YAT LUNG HEEN

見到報導介紹逸龍軒有大閘蟹食，就去試吓。價錢係成人$398，樂悠咭$368，茶錢及加一全包。酒店環境舒適。哩個放題除咗大閘蟹3隻、鮑魚、翅、半隻乳鴿唔係任食，其他小食、小菜、甜品任食，啤酒、汽水、果汁任飲。大閘蟹每人3隻，質素唔錯鮑魚味道唔錯，夠腍同入味翅就一般，味道較淡。一人半隻乳鴿，夠味，唔需要加鹽，夠嫩口，皮脆肉嫩🤭其他食物都幾好，小菜唔似預先煮好，食落覺得係即炒。之前都幫襯過逸龍軒食晚飯，任食小菜同之前散叫嘅質素差唔多，唔會因為任食而求其煮。總括嚟講，咁嘅價錢真係真心抵食，出面食店大閘蟹最平都幾十蚊一隻，貴則二百幾一隻，個人認為，哩度只係食唔係任食嗰幾款基本回本，始終都係酒店中菜嘛。☺️…查看更多

午市任點任食，都算坐滿8成，環境唔錯，但部份檯比較迫，今日安排比我呢張好近自助取餐位置同埋寬落，可能我 remark 左有個人係用拐杖，任點自助餐仲有橙汁任飲（但後面愈來愈稀）自己可以拎既食物都幾多，雖然 refill 有啲慢，但後來有蒸蠔，蝦伊面，龍蝦，炒飯，干炒牛河，都幾多野可以拎落單食物，蝦蛟，燒賣，都好食，牛肉球有啲咸，每位都有送既叉燒都幾有咬口（咬唔爛），但鮑魚冬菇就好淋係 open rice 預先訂位同比錢，食完拍拍羅柚就可以走，好方便現場都幾多老人家同旅行團，附近 office 就唔算好多人過黎食飯…查看更多

今晚的私房菜體驗完全超出預期。脆皮黃金蝦，蝦肉飽滿外脆包滿鹹蛋黃；主菜客家蔥油雞，雞肉嫩而不柴，配上特式蔥油調味，每一口都是鮮香。最驚喜的是香蒜爆炒鱔球煲，外皮脆卜卜不油膩，內裡鱔肉多汁彈牙，蘸上特調醬汁更是絕配。服務員貼心又不打擾，全程體驗如同在家享用貴賓盛宴，這水準的私房菜，絕對值得再來！…查看更多

多款式酒店午市點心放題-逸龍軒估唔到北角海逸酒店逸龍軒轉咗做午市點心放題，記得之前呢度午市周不時有點心優惠，乳鴿都好抵食😂今次點心放題，竟然有原隻鮑魚伴花菇，同埋半隻乳鴿😀 都唔錯👍🏻除咗點心之外，仲有自助小食，汽水任取，都算多款式，不過有啲款式就麻麻好似杏仁茶，太稀冇咩味😅$188價錢嚟講有呢個質素算唔錯😆如果唔想食放題，都有散叫午市點心架🙂…查看更多

尼間酒店點心放題我黎左2次，平日/星期日各一次成人$188 ，可以任食3個鐘第一次星期日去時，全場爆滿，點心落左後近半個鐘先開始到不過唔知係咪間餐廳知咁遲上，前面位置會擺左好幾盤小食，任你夾。但人太多關係，啲嘢食去得好快，refill速度還好點心款式都係大路個啲（圖為第一次去食時影)，OpenRice都有list out, 但有啲係冇eg香菇包每位送一客鮑魚同乳鴿食物味道普通正常，唔算好特別比較好食係網腸粉，泡飯，桂花糕比較差既係杏仁茶(試左兩次都係水開粉咁)第一次去啲野食可能即蒸比較熱啲第二次去大部分野食唔算熱，部分凍左(第一次有得叫既網腸，菜苗餃，再黎menu已經冇)整體食物質素普通，勝在可以坐得耐慢慢食環境舒服，服務質素好值得一讚嘅係每款點心可以逐粒叫如果同朋友聚係一個唔錯選擇…查看更多

