公仔麵
+605
+51
Recommended Dishes
途經西九龍中心，正值午飯時間，睇到呢間之前食過嘅樂樂豬手，突然有啲口痕，就決定食佢喇蒜蓉豬手 $88豬手可以叫全份或者半份，今次就揀咗半份，豬手表面鋪滿蒜蓉，仲灑咗啲黑白芝麻做點綴。豬手肥瘦適中，加埋滿滿嘅蒜蓉食好香口炸醬炒年糕 $62見到炸醬炒年糕，以為係韓式嘅杰身炸醬，點知原來係偏水狀嘅醬汁，除咗主角年糕之外，入面仲有魚餅同埋洋蔥等配料，炸醬汁食落有啲似醬油味，連埋煙韌嘅年糕一齊食原味飯卷 $50另外叫咗一卷原味飯卷，入面有紅蘿蔔、韓式醃蘿蔔、蟹柳等配料，味道清爽，當然都可以沾炸醬汁食，叫飯卷配咗綠茶，可以當套餐咁食
continue reading
👐🏼每次去到深水埗都唔知食乜嘅時候都會走上去西九龍美食廣場搵食，因為我同老公嘅意見太多，你又鍾意食中餐，我又鍾意食西餐，所以美食廣場上面有更加多選擇，價錢平快靚正，而家仲開咗好多新嘅店未試過所以想去食吓！😌今次同佢共識叫咗一間大家都鍾意食主打韓國壽司！佢鐘意豬手，我鐘意韓玏壽司，都揀咗兩款唔同味道嘅韓國壽司食，以為普通韓國快餐嘅味道，點知真係出乎意料之好食！壽司推介趕返工或者要快食嘅人選擇！另外仲有豬手超腍超入味同入味，一啲都唔Hea做，對豬手嘅愛好者真係最好選擇，仲要每一嚿都唔係好肥，可以成兜食晒都冇問題！🧃跟餐仲有盒裝嘢飲，酸酸椰菜絲酸酸甜甜非常好食！
continue reading
最近西九龍中心food court 多左好多美食平日我都會西九龍中心搵野食 選擇性比較，想咩都有，有手搖品 今次選擇一間韓國菜，豬手，紫色包飯，韓式年糕⋯ 豬手佢有得半隻/ 便當 選擇左便當，佢好豐富，有前菜，蛋，豬手份量唔少包紙包飲品豬手煮得好淋身，入口溶化 。芝士吞拿魚紫菜包飯 佢個材料好足料，好食， 其他選擇泡菜，牛肉。 韓式年糕選擇好多炸醬，卡邦尼，泡菜 選擇咗卡邦尼韓式年糕，份量好足，冇諗過原來卡邦尼再加埋韓式年糕咁夾 如果驚唔飽嘅話，其實可以再加多個韓式麵底 以後去food court又多一個選擇
continue reading
搵食去西九龍中心就啱哂, 係8樓美食廣場幾乎咩菜式都有得食; 老公話今日想食韓式豬手, 我就推介呢間樂樂韓式豬手, 店鋪招牌菜正正就係豬手,佢啲豬手炆煮仲好入味! 而且見到價錢真係抵呀!招牌原味豬手飯 - $53韓式豬手分別有招牌原味豬手, 蒜蓉豬手及香辣豬手三款口味; 豬手除了可選全份或半份之外, 更可配飯; 我地要個招牌原味豬手飯, 仲可配一包紙包飲品。飯配有滷蛋, 前菜, 脆紫菜, 豬手份量都有1/4隻; 原味猪手烹調得非常恰到好處, 豬手去骨, 肉質鮮美, 搭配特製的醬汁, 炆得相當軟腍, 入口好有膠質, 個豬皮膠質重到有黏口嘅感覺; 食咗咁多重口味嘢, 仲可食返個酸酸哋嘅椰菜中和吓。牛肉飯卷 - $58飯卷入面包住醃得入味嘅牛肉, 醃蘿蔔, 紅蘿蔔絲, 青瓜, 蟹柳, 干瓢同魚糕等材料, 真係爆哂料, 而且新鮮爽口, 每件都卷得實淨, 唔會一夾就散, 飯粒濕潤而軟硬適中, 不過欠少少麻油香味。飯卷都有紙包飲品配呀!辣炒年糕公仔麵 - $66大大盒, 年糕煙韌有嚼口, 仲加有魚糕同椰菜, 洋蔥; 一入口係甜辣, 但越食就越辣, 有啲似辣雞麵咁; 好辣嘅人會食得好過癮, 公仔麵淋淋地份量勁多, 食量大嘅人一定夠飽呀!
continue reading
今日又再嚟到西九龍中心呢間韓式餐廳，諗起上次食過嘅豬手同卡邦尼年糕公仔麵真係好正，決定再encore！今次我哋依然叫返蒜蓉豬手，水準保持得好好，豬手外皮Q彈嘅口感同濃郁嘅蒜香味完全冇變，女朋友食到停唔到口，話終於解到佢嘅韓國豬手癮。另外再叫多次卡邦尼年糕公仔麵，煙肉同洋蔥嘅份量依然十足，芝士味濃厚得嚟又唔會太膩，年糕同公仔麵嘅配搭出奇地夾，食落去好有滿足感。餐廳環境同上次一樣，保持住中學時代嘅感覺，坐喺度食嘢真係好有親切感。服務都幾好，上菜速度夠快。食完之後，我同女朋友都覺得呢間餐廳真係keep到水準，兩次嚟食都冇令我哋失望。下次再嚟西九龍中心，一定會再幫襯！
continue reading