Video
Telephone
21111411
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
Recommended Dishes
從不寫食評的，但這次忍不住了。我沒有拍照，但希望少些人中伏。可這餐廳好評也不少，但為什麼我吃完會這樣反應，按理香港人的舌頭是頗靈敏的。忙完一星期，星期六和太太、兩位小朋友吃晚飯，價格正常，但竟然用這些食材招呼客人，非常令人失望，令我辜負了今天一家和我一起進餐的太太和女兒。凱撒沙律78元: 質素、份量正常All day breakfast108元: 非常業餘，司華力腸似乎是用水煎，表面啞色，本身貨色肉質似乎亦是最便宜的；沙律材是正常，但調味和基本的橄欖油似乎是沒有，或者是非常非常少量；可幸炒蛋很好。兒童餐98元： 意粉不錯、薯蓉、果汁正常；炸雞塊用最最下價（要用兩個最字）的來貨，我女兒吃時，我驚聞她問我這是甚麼，她說根本不像肉，我見咬開的一面，心中一沉，為什麼98元的餐，只有三件「麥樂鷄」size的「nugget」，都要選用比麥樂鷄差得多的食材，買食材的人，是非常非常吝嗇的人。我很後悔請女兒吃比麥當奴更差的所謂鷄塊。炸魚薯條108元，另加20元餐湯、包和飲品：凍奶茶沒問題、包尚可。薯條，沒有太大期望，普普通通。餐湯說是薯蓉湯，名字應該已經預計到，是我笨，味道欠奉，就是薯蓉粉（其實應該大部份只是澱粉/粟粉）加水混出來。重點：重頭戲來了，炸魚賣相不錯，是一條長鯰魚柳切一半，變成兩塊。預了給平價的鯰魚，不是青衣或者龍脷，對品種方面已經沒有要求，但不切由自可，一切，裡面是霉的，不是嫩滑，而是爛，一股微酸的氣味，但我非常非常肚餓，用沙律醬掩蓋難吃的味道，吃了一大半。已經是非常非常平價的鯰魚，還要用這麼不新鮮的食材，我和太太都聞到，難道廚師聞不到？108元的餐，也不是很貴，但這樣對得起客人嗎？我懦弱，見差不多要吃完回家，也沒有和店員多說，回家第一件事是扣喉，想把剛才愚笨吃下的垃圾吐出來，但吐不成，從來沒有這樣的用餐經驗，一星期非常期待和家人的外出晚飯，這樣就浪費了，價錢不便宜也不昂貴，但就是滿心後悔。店員非常有禮貌和好服務，但對不起，食材之差令我不得不發聲。一家餐廳要削減經營成本，一定不可以在食材方面著手，除非是以平價為賣點。各位愛太太愛兒女的丈夫、爸爸，看過我的經驗後，好好衡量。
continue reading
呢度lunch幾抵食， 環境同食物質素都唔錯 呢層係4 樓， 附近都係傢俬店， 得一間食店，識得行入黎既人唔算太多之前lunch set好似可以加錢semi buffet咁拎沙律， 依家取消左我叫左個lunch set, 招牌蕃茄焗豬扒飯有湯，前菜， 包， 主食， 甜品， 5樣呢， 好豐富正常既紅青蘿蔔中湯， 不過點解唔係西湯既， 哈哈荔枝汁配蕃茄仔， 好清新， 甜甜酸酸， 好食香口夠脆既蒜蓉包焗豬既豬扒厚切， 味道都幾好， 唔會鞋口。 蕃茄汁味道同份量都幾好， 如果配菜多d就更好。 個飯底係炒既有Movenpick, Haagen Dazs同自家制甜品選。 雪糕每個牌子都有幾隻味選， 加分位黎！ 我選左Movenpick既Panna Cotta Raspberry, 好味！呢度預返要加一既
continue reading
老公整親腰返工後嘅假期，竟然係帶我去行街街，我哋去九龍灣搭接駁巴士先去國際展貿中心E-MAX行咗一陣，上到4樓時，發現一間可以帶狗狗入去嘅Cafe，當然我哋就係比d狗狗相吸引咗入去啦！🐶🐶🐶原來星期五夜晚同星期六、日及公眾假期全日都有BBQ的。🎉🎉🎉當日我哋平日下午5、6點到，所以先試吓佢哋健康之選嘅餐單。💪💪💪Cafe Wellcome x BBQ Place 地址：九龍灣展貿徑1號國際展貿中心E-MAX 4樓421至425號舖芒果沙沙配蟹肉沙律 + 意大利包 + 精選水果 $82蟹肉沙律少少鹹再加埋佢哋特制嘅芒果沙沙嘅甜能夠中和返，真係諗都冇諗過咁好食，意大利包又做到外脆內軟，簡直一絕。👍👍👍碎蛋沙津配烤雞胸肉 + 牛角穌 + 凱撒沙律 $82雞胸肉一d都唔乾同柴，有少少燒烤味，配埋碎蛋沙律食，恰到好處，特別提一提就係牛角酥，真係好酥嫁，食嘅時候要小心少少，如果唔係一定跌到成碟酥嫁。🤣🤣🤣磨菇忌廉湯蘑菇打碎，仲有不一嘅細粒，飲時可以增加口感，湯夠creamy 。😋😋😋麵包布甸🍮我一句都唔太鍾意食嘅甜品，但我都食咗半個，因為佢焗得外脆內軟，又唔會太甜，令到我對呢個甜品有少少改觀。飲品方面，我哋只係飲咗無糖可樂冰底同凍齋啡，冇太大特別，所以唔多講啦！😅😅😅