全層都是中餐廳，面積闊大，有海景，用餐區張張是大台，2人坐也不例外用大台，用餐舒服，仍有自助區食物，多種蔬菜，凉菜，咕嚕肉，豬腳姜，部分點心，中湯等，價錢實惠，長者有優惠，點心紙無限點心質素不錯，每位食客有鮑魚乳鴿送，環境價錢絕對性價比高，已經光顧二次，仍然會去幫襯…查看更多

似乎逸龍軒不是，北角海逸酒店的附屬餐廳。open rice 有平$10。服務好。當然人太多時或有招呼不周，但我覺得不是另一篇文章也那樣差。我已食過三次：舊同事、公司同事、家人鮑魚，每人一客。好林好食乳鴿，每人半隻。麻麻。有點廋，乾。海皇泡飯。好食蛋白杏仁茶。系淡，但我覺得還是好舒服木耳。好食。蝦餃。好食。其他，炒飯好食。第三次是，星期六，部長哥說熟食自助區有蒸蒜蓉開邊蝦，我快步去，之後還見到龍蝦😱。我心意取一少碟。開心過便好熟食區，有西湖牛肉羹。白雲豬手，白雲鳯爪等留意：點心紙寫明，是每件上的。的確即如燒腩仔冰肉，是一細粒成人188 已包加一。比旁邊望月樓更優惠。望月樓8個人去食。相同價錢。食吾飽。或有漏單，再點便是。無需要 介意我覺得188已包加一。已經無投訴。…查看更多

抱着一试这个有长者优惠又话通过开饭app订座再减十蚊既心态黎试试，点知服务差不在话下，更系埋单时话要提前买特价飞先有再减十蚊既优惠，需然差价不多但条气始终唔顺，一句话就系无下次…查看更多

這間酒店服務態度非常之差，打電話去訂位，佢話冇得訂 ，去到安排位想轉位，佢就話要訂位，食一餐啫，又唔係唔使錢，仲要俾佢玩，跟住聽到有些客人想換位都可以，睇吓個職員心情好唔好？想唔想幫你？香港連酒店嘅服務都一落千丈？這間酒店食物嘅質素一般般，乳鴿還可以，酒店除咗環境較為寬敞，一切裝飾都好舊款，從入口至酒店裝飾，都覺得殘舊，完全唔似一間五星級酒店，食物出爐都好慢，如果做唔切就唔好搞咁大，所以冇嘢值得我會再去。…查看更多

今天6月30日中午12時正， 一入座已經知道仲大伏。女職員竟然問我哋是否住在附近D村。我說為何如此問？她回答說不知道為何今天這麼多人。难道他們平時只做邨客？难怪服務態度由致电確認開始，便令我心中忐忑不安！！！ . 外面自取的冷盤熱盤，一直保持空空如，除了開頭那十多分鐘。取食物啲碟亦都清空。後來食客竟然自行排隊等refill，有位小姐取到小量炒飯已經非常開心地走回座位！之後有少許炒麫炒蝦，便回復空盤。 有影片分享平台視頻中拍到的炸韮菜角，咕嚕肉全都未見過. 到1時20分第一輪才上齊。見勢色不对，較早已落第二輪單，結果催了三次終於下午2時30分上了部份第二輪。迷你燒腩仔及超迷你燻蹄是經經理催單，才出現。 燻蹄賣相太不堪，我退了貨。 上菜非常混亂，中間應該有些點心是被攔途截劫。 女侍應只不耐煩叫客等，男侍應替我查單，說食品已經出了。 叫我再落过單！ 男侍應及男經理服務好些。女侍應態度差。全場客人齋坐，只可不停催單，女侍應不check 單，竟然同熟客抱怨D客心態不好，落咗單是要等的。 但是全場齋坐，難道是正常的嗎？一 餐廳overbook，全都是預約的客，五人要逼四人枱。要食客坐加開不平穩的麻雀枱。但竟然沒有和廚房及廳面溝通。全場冧檔竟然埋怨客不體諒！ 可能備貨不足，三件春卷及腐皮卷竟然是1 條半。 等了兩小時的2碟米網腸粉只有總數2 粒！！！但一件蛋黃壽桃包竟然來兩個完全沒有蛋黃的大包！可能目的是用廉價的點心塞飽客！ 第二張單的乾炒牛河，星洲炒米，蒸餃， 粉果，蔬菜，甚至珍珠雞全都不見影踪。 三時前有人問我哋有什麼未來。但是等了那麼久，我都不想再等了。 簡直是浪費人生。 臨走時見其他大枱還在等蝦餃燒賣。他們要了十件燒肉，竟然只給了五小粒！總括來說我們是不會再光顧。女知客及女侍應的態度令客人覺得自己是來乞讨。此酒樓的放題價錢，數年來一直向下調，食物質素及服務每況愈下。 眼見別台有女客要自行出去攞滾水壺，侍應不反省是自己服務不足。反而大聲呼喝客说，如果水未滾，飲屙咗，你哋自己負責。 到我枱要加水，女侍應說冇滾水便走咗去！後來我哋亦都要自己出去攞滾水壺。我相信屋邨平民酒樓服務較這裏還好！ 原先以為這裏較人，三小時可以慢慢坐下嘆下茶，對食物沒有任何期望。怎料竟然來到一個亂七八糟的戰場！…查看更多

