榮式燒雞扒

Open Now

Now Closed

12：30到，1人安排坐4人枱最入位置，點左餐，10分钟到，茶未到，乾食已经好難食，食到辡味開始咳，問職員拿水，話冇，問職員我杯熱0茶幾時有，話等，我話我咳想拿杯水飲，又話冇。垃圾餐厅，又吾係突別好味。

D夥記好有禮貌，令女前令女後😂😂 個親子飯原來係雞同雞一齊，所以係阿媽同阿仔。呢個idea好有趣！叫左個鹽酥雞扒撈濛粉，因為我唔想炸雞趴濕漉漉所以一直都keep住咬一啖擺返落去。但有個伙記經過唔覺意收走左搞到我個雞扒晾在湯匙空中哈哈哈哈⋯⋯之後另外一個戴眼鏡既微胖夥記就比返個新碟我。佢地好著重customer serive，令我十分滿意。

嚟到灣仔附近覓食得返好短時間之後要返工開會有個同事就介紹咗呢間嘅外賣買咗一盒滷水豆腐雞扒飯返到去一打開勁香蔥油味價錢普普通通咁大約四十幾包埋熱飲☕️個雞扒好薄好香口個皮咬落去係有聲音重口味到又唔會覺得太鹹豆腐卜就太過乾了略嫌硬左d但係因為個雞扒嘅Juice可以彌補晒成盒飯嘅不足之後其實仲有同同事去食多次堂食每一次去都係好多人堂食嘅感覺好似快餐店咁服務其實都係咁上下不過一食完佢就即刻收野同埋會提醒你出面仲有好多客人喺度等如果你唔想食麥當勞其實不妨可以試吓呢一間下次趕時間我都會再嚟食多次！去親灣仔都會諗起

朋友話要帶我食好嘢，所以就黎左「榮式燒雞扒」。佢話這裡最出名就是雞扒，講到我食指大動，唔試都對唔住自己咁話😝雖然店內裝潢係比較舊式感覺，但有時候就係要食埋呢啲風味感，反而你會對間店印象深刻😄涼拌木耳$31蒜蓉味和醋味都好夠，木耳好爽，仲有啲芽菜薦底，正👍🏻芝士蝦球$29細細粒容易入口，咬時芝士在裡面爆出嚟，好彩細粒咋，唔係就周圍都係。蝦球好彈牙呢😋特式炸豆腐$22大大件，炸得香脆，加埋醬汁味道好正。特製微辣涼拌稻庭烏冬+雞扒$38+$16烏冬麻辣味好夠，唔算好辣。雞扒好滑加上有黑椒味，好好食😋朋友果然冇介紹錯👏🏻板燒茄子$32茄子面有豉油同辣椒粉，朋友覺得夠味，我就覺得唔夠，可能因為平時出面食係有蒜蓉，會比較濃味的緣故。芝麻雞翼$31炸得好香脆，熱辣辣好正😋時令油菜$24生菜新鮮爽口😌芝士年糕$26年糕好煙韌，芝士味濃郁，上碟熱辣辣，熱食正😋蓮藕餅小食$35附有甜酸醬加埋一齊食都幾好架喎！原來蓮藕餅都係出名好食架，味道幾特別，可以encore😋咸檸梳打+$8Ok

久聞榮式雞扒好好味, 終於有同事忍唔住走去買, 原本想先打電話落定單, 再預時間自取既, 但點知店員話落定單都係要等, 所以只能到場先落單.炸雞扒既料比較特別, 唔係七味粉之類, 有D似穀物類, 肉質係嫩口既, 不過味道就唔太夠. 肉燥唔似係台灣既口味, 唔會有甜味, 有D似韓國既炸醬咁, 亦有少少似豉汁, 最有代表性既就只能說係包白糖, 印左榮式既標誌. 可能唔係食燒雞扒既關係, 所以唔係好明佢成名既原因, 有待商確.

第一次食，叫咗雞扒滷水豆腐飯，望落賣相唔係特別靚，但第一啖食塊雞扒就發覺： 好 好 味 吖 ！ ！ ！佢唔係好鹹，有少少甜味，之後食食吓仲有肉汁咇出嚟勁juicy，可能係我食雞扒食得少啦，真係未食過咁好味嘅雞扒😍😍😍回味無窮至於啲滷水豆腐索晒啲滷水汁，咬落去啲滷水汁會咇晒出嚟，攞埋嚟送飯就啱啦😂利申：極少寫食評但見佢咁好食忍唔住寫，雖然好似有啲誇張但係真心的🙈非打手

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️呢間咁出名嘅榮式燒雞扒次次lunch time經過都排哂長龍，今日下午茶時間見到冇人我先入去咋🙃 原來佢有做下午茶餐都幾抵食喎，下午茶餐唔啱嘅都有午餐可以嗌，而由於我貪心地又想食雞扒又想食蓮藕餅所以我都係叫咗午餐：⭕️ 雞藕天成飯 - 會有一塊燒雞扒同埋兩塊煎蓮藕餅💁🏻‍♀️ 燒雞扒比較薄身，佢煎到塊皮黐住塊雞扒肉，中間唔會有層肥膏所以食落唔會覺得好肥膩，而佢嘅調味都好香口惹味。蓮藕餅厚身得黎啲肉打得幾鬆，所以加埋啲蓮藕粒嘅爽口，口感味道一流！啲餸又好送飯 ，同埋鍾意呢個飯會配埋蔥油同菜脯粒，正🙌🏻

