Read full review
2021-12-16
979 views
嚟到石門想食返啲特色料理，經過某條巷仔總係聞到陣陣濃郁嘅香料味，好奇心驅使之下決定一探究竟，原來係一間由印度人打理嘅正宗印度菜。😲🥘 波羅塔-豌豆馬蕯 Porotta-Peas Masala $65💯 評分：🌕🌕🌕🌕🌑 (4/5)💬 揀咗個未試過嘅套餐，即叫即製仲熱辣辣，於是坐咗喺隔離張矮枱仔直接開餐。😆Porotta係印式嘅手抓餅，碗入面有三大塊，煎到香噴噴又脆卜卜，咬落層層一絲絲好有口感，油分都算啱啱好。😃Peas Masala質感比較濃稠，豌豆好多非常足料，鹹鹹哋十分惹味，辣度唔會太嗆，唔食得辣都接受到。配Porotta食都幾夾，直接飲又係另一番風味。😚之前仲試過個Egg Porotta Wrap $35，係用Porotta包住滑嘟嘟嘅炒蛋同蘿蔔絲、洋蔥絲等等蔬菜整成嘅捲餅，加埋酸酸甜甜嘅特色醬汁冇咁乾，而且中和返油膩感，食落層次豐富，味道都唔錯㗎！😋印度店員幾好禮貌，當然要用英文落單啦，老闆一手一腳搞掂成間舖，高質印度菜值得耐心等候呢～😁
🥘 波羅塔-豌豆馬蕯 Porotta-Peas Masala $65
💯 評分：🌕🌕🌕🌕🌑 (4/5)
💬 揀咗個未試過嘅套餐，即叫即製仲熱辣辣，於是坐咗喺隔離張矮枱仔直接開餐。😆
Porotta係印式嘅手抓餅，碗入面有三大塊，煎到香噴噴又脆卜卜，咬落層層一絲絲好有口感，油分都算啱啱好。😃
Peas Masala質感比較濃稠，豌豆好多非常足料，鹹鹹哋十分惹味，辣度唔會太嗆，唔食得辣都接受到。配Porotta食都幾夾，直接飲又係另一番風味。😚
之前仲試過個Egg Porotta Wrap $35，係用Porotta包住滑嘟嘟嘅炒蛋同蘿蔔絲、洋蔥絲等等蔬菜整成嘅捲餅，加埋酸酸甜甜嘅特色醬汁冇咁乾，而且中和返油膩感，食落層次豐富，味道都唔錯㗎！😋
印度店員幾好禮貌，當然要用英文落單啦，老闆一手一腳搞掂成間舖，高質印度菜值得耐心等候呢～😁
Porotta-Peas Masala
$65
128 views
1 likes
0 comments
Porotta
122 views
1 likes
0 comments
Peas Masala
87 views
1 likes
0 comments
Post