飲茶之事，本是極好的。今日到訪鰂魚涌，興之所致，到上址飲番餐中茶。之後點了三款點心，點知的食物質素甘唔掂。遠年陳皮牛肉球後上。肉球渾圓，色澤暗暗，陳皮香氣聞唔到。入口時，肉質鬆軟，陳皮味不見了。想來所謂"遠年"，不過是招牌上幾個墨字，未必真有其事。椰汁柱花糕隨後而至。糕體雪白，面上點綴幾粒枸杞，頗為悅目。椰汁味淡，柱花香更不可尋，唯有甜味突出，使人舌根發膩。XO醬炒腸粉壓軸登場。腸粉油光發亮，醬料均勻裹附，初看頗為可喜。然而入口方知，腸粉軟爛無筋骨，XO醬徒有其名，既無瑤柱香，亦無火腿味，都不知是什麼醬來的。三樣點心下肚，腹中雖飽，心下卻空落落的。飲茶之樂，竟在何處？環顧四周，但見食客們談笑風生，渾然不覺滋味如何。原來飲茶一事，吃的是人聲嘈雜，品的是市井煙火，至於點心好壞，反倒不甚要緊了。…查看更多

平時兩個人好難飲茶知道最近做放題即刻黎試下酒店環境係舒服既，雖然放題但都唔會逼食品選擇，有d係一件件叫，有d係一份另外有個area buffet式自取前菜呢個豬手其貌不揚好好食粟米x，可食可不食每位會包左一份鮑魚，同半隻乳鴿乳鴿都好ok，夠juicy黃金魚皮即炸？熱辣辣好好食點心都即叫即蒸蝦餃燒賣牛肉球咸水角buffet area有，又有得寫紙，寫紙o個粒係好食d既，新鮮d燒肉一般安格芹牛河，牛肉幾大塊，少d濃湯海皇泡飯！！！！必點必點必點，有脆米o個隻！甜品都ok可以encore！尤其岩晒小家庭…查看更多

地方算寬敞，相對於其他餐廳，整體環境都幾舒適，一般嘅點心質素都算不錯，但實際上未能達到我嘅期望。最離譜嘅係個燉奶，實在令我失望透頂。個燉奶食落去真係超難食，除了完全唔滑之外，一點味道都冇，真係冇辦法咽下去。所以我食咗兩啖之後，忍唔住向侍應投訴，然後就叫佢幫我取消。 侍應好似聽到我嘅不滿，話冇問題，會幫我取消嗰兩個燉奶。但當侍應最後攞張單俾我睇嘅時候，幸好我有對單，發覺嗰兩個燉奶仲未有取消，真係令我非常憤怒。 等咗咁耐，最後仲要付多啲冇食過嘅燉奶錢，我真係無法接受。呢間餐廳嘅服務真係好差，實在唔值得再來，連基本嘅客戶服務都做唔好，令人失望。希望他們可以改善服務質素，否則未來可能難以留住顧客。…查看更多

