屋台屋 (Closed)

都唔想講太多，因為實在太難食執笠之前服務態度又差 ， 之前喺太古城返工去， 去過佢另一間分店都係咁差 ， 專程行過嚟呢一邊點知都係一樣， 太古城嗰間我諗都遲早會執笠， 而家香港今時今日咁嘅服務態度，咁嘅食物質素 ，仲邊度會有人幫襯 ，仲要收茶芥小食費 ，坐低嘅時候有冇講！！ 到埋單嘅時候先見到有擺到明係屈錢

由於餐廳位置喺毫不起眼嘅橫街，一直冇為意佢嘅存在，其實由太古AEON行過嚟一點也不遠。對於一些本土日式小店，我是非常欣賞，縱然沒有堂皇瑰麗的裝潢，但聽着日文歌，欣賞着舊式的裝修，感受店員認真的服務態度，都係一種享受。好喜歡自選午餐，有兩種配搭，前菜中華沙律，而主菜我每次都會叫梅醬三文魚茶漬飯，不會過酸又開胃，而且茶漬湯帶有魚的鮮味，好味到一滴不留！三文魚刺身加海膽壽司，食材新鮮，海膽唔腥又唔苦，份量仲好足料呢！餐飲必叫熱蜜桃茶，好香又好飲。

三大一小入左去，叫左唔係好多野食，因為6點食完野，8點係食飯時間，所以同屋企坐下傾下計 2人餐（580左右）加兩舊壽司，埋單750。本身都無乜野。750係正常四人既價～問題就在於點解應該600頭既野食變左收750？原來佢一入去坐低杯茶，同埋前菜豉油碟size既中華沙律、同薯泥仔 係收左80幾蚊😂其實呢個錢事少～但無問我地直接比左我地飲杯水同小食，話食住睇餐單啦～我地以為佢係standard會比，所以無留意。我地又有另外嗌野飲，所以其實杯水同小食係佢好似等我地唔覺唔覺咁～等如係去餐廳杯暖水咁一樣，我地真係唔會下下問，係咪收費架？咁肉酸。係埋單先知要比錢，當時都無謂拗數啦。但食物真心一般，係望左餐牌好耐，都嗌唔落有咩特別果種普通menu。加上呢d唔聲唔聲加錢係張單既手法，我唔會再encore囉⋯

行完柏架山道、大風拗，天黑時行到落去南豐新邨，見到間日本菜，好吸引，我地又好攰🥲🥲就入去食啦❤️❤️屋台屋經濟實惠日本料理食店😋😋📌壽司定食（7件壽司+3件三文魚沙律卷+迷你烏冬）烏冬是黑蒜油豬骨湯，見友人們食得好快，應該好好味😋😋我偷吃了兩條烏冬，好香好滑😌😌😌😌 📌海膽香葱吞拿魚腩飯+醬油拉麵🍜友人話海膽好新鮮❤️❤️好好味😋醬油拉麵正常水平🧡🧡 我見個份量都好夠😋😋📌鯖魚定食有麵豉湯、白飯。鯖魚好新鮮🤭好好味🤤可能本身老娘都好鍾意食魚😀😀🐟🐟煎得好香啊😌😌飲品點了凍水蜜桃🍑茶😚😚👍🏻👍🏻好口渴，好快飲完💖💖✨📌最後還有送甜品🍨🍨豆腐味雪糕不太甜，可以一試啊💖💖✨店員好友善，好有禮☺️☺️舒服愉快的一個晚餐😚😚😙😙店內有好多多啦A夢🤭🤭喜歡多啦A夢的你可以去啊🥰🥰

#pb食在鰂魚涌 鰂魚涌抵食居酒屋🏮好日都唔黎鰂魚涌🤪 今次行完山係附近搵到間幾抵食嘅居酒屋😋 佢好似都開左好耐 幾平民化 ig都搵唔到🤣 店內環境好大 裝修幾日系 仲有好多多拉A夢公仔 cutecute😍 入邊有幾個包廂座 私隱度幾高👍🏻.Lunch set選擇又好多👍🏻 有基本嘅9款定食 價錢$98-$138不等😋 另外仲有21款一人前配搭 價錢$79-$129不等😍 每人係食野前都會一碟前菜🥰🔹有機菜蕃茄沙律 + 梅醬三文魚茶漬飯🍱個蕃茄沙律幾大碗 蕃茄超新鮮 超清甜😋 三文魚茶漬飯味道較清🤪 呢個組合唔算特別 不過以$79仲包一杯飲品算幾抵食👍🏻🔹特上壽司（7件）+ 卷物（3件）+ 迷你烏冬🍣呢個餐幾多野食🤪 7款唔同嘅壽司 食落都幾新鮮😋 迷你烏冬其實都唔係好細碗 所以呢個餐男人食應該都夠飽🥰.整體✨ 係鰂魚涌附近行完山搵到間坐得舒服、裝修幾日式嘅居酒屋👍🏻 食物質素雖然唔算好驚喜 但勝在選擇夠多 而且價錢都幾抵食😋 幾平民化嘅一間居酒屋🤪屋台屋 (鰂魚涌)鰂魚涌基利路太吉樓地下2號