continue reading
早幾日食過九展嗰間中菜館嘅時候，見到枱上面有一個單張係介紹四樓嘅餐廳，望落去有空中花園，同埋係寵物友善餐廳，所以就第二日就去試吓。入到去見到裝修都好舒服，座位都係好寬敞，行出去空中花園都係好寬敞，而且有冷風機，唔怕熱親，要讚讚餐廳唔會話有狗毛或者好污糟，鼻敏感嘅朋友都冇事。餐點方面，佢有唔同嘅選擇我就揀咗個輕盈版嘅，不過都唔少嘢食㗎，又有餐湯餐包等等。餐湯係忌廉蘑菇湯，湯碗size。不過當中亦都可以見到好多嘅蘑菇碎喺入邊，所以其實都好足料。味道同口感方面，湯嘅口感非常之順滑，好易入口。調味亦都適中，唔會太鹹，亦都唔會太淡。口感就有啲驚喜啦，淡淡都可以食到蘑菇碎，而且蘑菇嘅味道亦都好香好濃郁，味道值得一讚。餐包有唔同款，同時附上一碟牛油。值得講吓嘅係餐包嘅溫度，侍應俾我哋嗰陣時熱辣辣，甚至有啲辣手，令到夾上牛油嘅時候，牛油好快溶化喺包入邊，食落暖入心。餐包口感亦都好軟熟。健康之選套餐其實就係一個沙律，配一個三文治，而沙律、三文治嘅包、包入面嘅配料就可以自訂。雜菜沙律（青瓜，粟米，車厘茄）雜菜沙律佔咗成碟嘅一半，份量都好多㗎，除咗有沙律菜，當中亦都有青瓜絲、粟米、同車厘茄。以上嘅食材都非常之新鮮，沙律菜同青瓜絲亦都好鮮甜爽口，有refreshing 嘅口感同味道。可能都係沙律醬比較少嘅原因，令到成個沙律冇咁heavy。忌廉芝士醬配煙三文魚就係成個三文魚嘅餡，煙三文魚有兩大塊，每塊都有少少厚度，唔會薄過紙咁。煙三文魚嘅味道方面，三文魚嘅顏色呈現粉紅色，味道鮮甜，口感煙韌。同時亦帶着少少煙熏味。煙三文魚上面仲有啲忌廉芝士醬，不過呢啲忌廉芝士醬味道較淡，口感滑溜，所以並唔會搶咗煙三文魚嘅味道。意大利包作為成個三文治嘅包面同包底，其實都好大塊，食完係真係有飽肚嘅感覺。味道同口感方面，意大利包比較甜同埋軟熟，不過同時其實佢亦都有烤過，所以其實表面亦都有脆脆嘅口感，外脆內軟，就咁食個包其實都好好食。我就叫咗芒果莎莎配蟹肉沙律嘅牛角酥，芒果嘅份量都好多而且每一粒芒果都係切到一粒粒所以好容易入口唔會話食落有筋，芒果嘅調味都好好唔會太酸亦都唔會太甜。佢哋嘅配菜除咗生菜之外，都有其他嘅蔬菜就唔會話好孤獨一味，而佢嘅蟹肉沙律食落去都真係食得到蟹嘅味道，唔係話係全部蟹柳，食落去你會見到一絲絲嘅蟹肉，有海鮮嘅鹹香味，除咗蟹肉同埋沙律醬之外亦都有其他嘅配料撈落去，例如青椒同埋紅椒，食落去十分之爽口， 每一啖咬落去都覺得好豐富，唔會話有肥膩嘅感覺。牛角包係有輕輕咁樣烤過所以亦都係有脆口嘅感覺。 佢嘅凱撒沙律上面嘅麵包脆脆非常之脆口唔會話腍晒，而佢嘅煙肉同埋唔會話太鹹，沙律醬嘅比例都啱啱好生菜亦都非常之新鮮，食落去覺得係十分之健康，唔會話覺得係過夜嘅感覺。甜品係麵包布甸，都係以熱辣辣嘅方式上枱，上面仲有麵包，提子乾同士多啤梨乾做配料。大細就同蛋撻一樣，唔會太多，唔會太少。麵包值得一提，非常之香脆，同時上面都有好多舊。下面嘅布甸味道方面，蛋味濃郁，奶味香濃，口感軟嫩。飲品都係叫咗凍檸茶同埋凍奶茶分量都係好足夠，最後離開嘅時候見到小狗「朱古力」，十分之活潑，令我好想下次再可以嚟見下唔同嘅狗仔！
continue reading
本來約左同事一齊食晏，點知佢要開會唔得閒，咁唯有自己食啦。一早決定左食Cafe Wellcome，原來佢除左半自助餐，仲多左個健康之選嘅午餐喎，可以走飯食沙律，就試下佢先。ABC各選一，仲有甜品同餐茶，價錢都幾親民。附送的餐湯，是日係雜菜湯，幾足料。揀左凱撒沙律+碎蛋沙律配烤雞胸肉+鬆餅，賣相幾吸引😋凱撒沙律用上羅馬生菜，個沙律醬調味不錯。雞胸肉一啲都唔鞋口，入口軟嫩仲有烤過嘅香味添。下層仲夾左香港少見嘅牛油生菜，好有誠意喎。餐飲要左凍檸茶走甜，檸香唔澀又夠凍。跟餐甜品可以選movenpick雪糕或店家自製蛋糕，揀左後者。是日係粟子慕絲蛋糕，軟滑微甜很對胃呢😘原來餐廳有outside可坐，仲有寵物menu添呀。
continue reading