Video
Read full review
2019-10-21
1744 views
英記睇咗靚女衛詩雅嘅美食介紹，心思思好想去食！不過，新蒲崗唔係太順路，成日都去唔到！終於今日，機會嚟啦⋯⋯雲吞水餃雙拼，＄55各Size都大粒，味道一般般，蝦肉唔夠多，豬肉味不重，沒什麼特別。豬手牛腩孖筋三拼，$66豬手好入味，肉軟不油膩，豬骨味濃，好好味。牛腩，不太大嚿，牛味不重，肉質不硬，味道可口。牛孖筋，肉質鬆軟又彈口，筋質地爽口彈牙，好味之選。韭菜花，$14，麵店少有，新鮮好味。六十年代撈麵，$31，即係淨撈麵，豬油加豉油當然好味道！不過，麵質太棉質比較硬，可要求師傅煮耐一點時間，令麵能軟一點就更加好啦。可樂，$6總數，$172⋯⋯老老實實，如果餸跟麵一齊落單會平好多，我估$120都唔使，淨餸咁叫貴之餘又唔會大碟咗！點都好，老板同員工都好熱情更好識做生意，下次要醒目啲先得⋯⋯哈哈！推介指數：7/10
睇咗靚女衛詩雅嘅美食介紹，心思思好想去食！不過，新蒲崗唔係太順路，成日都去唔到！終於今日，機會嚟啦⋯⋯
雲吞水餃雙拼，＄55
各Size都大粒，味道一般般，蝦肉唔夠多，豬肉味不重，沒什麼特別。
豬手牛腩孖筋三拼，$66
豬手好入味，肉軟不油膩，豬骨味濃，好好味。
牛腩，不太大嚿，牛味不重，肉質不硬，味道可口。
牛孖筋，肉質鬆軟又彈口，筋質地爽口彈牙，好味之選。
韭菜花，$14，麵店少有，新鮮好味。
六十年代撈麵，$31，即係淨撈麵，豬油加豉油當然好味道！不過，麵質太棉質比較硬，可要求師傅煮耐一點時間，令麵能軟一點就更加好啦。
可樂，$6
總數，$172⋯⋯老老實實，如果餸跟麵一齊落單會平好多，我估$120都唔使，淨餸咁叫貴之餘又唔會大碟咗！點都好，老板同員工都好熱情更好識做生意，下次要醒目啲先得⋯⋯哈哈！
推介指數：7/10
Post