晚訪鰂魚涌，小店位於山坡上一清靜小區，人不算多。被安排坐在二人溫馨對座間，然後遞上小碟海帶沙律和茶。不過是普洱茶，唔係綠茶或玄米茶😅不要套餐，點了吞拿魚刺身、炸蠔、海膽炒飯、豆腐沙律、雞軟骨和鮮冬菇燒串。吞拿魚刺身肥美炸蠔好juicy海膽炒飯不行，海膽炒完太硬也沒應有的鮮味，豆腐沙律可以、雞軟骨燒串$廿幾蚊原來得一條串咁多多冬菇串也是。最後送芒果雪糕。結賬五百幾，可接受。整體環境不錯，服務親切，有小店風情。下次海膽不應配炒飯，鮮吃再評分。

同同事午餐去食日本野但係我沒有特別想食生冷野，於是叫左個簡單但又不失美味既鯖魚定食🤤🤤🤤 表皮煎得脆脆地，魚肉鮮甜，一啲都唔會乾，配上好有口感既白飯就已經好令人感到滿足喇！早到既關係店主仲送左個茶碗蒸。野飲有味噌湯同水蜜桃茶添。

星期三Aeon減價日，掃貨前緊係要補充體力先啦！餐牌好吸引，左邊揀一款，右邊又楝一款，好開心先嚟送嘅前菜（中華沙律）同飲品（自家製水蜜桃🍑茶），好香桃味但係又唔會蓋過茶嘅味道（女店員介紹㗎）我揀咗日本蕃茄茸湯蟹肉雜菜拉麵，首先飮嗒湯先，好濃蕃茄味仲食到茄肉，好好味呀！三文魚刺身+海膽壽司三文魚三片厚切新鮮好味，海膽真係冇得輸睇吓隻翻車魚豉油碟仔好得意喔！牆上掛住呢個木製烏龜唔知係咪樂器嚟嘅呢?KAWAII比錢時店員問要唔要雪糕糯米糍，我真係太飽啦，所以多謝佢，但婉拒咗。

今日一行4人又去試新嘢，今次揀咗「屋台屋日本料理」試下，未知是否假期前夕，所以唔使等位可以直入內裡裝修環境不錯，好有日本當地小店嘅色彩。午市都有好多選擇，有定食或者自選1加1套餐咁就一於試下1加1套餐，價錢由$79到$129不等。1. 蟹肉蛋炒飯(小) $99，蟹肉份量多。餐跟油掦手打湯烏冬+$5，烏冬夠彈牙，美味2. 什錦魚生粒飯(小)$99，魚生雖然切到細細粒，但都有鮮味，夠新鮮。餐跟辛辣肉碎麵豉拉麵+$15，肉碎充滿辣味，配上麵豉湯底確一流餐跟醬油味拉麵+$6，配上一片日式叉燒，叉燒夠淋不鞋口，好味😋3. 麻醬牛肉飯(小)，中規中矩，無特別驚喜。午餐時每位附送熱蜜桃茶及雪米糍，滿足晒

去開鰂魚涌，見呢間餐廳少啲人排隊，諗住個樣同裝修好似都幾正宗咁，我又趕時間，所以買咗個日式滑蛋豬扒飯食。叫咗個外賣咗日式滑蛋豬扒飯，仲送碗麵豉湯。賣相都好似唔錯，點知...豬扒都幾大塊，外賣盒幾大佢就有咁大，但係咬第一啖，嘩！咁硬嘅？仲硬過豬肉乾喎！搞咩啊？個滑蛋完全都唔係日式嗰隻，似茶餐廳多啲喎。豬扒好厚，因為落咗滑蛋喺面，所以豬扒已經完全淋晒咋，咁根本就唔使炸啦，炸完又淋晒咪仲難食！🙈 麵豉湯學人落京葱係咩事，完全唔夾又苦又青澀！豬扒，冇味；滑蛋，冇味；汁，係冇咩嘅，成餐飯都係無味架喎！反而個麵豉湯就太過鹹啦，唯有一邊飲湯一邊餸飯啦。🙃 諗諗吓其實我去茶記食個豬扒煎蛋飯，30幾蚊應該都仲好味！😅 但呢度盛惠$90喎，唔好玩啦！$20都嫌貴！一定無下次！終於都知點解呢間餐廳咁少人食啦，下次請我都唔去啊🤬

