Video
Opening Hours
Today
08:00 - 19:00
Mon - Sun
08:00 - 19:00
Above information is for reference only. Please check details with the restaurant.
Recommended Dishes
今日大約1點10分左右去到店外賣買麵包，排第二個等候員工招呼，當時有2個收銀台，1個收緊錢，另1個冇開服務。突然1個年青男服務員走到冇開個個收銀台，叫排我后面個外國客人去走前，問佢要買乜嘢。呢個突然舉動，我即時向另1個收銀男服務員投訴，我話想知點解會咁，佢話會今日遲啲同那個年青男服務員講番有乜唔啱。我跟住話想即時同駐店經理講，男服務員話經理KC忙緊整pizza, 我堅持話要同經理講時發情況，男服務員吞吞吐吐同經理講，經理離遠問我要講什麼，我話關於投訴，經理面露不耐煩話過左lunch時間之後再來找佢講，態度非常不禮貌。當我準備走時，還清楚聽到經理同1 個男服務員講快啲叫我走，唔好阻住做生意，呢啲服務態度真係「香港好客之道」呀🤬 離開時遇到1個年青客人話呢個經理一向態度好差，啲服務員真係好慘呀！
continue reading
星期六同老公特登行去食lunch，食完覺得定價貴得黎，食物份量好細，唔抵食，慶幸唔駛加一。Poached egg, smoked salmon, avocado, on 100% rye sourdough勁細碟，有一片薄既健康麵包，搽左青醬，配料有煙三文魚、半個牛油果、好細粒嘅流心蛋，絕對食唔飽。Brioche French Toast w/Raspberry, Maple Syrup French toast非常之甜，甜度有10粒星，起碼要少一半甜先合理，但係個麵包係好食嘅，索晒啲汁，非常鬆軟，但真係超級甜。Cappuccino 酸酸地，唔係我哋鍾意嘅咖啡。Flat White正常。食完會送碟飯後橙，幾好。
continue reading
每次搭巴士經過這條街，都被這間餐廳吸引住視線，因為鋪面望落開揚和新束束，與周邊的舊 鋪形成對比;單憑外觀覺得這是一間西式café，今日去北角順道試下這間鋪頭。入到去才發現 是一間售買酸種麵包的鋪頭，是輕食café。餐廳設計以簡約和綠色為主，近入口擺放一列麵包櫃，再過小小是收銀處，收銀後是一個好大 的開放式廚房(餅房)，可以見到麵包師傅在工作，而右手邊一列就是枱和坐位。找好坐位後就去買東西吃，餐牌上約有7至8款選擇，價錢走高檔路線，80%都是接近$100但沒有飲品跟，出面以這個價可以吃一個意粉套餐仲有餐飲，但這裏只是麵包而已。最後選了黑麥酵母麵包配煙三文魚和牛油果配水煮蛋($108)，付款後會有一個取餐機仔比你， 收到通知後可去取餐，亦有白開水供應可自取。麵包口感較乾身和硬，但配上煙三文魚、牛油果和水煮蛋這幾款配菜吃很不錯，能夠中和麵包 的乾和硬，但如獨立吃這些酸種麵包就比較寡了。現世代以健康為主，酸種麵包是天然發酵和無添加的麵包，所以價錢略貴，間唔時食下是可以的，因為健康的食物和食材還有很多的選擇。
continue reading
麵包質量同味道都可以，不過收銀職員態度都奇差，特別係後生噶果個女仔，好似自己高高在上好巴閉咁，生意太好唔憂做？！。幾好噶店都俾咁差噶員工敗曬好感。一次起兩次止三次唔好旨意啦
continue reading
嚟過好多次，麵包好味、咖啡好味，呢個收銀見過幾次，感覺一向麻麻，眼吾望客，但今次真係頂佢唔順呢個四眼中年女收銀態度超差，今日年三十見門口有特別營業時間通告寫收六點，我4:30入去見收銀枱面寫：「八達通壞只收現金」(上次見到佢又係壞八達通，有冇咁蹺），我未開口佢就寸嘴態度話：「4點截咗單，伙記要早走返屋企食飯」⋯⋯成間店好好就輸佢一個人！希望老闆睇到👆🏻👆🏻👆🏻
continue reading