灣仔「榮式雞扒」已經幫襯了十多年，大部分時間都係叫外賣或攞走，今次真係第一次坐下來堂食，舖位細細，每個坐位都分隔開，一個人的午餐最好不過。$54~雞扒配蓮藕餅「雞藕天成」，他們以獨有方法去煎雞扒，煎得又香面又脆，肉汁鎖住在內，有薑蓉和辣菜甫的配合，藕餅內的蓮藕粒粒爽脆混合猪肉煎餅係小炒店的高水準，最係好味到無得頂。見到佢哋雞扒有很多配搭，希望下次再來幫襯時，要忘記「雞藕天成」，試下挑戰另一種配搭先。

平時榮式都幾nice，依家係咪變咗大集團平時晏晝落去食晏都要排隊等入坐今日同同事去食當然都唔例外發覺餐牌唔同左以為有好嘢，點知⋯⋯我就平時食開飯可以任配唔同嘅餸，點知今日開始唔可以，仲要話加雞扒要加$22另外個女同事點涼拌加雞扒就只係加$16係咪因為佢係女仔有着數？好啦，咁照食埋單嘅時候就真係O咗嘴嗌嘅嘢食同平時差唔多，點解比平時貴咗差唔多$10？睇單先發覺原來依家加嘢飲要加錢，仲要係一加加$5本來食開性價比高嘅茶餐廳，依家睇嚟要再搵過間

約10年前已知這店了，一試已覺得太好食了😊，因在中環返工，間中......其實都好間中特登黎食或lunch買外賣返公司食昨又忽然看op, 又想lunch買返去食，街上好熱😅，由中環行去灣仔都幾遠，去到又想試下其他店，但都想買好耐無食既雞扒飯食😂，叫了雞藕天成飯套餐（雞扒加蓮藕餅飯😃）（買飯連熱飲，凍飲加2蚊，外賣加1蚊）共54蚊, 天天門外多都堆了10多人，有等外賣的，有等入座的， 等10min，就可以取了，但門口負責收銀和叫人入座的亞姨幾惡喎😑，叫外賣諗多陣又eerr😖, 叫人入座又大聲加沒禮貌😤搭丁丁返公司，盒飯仲有少少熱，雞扒依家好味👍，這店有獨特的醃料和製作方法🙂，比起其他店是不同的，藕餅一般吧，可以雞扒配豆腐或其他，仲平少少呢，雞扒飯好似56蚊，有兩塊雞扒😃

時間尚早，未算太肚餓，輕輕的食一下就剛好，突然想到吃港式早餐，經過金鐘太古廣場三期就想到了這裏的榮式雞扒！分別叫了榮式雞扒撈出前一丁及豬頸肉烏冬。撈丁用上花生粒及菜脯作配搭，層次比一般薑蔥油的造法更豐富及少一點油膩，個人比較喜歡這種配搭👍🏻雞扒煎得皮脆肉嫩，一如既往，好食。豬頸肉烏冬，熱湯味清而且用上木魚調味跟烏冬一起很夾，份量亦剛好，可惜豬頸肉的肉質一般🤨，有點失色。飲品點了熱檸檬蜜和熱咖啡一杯。價格實惠。😁

疫情去到第四波，2人限聚真係好難堂食！灣仔lunch time 諗食咩諗到頭都大，決定行遠D都去蘭杜街買榮式雞扒飯！好耐冇食有D掛住！打電話去落定單，去到唔駛等！yeah! 🍗🍚雞藕天成 $52 （一塊榮式雞扒＋2塊藕餅）🍗🍚雞扒滷豆腐飯 $52  （一塊榮式雞扒 ＋4件滷水豆腐）  識食梗係要食榮式雞扒！同以前一樣咁好味，雞肉嫩滑，薄薄一塊醬汁香濃帶有小小黑椒味。招牌菜的確好味！藕餅比記憶中唔同左小小，冇咁油豬肉鬆軟左！讚！滷水豆腐簡直驚喜！豆腐好味多汁仲有四件咁多！飯嘅份量都唔少，配埋香蔥同豉油撈飯一流！超飽超滿足！

(2020年9月17日 晚上7pm男士) 電話叫外賣時態度已經惡劣，趕住落單咁，去到拎外賣，仲叫出邊個客叫佢(唔好戇居居企係出邊，叫佢入黎)，我是常客，只是想榮式管理層知道。食物一時時，今日係比較差，可能比較忙，但堂食見唔到好多人，或者外賣多啦。

榮式雞扒我平時最愛是雞藕天成飯 $50，就是組合了兩樣最受歡迎的餸: 雞扒與蓮藕餅。午飯送飲品。.雞扒大塊香口，藕餅夠鬆化夠味，我至愛。🥳😊.除雞和藕餅外，他們也有很多選擇。..之前還有叻沙。叻沙餐還包美祿恐龍.另一個是最近的夏天之選，微辣涼拌稻庭烏冬 $38，還包一杯凍的青出於茅，即青瓜香茅梳打特飲。可另加餸，一餸加$16，兩餸加$25。.上次加了豬頸肉和藕餅，今次加了豬頸肉和鹽酥雞扒。.鹽酥雞扒好味😋且大塊。..夏天有杯青瓜香茅特飲零舍覺得清新解渴。

茶記整x扒x扒响我認識入面都係一個字炸，無其他，就算佢寫香煎我都認為為咗快一定係香炸😂😂不過呢間好似唔多似係香炸，似香焗或者係香煎，點都好個皮無濃同唔油，我諗佢應該係焗多d，因為快可以出到多啲，anyway塊雞扒真係好好味，又無骨，啖啖肉，仲有焦脆感，一個字絕，不過間嘢就真係好迫好迫囉，至於個烏冬都彈牙，不過佢就普通咗啲，拎啲胡麻醬黎撈，不過两樣嘢配埋又無違和感喎簡直絕配，雖然唔係身處五星級嘅餐廳，不過佢有五星級服務