飲茶‧私房菜 (南豐大廈) (Closed)

飲茶呢間餐廳就成日聽，食就真係未食過～ 點都一試下佢啦～咁岩同幾個友人得閒，朝早行完山就去「飲茶」！係中環地鐵站出黎，行左10分鐘左右就搵到，地址都尚算係幾方便易搵！入面食客大多數都係旅遊客同外國人，唔知係咪係外地好多地方都有介紹佢地？其實整體來說，成間餐廳的格局都比較新式，又有吧台，與以往的酒樓或點心店都好唔一樣。食物方面大多都以得意點心做主打，其他就算唔係以得意為題，都會用唔同嘅手法去製作食材，你會係呢到食到不一樣的點心。味道方面就不過不失啦～ 好食嘅～ 但當你睇埋個定價，你就會問一句值唔值xd 值唔值就因人而異，我自己覺得性價比差d，但係用黎放係facebook／ig呃like就一流！睇住流奶 ＄49蟹籽燒賣 ＄59一籠八戎 ＄49其他仲有唔同嘅得意食物～

現在的中式點心真的愈來愈可愛了呢！最近就發現到一家的點心造型讓人覺得賞心悅目！不止是食物喔～這裡使用的餐具也有點特別。有色蝦餃 ($59) - 內餡的蝦充得滿滿的，而且口感很彈牙。一籠八戒 ($49) - 其實就是叉燒包喇！不只是帶粉紅色的鼻子，還有可愛的耳朵耶不過內餡的叉燒不算很多，而且吃起來稍微有點乾。睇住流奶 ($49／3件) - 這個名字有點微妙 XD 但聽說這個好像是必點的點心來喔！這個是流心奶皇包～如果“流心”可以再多點就好了，吃落吃甜卻不會很膩。也有點到兩款甜品！木槺綠茶+棉花雲 ($49／杯)看著覺得很有趣的貌相～不過吃起來就相當麻煩 Orz可能是濕氣太重的關係吧？上邊的棉花糖很快變得很黏手 ... 下層的綠茶很濃～木槺的那個是曲奇碎！另外一個甜品是 - 糖不甩丸 ($59/6件)質地很煙韌，還有很香的花生味～可惜的是這個吃起來超甜就是了！

某個星期六 , 我們五人眾 , 相約一起去飲茶 ~飲茶地點就在 中環 - 德輔道中 , 南豐大廈 的 飲茶 Yum Cha ~ 餐具都很精美可愛 ~ 蝦餃 : 一籠有三件 , 賣相精巧 , 皮薄又煙韌 , 蝦肉餡料爽口彈牙 ~蟹籽燒賣 : 一籠四件 , 燒賣皮是綠色的 , 味道正正常常 , 豬肉和蝦皆有鮮味 , 在頂頭的蟹籽脹卜卜又爽口 , yummy ~ 松露素菜餃 : 味道既清香又帶有松露的獨特味道 ~ 造型如此可愛的叉燒包 , 還捨得把它放進口吃掉嗎 ....睇往流奶 : 一籠三件 , 外觀有趣 , 實情是個可以洶湧澎湃 , 流奶量勁多的奶皇包 ~本篇完 ~

之前去過幾次佢哋分店都幾仲意食，今日放假唸住中上環少啲人所以試下。野食其實唔差，但收咁嘅價錢啲服務真係有代改善。首先，我爸爸唔小心跌咗張點心紙，咁啱個waitress 經過但完全無視，可能佢真係睇唔倒，所以我爸爸都自己執返。之後問佢哋野，個個都唔笑黑面，都算可能忙。到我問佢唔該可唔可以俾對筷子，個waiter望都唔望一眼好cool咁答「等等」，到最後我哋走係冇一個人講過「多謝」。。唔係話要啲咩服務，但個個黑口黑面趕客咩，除左個reception有正常嘅禮貌，其他都真係有代改善。仲唸住lunch同同事過嚟，不過，我暫時都唔會再嚟。

初二開年，選擇唔會多。搵到中上環，對我哋新界友嚟講，真係水遠山長，所以，期望幾大！地址：話地鐵上環E出口，其實有d搵笨，因為呢個地鐵站分開兩個大堂，如果你係車頭落，唔駛旨意搵到E出口，上地面直接行算啦！服務：明明早幾日訂好位，去到話無，真係🔥都嚟！搞一輪先安排翻，仲係長檯，已經無乜食趣。OK！主角係點心：卡通造型嘅包類，係得意但味道一般；腸粉圓形碟上，唔知關咩事，味道又係一般；其他更加無記憶，剩係記得飲咗好多杯茶！睇番個場，洋人多過唐人，咁就明晒喇！