今日踏入不過有名嘅酒樓 嗰氛圍甚係熱鬧，裝修雖非奢華至極，卻透著傳統大氣，紅底色調，睇住便覺喜慶，彷彿已嗅到佳肴飄香，滿心期待大飽口福。• 炒螺片配豆角：螺片切得恰到好處，厚薄均勻，炒制火候精準，口感爽脆，豆角青翠鮮嫩，爽脆宜人，與螺片搭配，色澤悅目。然相較高檔海鮮酒家之炒螺片，此處螺片鮮味略遜一籌，或因食材本身所致。但整體而言，味道尚佳，鑊氣十足，香氣撲鼻，令人食欲大增。睇嗰兩隻龍蝦威風凜凜，蝦殼紅艷似在彰顯其新鮮無比。蝦肉入口鮮甜彈牙，每一口都飽含海水之鮮味，妙不可言！旁側小碟中乃龍蝦肉製成之佳肴，搭配醬汁濃郁醇厚，與蝦肉鮮味相輔相成。不過，龍蝦刺身擺盤雖大氣，若能如米其林餐廳般，增添些創意裝飾，便更臻完美矣。燒乳豬：燒乳豬外皮烤得金黃酥脆，宛如一層薄脆鎧甲，以筷輕敲，令人垂涎欲滴。咬下一口，咔嚓一聲，脆皮瞬間崩裂，裏面豬肉鮮嫩多汁，鹹淡相宜，實乃外酥裏嫩之典範。然因乳豬個頭較大，烤制時火候把控稍有難度，靠近豬骨處肉質稍欠鮮嫩，略有遺憾。但總體而言，此燒乳豬堪稱酒樓招牌菜，水準不俗。鮑魚海參燜菜：鮑魚個頭雖不大，然肉質厚實，口感軟糯，飽吸濃郁醬汁，滋味醇厚。海參處理乾淨，爽滑彈牙，與鮑魚同燜，鮮味交融，鮮香至極！白菜吸足鮑魚海參之鮮味，清甜可口，唯燜制時間稍長，致白菜略失爽脆。與專做鮑參翅肚之高檔餐廳相比，此菜食材品質或稍遜一籌，然味道頗佳，性價比高。清蒸魚：魚之品相甚佳，色澤鮮亮，魚皮蒸制得恰到好處，爽滑無腥。魚肉鮮嫩，以筷輕撥，便如花瓣般散開，入口即化，鮮味四溢。其上配料搭配巧妙，蔥花、薑絲、香菇等，增香添味，豐富口感層次。然與海鮮酒樓大廚所蒸魚相比，此魚火候略欠，魚肉中心部位稍欠熟透，然瑕不掩瑜，整體味道仍佳。蝦仁湯麵：湯色金黃誘人，散發濃郁鮮香，想必乃以蝦頭蝦殼精心熬制之高湯。麵條爽滑勁道，吸飽湯汁鮮味，口感豐富。蝦仁新鮮彈牙，顆顆飽滿，咬之滿口肉香。然湯麵份量稍少，於吾等大胃之人而言，一碗下肚，意猶未盡。與街邊麵館相比，此湯麵味道勝出談及呢啲美食，心中滿是回憶與情懷。兒時每逢佳節或家庭聚會，家人便會齊聚酒樓用餐，如今憶起，溫馨依舊。猶記燒乳豬，往昔僅於隆重場合方得一見，每每上桌，孩童們歡呼雀躍，爭搶脆皮。如今雖可隨時品嘗，然此刻食之，往昔歡樂時光浮現眼前。又如鮑魚海參燜白菜，曾覺此菜甚為高檔，僅於電視中得見，如今能與家人共享，實乃幸福之事。呢啲美食，不僅是味蕾之享，更承載著家庭之溫暖與美好回憶，每一口皆似品味一段溫馨故事，令人沉醉其中，難以忘懷。…查看更多

咁啱經過鰂魚涌呢度有一間新嘢食，好似近排好Hit，逸龍軒近排有個新嘅推介熱賣中意大利陳醋雞。這道菜靈感來自地中海的風味，雞肉搭配了高品質的意大利陳醋，經過慢火燉煮，最特別係個醬汁真係可以送兩碗飯😍另外仲推出咗另一種口味！將農莊走地雞全新口味雙重享受瓦罉霸王雞，這道菜以新鮮的雞肉為主角，經過特製的醃製，並搭配獨特的香料與醬汁，令雞肉香嫩多汁，口感極佳。醬汁的微辣和香氣交織，讓人一試成主顧。這兩道餸菜將為您的餐桌增添獨特的風味，讓人回味無窮！…查看更多