英記美點小食 (Closed) View

放假時都好鐘意周圍捐窿捐罅覓食今日好隨心上左一架車去左新蒲崗眼見一間標榜懷舊麵店加上姐姐極力推介就即管試吓個豬油撈麵係等緊途中就試試枱上樽酸蘿蔔酸中帶辣 夠哂開胃🍽60年代豬油撈麵放上枱嗰陣時陣陣豬油香味唔會係想像中油淋淋而幼麵亦無梘水味簡單撈上甜豉油同豬油已經好夠味🍽鮮蝦雲呑做到一啖一粒餡內鮮蝦同豬肉分量做到一半一半湯底係用咗大地魚去做食上去好香同爽口食緊嘅途中你仲可以見到姐姐坐係一邊到包雲吞好快手又包起一盤又一盤🤣仲好熱情同你傾計好有親切感👍🏼👍🏼

因為想去啲小去啲嘅舊區行吓，所以去咗新蒲崗。上網搵一搵搵到呢間平民米芝蓮，咁就試吓！不過名果其實，平時食開嘅小店仲好味！呢間ok ge 味道& 口感，但個味其實真係麻麻地，冇乜突別味，牛筋牛肚同埋牛腩都冇乜牛味/醃料味，但係又夠林不過好正呀呢度有醃蘿蔔任食除咗牛之外，呢度嘅雲吞就幾好味！都聽到好多其他食客其實都係嗌雲吞老闆娘態度親切，不過可能個味要調一調！加咗一疊招牌韭菜花，貴$4不過好似特別啲，但係其實麻麻哋，見到隔離枱墊芥蘭大碟好多又幾靚，早知嗌$10一碟芥蘭啦

雲吞麵對於香港人嚟講都係一個集體回憶 但係好食嘅雲吞麵已經買少見少今次就嘗試咗雲吞麵對於我嚟講 一碗好味嘅 雲吞麵 要有三大要求🧐1. 湯底一定要清同有大地魚 鹼水味不會太重2. 麵質要彈牙, 唔會一陣就淋3. 雲吞唔 需要太大粒,蝦要新鮮,肉不會太多, 皮薄英記 以上三樣都做得到, 所以食過會返尋味😋雖然環境一般 ,價錢都係屬於合理門口仲有個小食檔 嘅潮州粉果都非常好味值得一讚係佢嘅餐前小食 酸辣蘿蔔 非常開胃下次會再試埋佢其他嘅招牌菜 同大家分享

雲吞水餃雙拼雲吞水餃尺寸都大粒，味道可口，蝦肉不太多，質量尚算合格。餃皮不太軟滑，也不太薄皮，入口有點硬，能多烹一會比較好點。豬手麵豬手肉質軟熟，豬骨味比較重，豬油又太多比較油膩。麵條尺寸不太大，麵質地比較棉棉地，但食落有點硬。牛腩牛筋麵牛腩細細嚿，腩肉味不濃，肉質帶點硬，味道尚可但不推薦。牛孖筋鬆軟又Q彈，筋質地嫩滑，入口即熔化，味道香濃，牛筋味衝天。韭菜花蔬菜新鮮，加點豬油在面，味道更香濃更爽口。

🍜六十年代撈麵 $32🥟招牌雲呑鳳城水餃雙拼 $44🐄爽滑牛孖筋拼豬手 $75.英記美點小食 終於有機會食到喇😋有幸老闆娘介紹咗啲招牌菜 嗌餸食麵.六十年代撈麵即係傳統豬油撈麵🤤我期待咗超耐 麵條冇鹼味 非常爽彈！薄薄一層豬油令到麵嘅顔色更加亮澤入口唔會覺得好油 反而充滿豬油香味但係食多兩啖都係好易會覺得膩口😂呢個時候就要加入醃蘿蔔/湯底嚟食醋味加上微辣又爽口嘅蘿蔔任食唔嬲要學老闆娘咁講：係初戀嘅味道啊😍呢張枱甩晒色咁 應該都係六十年代🤪.雲呑超足料塞滿晒蝦 塊皮都好嫩滑🥟水餃入面係木耳肉碎 亦係自家製嘅不過兩者調味都好重 食完會口乾嗰種雲呑水餃各有四件 連埋韭黃一齊咁食.牛筋豬手雙拼都係每樣四件大大嚿🐄秘製滷水醬料嘅花椒八角味比較微弱以醬油本身嘅甜味搭配肥膩嘅食材🐖牛同豬亦都好入味 豬皮炆到軟身即化不過最值得試嘅都係初戀豬油撈麵！！