同朋友一行十人去食晚飯，原本開開心心，為可愛點心而嚟。但服務態度令人一肚氣走！先讚由於週末仲要晚市，人唔多，環境亦坐得好舒服。揀左兩款茶，少少淡，但都幾香為可愛點心而嚟就緊係要食下幾款動物！賣相最可愛嘅豬仔同鳳梨穌太快比人食左，影唔到 鳳梨穌好吃, 忍唔住再encore...好香，妅鬆而且唔會太甜！另外奶黃同綠茶味流心包亦非常流心，交足功課！同樣地，唔會太甜，食完都唔會好漏。另外叫咗一啲小菜同冷盤最值得推薦係"近朱者赤" 味道好好，有少少肉，唔會太油，而且用鐵盤上，食到尾都仲熱！仲鬥個咕嚕肉(唔記得佢點叫) 亦好好食！豬肉鬆脆，酸甜適中, 個碟睇落好細，但夾下夾下又一舊，都好似食極都仲有。可能砌徥細舊....有個黑松露炒面，幾香黑松露，但食落感覺成口油....基本上小菜同冷盤亦同樣出色，叫左好多款, 都無中伏！講返谷氣事! 班waiters 十叫九唔應！明明成班群晒喺出菜位同另一角吹水！成晚都無十枱客, 我哋想搵人加水又無 ，搵人埋單又無，下下要走過去！唔明點解叫極都無人！係咪要好似大排檔咁大叫先有人？？？

已經第三次黎呢度飲茶。食物賣相大都十分精緻吸引，有特色d既野食，但變相少左部份傳統茶樓點心。價錢偏貴少少，但環境靚、食物靚，貴少少都合理既，味道方面中規中矩，相信大部分人女仔黎都係為左影相呃like 😂

The dim sum here is good but you go here for the experience. The show they put on with their food is phenomenal. You must try this place to say you experienced it. The price is on the higher side but you pay for the overall experience. Go early to avoid the long lines but also bring your camera.

早兩日去左中環間「飲茶」食野入到去 睇環境同裝修 完全唔似係飲茶既格局好modern 都算grand雖然間野開左好耐 但我都未去過終於一試 就緊係睇返大家食評而點廢話唔講，去圖先：黃色好似emoji個隻（食品名稱：睇住流奶）流心奶黃包-$49，豬仔（食品名稱：一籠八戒）係叉燒包-$49，其餘有蟹籽燒賣-$59，有色蝦餃-$59，三角形既尖筒糯米飯-$59。食落口雖然味道普通，唔算話好味到想翻桌。但賣相十分吸睛，造型精緻有特色。個蝦餃咬落去無咩驚喜，不過個皮有碎粉，同埋彩色，望落去都真係好靚。個別覺得個奶黃包都還可以，唔算超甜。不過價錢就頗貴啦。叫黎影相ok既，但醫肚就不能。所以餓既各位就唔好去到瘋狂食，因為 叉燒包 3隻都要$59 未加一。應該唔會話可以食到好飽好飽。小嚐不錯。總共每人$180-200埋單。午市散嗌。

上次去人比較少,所以食唔到好多菜式,今次帶一大班朋友黎食,實行食曬想食gei菜!一開波先叫一系列包類,我地叫左奶皇綠茶同叉燒~奶皇流心效果最厲害,可惜上台gei時候包已經穿了><之後叫左個鴿吞鳳梨,雖然只係鳳梨酥,但雞仔樣放埋落個籠度即時變得可愛,雖然味道普通呢度gei前菜水準好高,所以我地都忍唔住叫左雞絲拉皮同埋呷醋木耳~雞絲D麻醬好香,粉皮都夠彈牙,仲要有好多青瓜絲,正~木耳因為有我唔喜歡gei芥辣醬,所以我不太喜歡,但木耳本身好爽脆青瓜皮蝦gei擺盤好精美,搞到我地無人敢起筷,蝦都幾嫩滑,冬瓜大片D都好的,如果數量多d或者後D會開心D呢度D蔬菜系列菜式有特色之餘味道都好優質,好似干煽四季就真係好有驚喜.每一條都俾咸蛋包圍住,咸香爆發,D豆仲好有咬口~花膠扒菜D花膠膠質夠,都幾入味,不過我覺得D小唐菜出色D~~好新鮮椒鹽豆腐D調味超級惹味,呢款豆腐好處係外面酥脆裡面滑到雞蛋咁,兩種口感同時感受到~~皮蛋豆腐好滑,d醬汁唔會太多,最鐘意佢皮蛋粒粒夠細,食落佢唔會搶左豆腐gei 鮮味如果你鐘意食菠蘿咁就一定要叫埋鳳梨咕嚕,因為佢個菠蘿係成!條!上!隔離D肉唔係好多.但已

