無極健味

Open Now

Now Closed

呢間嘅porotta 係類似中文形容嘅「千層酥餅」，一絲絲酥皮層次分明，成件餅好有嚼勁，好香，齒頰留香，又唔係好油，適合唔好鐘意太油又想食呢啲印度烤餅嘅人！以前食嘅nann, rotti之類印度烤餅好硬，唔係太硬就太乾，好難得搵到咁好味嘅千層酥餅，又軟又熱又香噴噴！個peas masala 都好正！我叫呢個係因為岩岩跑完步唔想食咁多肉，所以叫左個豆，個masala香料惹味不太spicy，唔食得spice 嘅人或者小朋友都岩，只係比kfc spicy 雞更spicy少少，超級惹味+ 好味！杯masala tea 唔似我喺灣仔飲過嘅一杯咁凍，佢唔係室溫，真係新鮮沖起！我去佢鋪叫外賣之後佢話7 分鐘左右後返黎就真係7 分鐘，好準時！唔洗我等太耐！店主係one man band ,有好多外賣單，生意好到佢都就黎做唔切，但都可以好準時咁俾到啲餐我，好欣賞不過美中不足係佢個位置太入，我搵左一陣先搵到。（喺貢茶行入轉右直行就到）

行過石門附近搵食，唔係辣/麵 就係炸野，真係會見到厭。之前試日本野覺得麻麻地份量又少，有啲餐廳又唔多鐘意人地自備餐具咁。呢間之前行過都唔覺，今日就試左呢間既peas malasa +naan 。老闆好好人咁用我既外賣碗裝，番到屋企番叮都正。味道好味，同其他餐廳比少啲香料味，應該比較岩香港人口味。

嚟到石門想食返啲特色料理，經過某條巷仔總係聞到陣陣濃郁嘅香料味，好奇心驅使之下決定一探究竟，原來係一間由印度人打理嘅正宗印度菜。😲🥘 波羅塔-豌豆馬蕯 Porotta-Peas Masala $65💯 評分：🌕🌕🌕🌕🌑 (4/5)💬 揀咗個未試過嘅套餐，即叫即製仲熱辣辣，於是坐咗喺隔離張矮枱仔直接開餐。😆Porotta係印式嘅手抓餅，碗入面有三大塊，煎到香噴噴又脆卜卜，咬落層層一絲絲好有口感，油分都算啱啱好。😃Peas Masala質感比較濃稠，豌豆好多非常足料，鹹鹹哋十分惹味，辣度唔會太嗆，唔食得辣都接受到。配Porotta食都幾夾，直接飲又係另一番風味。😚之前仲試過個Egg Porotta Wrap $35，係用Porotta包住滑嘟嘟嘅炒蛋同蘿蔔絲、洋蔥絲等等蔬菜整成嘅捲餅，加埋酸酸甜甜嘅特色醬汁冇咁乾，而且中和返油膩感，食落層次豐富，味道都唔錯㗎！😋印度店員幾好禮貌，當然要用英文落單啦，老闆一手一腳搞掂成間舖，高質印度菜值得耐心等候呢～😁

I’ve never written an OpenRice review in my 8 years living here, but I feel I need to today. I’m an Englishman and, like many of my brethren, Indian curry is my all time favourite food. And I struggle to find good, even acceptable, curry in Hong Kong, let alone in Shatin, short of paying through the nose or heading to Chunking (where there are good options). In the Shatin area, I know of only one other (extremely well reviewed 🤷🏼‍♂️) Indian curry option: that place is terrible. I stumbled upon Zi