好多人都以為新蒲崗位於工廠區，位置又山旮旯，會無好野食！但其實好西多不勝數，今日就介紹呢間麵店。雲吞麵係呢間舖頭最出名既菜式之一。老闆遵循六十多年前做法製作，雲吞係散尾，而中間餡料塞到滿滿，入面有蝦同豬肉，食落係鮮甜！麵鹼水味唔重，爽口彈牙，而湯底係用大地魚🐟熬製，清甜而唔令人口渴！食果陣，呢間舖非常旺場，雖然話食一碗麵只係10-15分鐘，但食客多到要排哂隊，亦有唔少食客係一打打雲吞咁買走😯，可想而知，佢既雲吞係好受歡迎👏🏻，難怪獲得米芝連街頭小食推介！如果你經過新蒲崗，建議可以嚟食返次，因為依家好難搵到質素數又平既野食！正！

工業區新蒲崗一到了晚上，大部分工業大廈都已經休息，取而代之就變成了數目眾多，非常熱鬧的大小不同食店，尤其是有很多火鍋店、酒家，還有很多潮州粉麵食店，包括位於「康強街」旁邊的潮州粉麵店「英記美點小食」。「英記美點小食」跟很多夜市潮州粉麵小食店一樣，店外都會設置一些小食檔攤，售賣供食客宵夜用的小食，例如「腸粉」、「燒賣」、「糯米卷」等等。不過，我就對「英記美點小食」檔攤裡面的「腸粉」、「燒賣」等的宵夜小食，就完全沒有興趣了。因為我之前在家裡面的晚飯裡面，找來找去始終還是找不到自己喜歡的食品。所以我刻意在西貢乘搭小巴來到新蒲崗，專門來到「康強街」找潮州粉麵店，希望可以食碗「牛腩」粉麵後才返回西貢墟。結果我發現到「英記美點小食」，「英記美點小食」裡面有很多美食。例如「英記美點小食」裡面就有一款撈麵食品，名稱叫做「六十年代撈麵」。我詢問過「英記美點小食」的伙計後，才知道所謂的「六十年代撈麵」，其實即是類似「豬油撈麵」的食品。以現在我的身體狀況而言，實在沒有健康本錢去嘗試「六十年代撈麵」。所以現在我在「英記美點小食」的目標只得一個，就是想食「牛腩麵」而已。恰巧「英記美點小食」除了有提供牛腩之外，還

英記睇咗靚女衛詩雅嘅美食介紹，心思思好想去食！不過，新蒲崗唔係太順路，成日都去唔到！終於今日，機會嚟啦⋯⋯雲吞水餃雙拼，＄55各Size都大粒，味道一般般，蝦肉唔夠多，豬肉味不重，沒什麼特別。豬手牛腩孖筋三拼，$66豬手好入味，肉軟不油膩，豬骨味濃，好好味。牛腩，不太大嚿，牛味不重，肉質不硬，味道可口。牛孖筋，肉質鬆軟又彈口，筋質地爽口彈牙，好味之選。韭菜花，$14，麵店少有，新鮮好味。六十年代撈麵，$31，即係淨撈麵，豬油加豉油當然好味道！不過，麵質太棉質比較硬，可要求師傅煮耐一點時間，令麵能軟一點就更加好啦。可樂，$6總數，$172⋯⋯老老實實，如果餸跟麵一齊落單會平好多，我估$120都唔使，淨餸咁叫貴之餘又唔會大碟咗！點都好，老板同員工都好熱情更好識做生意，下次要醒目啲先得⋯⋯哈哈！推介指數：7/10

今日同朋友黎呢間小店食lunch，舖面不大，但坐滿人。每人叫左個set，有面、菜、同飲品。招牌巷仔雲吞面：舖頭主打，面比外面其他舖頭少梘水味，更爽口；雲吞大大粒，落足料。牛丸面：朋友點，老闆娘堅持我地交換一粒牛丸試下，一食覺得好彈牙，牛肉味好濃，下次再黎一定會食牛丸。通菜&菜心：無煮老，菜好新鮮，分量好大碟。食飯期間老闆娘好熱情，同我地介紹食物，堅持我地交換牛丸同食腌蘿蔔。總括而言，食物好味，招呼周到，係食lunch好選擇。