之前已知道呢間點心做型得意放假即刻去試下最好係Openrice 有得訂位仲獎里數，食完埋單仲可以再儲里數一餐就賺兩次Asia miles 食物唔錯，值得一讚服務好好侍應每次行埋來都笑容十足不厭其煩咁幫忙，值得表揚好，準備開餐連隻碟都靚過人靚叫左「睇住洗奶」，做型勁呃like，味道都好唔錯，包皮都薄，絕對流心一咬就流出來「安格斯炒牛河」好味道，河粉夠乾身，牛肉好味，見到好幾枱都有叫。「一籠八戒」樣係得意，但味道有啲失望甜品叫左拼盤，都係煎埋果啲野，無咩特別最勁係乾冰上，出晒煙好吸晴拼盤仲有個雲上的綠茶點甜，味道一般，但勝在過癮

I wanted to show guests various kinds of (vegetarian!!! ) Dim Sum while not shocking them by eating them in a really local, dirty restaurant, so I considered this place to be quite suitable. And it was even much better than expected. So we started we the offers of three starters for 119$:- peppered eggplant: good taste!- 1000 years old duck egg and silken tofu: well, I expected real eggs, but it was just a little mix with a lot of tofu in a sesame sauce (which was good)- crab roe sesame spinach

都有段時間冇去飲茶喇，有啲掛住中式點心，朋友介紹下黎左呢間餐廳。呢度既點心多數係三件上，岩哂三人行。裝修格局算中高級，環境舒服唔會逼，放既多數係方枱，唔係傳統個隻圓枱。坐低揀飲咩茶，揀左紅棗，幾好飲，真係放左算大粒既紅棗，加既係茶包唔係茶葉。叫左幾款小份既小菜，有醉雞、茄子同皮蛋豆腐，每樣都唔錯。醉雞肉質幾好但略嫌酒味唔夠濃。茄子甜道夠唔會過稔冇咩油，good。皮蛋豆腐味道都夾，原本覺得皮蛋碎得濟，但食落變左唔會太搶豆腐味，留番啲清新感。吉川奶子咁其實姐係綠茶味奶皇包，夠熱做到流心就好食。佢流心，所以佢好食。透明波波黎喇，其實係蝦餃，但係有金箔唔透明，所以個名有待改善。但講番味道佢係皮薄餡靚，係好食既。最後係龍皇泡飯，幾好食，魚肉唔係粉既，做到泡飯唔係湯飯，姐係飯質餸料偏爽口脆身，配埋個湯口感同味道都幾好，個湯係甜既唔會覺鹹。不過份糧唔係好多，係平時茶樓炒飯個啲一半左右。整體計係幾好，唔介意食lunch過百可試！(價錢唔太記得請見諒)

款待朋友一家三口，因為有兩個小朋友，所以特地選了飲茶。點心的造型令大小食者都讚嘆不已，有創意有樂趣。尤其是把奶黃包戳破吐露內心的時候，大家都好開心。除了點心，還點了麻辣魚，咖哩牛肉，燉湯，味道中規中矩，咖喱比較突出點。棉花糖甜品也非常得到小朋友歡心，連叫兩份。上環這間餐廳環境優雅，空間寬敞，服務也周到殷勤，除了菜價偏高，整體來講，還是比較適合招待朋友嚐鮮的。

飲茶在中環開業了1年多, 之前都有去食過, 都知道是幾貴下, 不過朋友約食LUNCH話想去"飲茶"~所以訂了位去食餐廳裝修都唔錯~不過餐牌上的食物就比較貴了少少, 太肚餓, 掛住食只影了部份食物雞絲粉皮, 味道還可以, 粉皮夠滑, 不過真係小食的份量皮蛋豆腐, 中間的皮蛋少到....豆腐刀功切得好靚,已經係凍豆腐~ 味道正常近墨者黑 - 墨魚汁蛋白炒飯, 個名好特別! 這個飯好食, 有種咸香味? 唔識形容有近墨者黑, 當然有近朱者赤問了好似是紅色的咸魚炒飯, 好似黑色特別過紅色飲茶其中一個賣點是公仔造形點心, 呢隻豬....免強合格啦, 是叉燒包~ 好MATCH旁邊兩粒好像是潮州粉果個FD最最最HEA就可以話係呢個聖誕版雪人, 2個雪人(紅豆+麻蓉)/2個聖誕樹(雞批)/2個鹿頭(馬拉糕) 都是$59 每款1隻就$109雖然比較貴, 但都想應節點來食, 最後要了2個雪人 + 2個鹿頭鹿頭忘記影, 雪人上枱先O嘴 呢1個雪人要HKD30.........雖然下面放了乾冰上枱好似好有氣勢.....嚴重跟宣轉單上的圖貨不對辨.....但......佢走晒樣囉......就算當佢上下有紅豆+麻