一家四口兩大兩小（幼稚園生）去食晚餐，食物合格，不過價格偏貴！For example, 軟殼蟹蟹子卷收$130。但叫人不太接受的，是（1）店舖要大小同價收每位茶錢＄8再計加一，小孩飲清水，大人飲茶。不過，茶完全無味，我試咗幾杯也分不清是茶是水!更不主動添茶水😨，要人叫，添了一次咁多！（2）臨走話有雪糕送（未埋單），點知四人合共三杯，問其原因，侍應說每消費$180才有一球！啊！原來查過單先！唉！你茶＄收足4位，前菜又收咗兩碟，好心你雪糕就當茶＄收咗唔好咁計較啦！其實呢度夜晚幫襯都係街坊多......

唔講仲以為去左中式餐飲，乜而家日式餐廳都要收茶錢同前菜錢，食物就好一般，睇來都係唔會再有下次。有時候真係唔明點解為左少少錢就會搞到個客唔想再返去，真係值得咩???

同老公去果頭買完野，肚餓又想試下食新野就入左呢間。一入去坐底店員比左個前菜同拎碟+杯比我地飲水就自己斟。一人叫左個一人前既餐。老公果個牛肉就冇咩味既，相反我果個肥牛就好鹹。重點係個豬軟骨拉面，個湯味精湯不在話，而個拉面就比較硬身同埋真係出面好多拉面店都比佢好食。去到飲品，桃茶個味係假味。到比錢，望到張單既收費項目真係唔知咩玩法。前菜$18，茶$16，仲有收加一。當我大鄉里出城，食日本野會咁樣收錢既真係少見。去到比錢，店員數完同睇左單，仲要提都仲未知要找錢，仲問係咪小費？（小費？咩玩法，加一各樣都收左）最後找完錢，比左張所謂coupon既野話下次用，下次憑券可以送三文魚壽司一件/章魚燒一粒。

當日去到, 一字排開有多間食店,最後因想食日本野選了屋台屋首選壽司, 店員說個日邊樣靚, 廚師就會俾你,當下O咀由上至下左至右, 分別有北寄貝, 甜蝦, 劍魚腩, 立魚, 三文魚腩, 帶子, 赤身吞拿魚, 吞拿魚腩北寄貝, 爽口; 甜蝦, 不過不失; 劍魚腩, 油份足, 超好味; 立魚, 一般;三文魚腩, 肥美甘香; 帶子, 鮮甜; 赤身吞拿魚, 一般; 吞拿魚腩, 正偏鹹, 但鯖魚燒得不錯

今晚點左：-蜆肉麵豉湯烏冬+牛舌煎蛋飯-蔥吞拿魚腩卷-牛肋骨山賊燒-蔥油醬油拉麵首先講講環境，地方寬敞，但枱面癡笠笠。店內無咩人，店員比顧客還多。先黎一個強制性前菜（需收費），係你同我都可以喺小食店買到嘅螺肉，$18蚊得幾粒，普通茶亦另外收錢。蜆肉麵豉湯烏冬嘅湯係味精、蜆肉內臟未清，仲有沙添，烏冬係超市貨色。牛舌煎蛋飯，係成個茶餐廳格局出晒黎，牛舌勁有𡁻口，每粒牛舌都𡁻到崩潰，牛舌本身就無乜調味。蔥吞拿魚腩卷算全餐飯最正常嘅食物，無驚便算喜。當我以為牙胶可以休息一下嘅時候，我另外要花158蚊再挑戰面部肌肉嘅極限，牛肋骨山賊燒𡁻到我嘴都歪，外面煎至全黑，裡面偏熟。蔥油醬油拉麵黎講，食唔到蔥香醬油香，拉麵淋到一個點，完全無𡁻口。啱嘅，廚師知道我頭先𡁻得太辛苦，所以其實好體貼。成個拉麵仲落左幾滴港式嘅辣椒油，令我有彷如置身茶餐廳嘅感覺。埋單總共$517，完全係浪費金錢嘅好選擇。