每次去新蒲崗總會去英記食一碗雲吞麵，貪佢大大粒雲吞足料之餘，麵又唔會好重簡水味。每次都會加埋佢地辣椒油一齊食，好有兒時回憶。 雖然去次數唔算多，但老闆娘每次都好好記性咁認得我，見老闆娘總愛和食客攀談，望住隔離唔識人個個都同老闆娘有講有笑，係越來越冷漠人與人相處中，e間童年回憶麵舖額外有人情味。

Office搬來新蒲崗有一年多了，一直只懂得在鑽石山地鐵站附近新蒲崗這邊找食肆，選擇不多。直到有次看到英記的相關食評推介，跟著地圖來到一試！試過一次之後，每星期都會來不只一次呢！今天，我點了個牛腩麵，友善的侍應阿姐說有個套餐，包括麵、菜和飲品，共$45，我就點了個套餐。牛腩麵+菜心+熱檸水。一如以往 - 好味！另外，也得喜歡這裡放在每張枱上任吃的酸蘿蔔。簡單美味的食物加上這裡的人情味，我很喜歡。公司又快要搬離新蒲崗了，最捨不得是這區的小店，這裡的人情味，在連所店林立的地區已難找到。P.S. 這裡的雲吞和水餃都非常美味

牛腩牛根撈麵🐮$42牛腩雲吞撈麵🍜$42第二次食😎一直想再嚟食😉特別掛著個幼麵🤩尤其個爽口彈牙嘅口感😉牛根炆得好腍😛牛腩夠入味🤤當然仲有任食酸蘿蔔👍真係食到停唔到口😋英記美點小食 (新蒲崗)新蒲崗康強街32-34號康強洋樓10號地舖

喺新蒲崗返工，Lunchtime本身諗住食回味車仔麵，不過見咁多人排隊，就去咗佢隔離嗰間英記。聽啲人講呢度嘅雲吞麵好好食，我就叫咗個雲吞撈麵試吓。碟麵都幾大碟，可惜煮得唔夠耐，有啲靭😪另外店員加咗好多蠔油，本身我唔鍾意食咁濃味，所以覺得好鹹😖另外，雲吞我覺得一d都唔好食，無論鮮味、口感、味道都不太好，真係好失望！呢間都係試一次就夠🤭不過佢每枱都放左一樽酸蘿蔔比食客自己攞，酸酸地都幾開胃嘅P.S. 餐廳入面冇冷氣，夏天去食會有啲辛苦🥵

之前唔只一次聽人講新蒲崗有間雲吞麵檔好好食，講到成日心思思想會一會間佢，今日終於趁放假黎左食。門面比較舊，不過你無去錯，係呢間啦🤪醃酸蘿蔔—呢個係免費任食既，酸酸甜甜好開胃。自己都試過係屋企整醃蘿蔔，係要有心機同都幾煩，見到呢度有都幾開心🤤牛腩雲吞撈麵—牛腩好淋同好香，雲吞都好食，不過我又唔會覺得有嘩既感覺。反而令我驚喜既係個麵底係落左豬油去撈既，所以本身就咁食都已經好好味😬撈麵原來係落左兩個麵底既，所以食完勁飽，建議女士可以食湯麵既餐，有菜有飲品抵好多。鋪頭外亦有賣小食，燒賣粉果咁，都見到有人買，好似都幾好食咁，不過太飽只能下次先叫到😌

👭英記美點小食(新蒲崗)👭雲吞麵 $30麵食落好爽口，而且無鹼水味，38提提大家食呢啲粉麵類時記得要先食麵後食餸呀~如果唔係啲麵就會浸到淋哂唔好食架啦😘。雲吞有5粒，size比較細，每粒雲吞有2小隻蝦，可惜雲吞皮接口位過厚，導致雲吞皮未能熟透，因此食落有陣粉味🤢蝦仁食落爽口彈牙，38估佢係先將蝦仁略略灼咗一下，再將佢過冷河，然後先進行包雲吞工序。咁樣就可以鎖住蝦既鮮味同時又有彈牙既口感😝另外每張枱上都有一罐泡椒蘿蔔，38試左幾粒覺得唔會過辣同酸，食完麵清爽下都唔錯😆👍🏾推薦度：7/10🏠新蒲崗康強街32-34號康強洋樓10號地舖🕐Mon-Sat 11:00am-1:00am Sun 11:00am-7:00pm