永珍越南食館 (Closed)

完咗聚會，同班朋友都喺照舊落太子食晏， 因為花園街一帶有好多餐廳，有平有貴，選擇非常之多。本來搵間茶記就算，但有人提議「永珍越南食館」，越南嘢，我啱喎。 內裡裝修簡約，唔會太傳統嘅越南菜館，較特色就喺天花嘅吊燈。整體感覺，喺有啲壓迫感，除咗因為本身枱與枱之間嘅間隔好近之外，加埋啲隔板，差唔多枱枱都間，所以，有會啲擠迫嘅感覺。 午餐時段，主要喺兩個餐牌，一款喺L1-L16嘅越泰式飯麵，賣$56，送基本熱飲；另一款喺L20-L43嘅越泰式湯粉，定價$49-$89，同樣送基本熱飲。另外仲有個小餐牌，喺啲午餐加配優惠。 越式芋頭炒飯 $56 友人鍾情芋頭，所以，揀咗呢款芋頭炒飯，原個鐵煲咁上，都幾有睇頭。除咗有啲青瓜片，仲加咗啲肉鬆。佢就話個飯粉炒得唔錯，飯粒爽口，啲芋頭夠粉，好有芋頭味，雖然混咗啲豬肉鬆，理應添多幾分鹹香，但仍然覺得有少少淡口！法式牛柳粒炒紅飯 $89反而另一位老友揀咗店家特別推介嘅牛柳粒配炒紅飯，睇賣相確喺幾得。佢分享就話，牛柳粒炒得焦香，夠軟腍，就連配菜亦炒得好味，所謂法式，估喺加咗紅酒啩，但又話唔喺好覺得。而炒紅飯大家心初時都以為加入紅米嘅炒飯，再睇番餐牌，原來喺蕃茄炒

觀賞完在旺角球場的比賽後，踱步去到花園街226-228號，見到有間叫永珍越南食館，一於入去醫吓個肚。望吓個Manu都幾多款式可供選舉，有辣有唔辣…點了菠蘿海鲜炒飯，海鮮真係幾鲜，有鲜鱿有蝦仁，可惜啲菠蘿就未够鲜，有些少「宿」味，但可以接受，因為有很多肉鬆在飯面，賣相都幾靚。整體而言，尚算滿意。呢款猪肉撈檬，够哂越南味，肉片有肉味，檬粉够彈牙，雜菜够爽口，撈埋啲地道越南酸汁，够哂開胃兼飽肚，推薦給各位！

很久已沒有踏足花園街了，今天到花墟買過植物後便來到隔鄰帶了兩個外賣回家吃。經過永珍越南食館，午餐選擇頗的，有泰式、越式飯，麵和湯河等等。最後我楝定了一款越式飯。～四寶飯四寶是包括了香茅豬扒、扎肉、豬肉和雞槌。驟眼看似極其豐富，吸引了不喜歡單調的我。這店所有午餐均配了飲品一杯。打開飯盒便發現雞槌原來是小小的，肉不會多。香茅豬扒較大塊，但可惜肉質非常硬和實，碓實有點令人失望。幸好那兩片扎肉味道正常，最意料不到的是豬肉看似不太討人，但味道竟然是最好的。豬肉筋肉分明、有咬口，但不算硬，麻油味道濃。不可不提是那飯內的蔥油，若沒有它，我相信我亦難將這個午餐吃完。飯後來一杯熱阿華田作補償吧！

真係好難食⋯⋯我都忍⋯炸乜丸係食唔出係乜，炸皮炸粉丸咁🤦🏻‍♀️⋯嗰碟馳名咖喱雞，暗黑色嘅肉，鞋拾拾⋯我問個年長員工會唔會太唔新鮮？仲好鞋⋯佢答我：哦好鞋🙄🙄⋯我成碟無食，但張單照收錢，我再問佢你咁都照收錢？佢答我：係，要收🙄🙄

食物味道還可以，落單後食物都快來到，可惜我連續4個中午來到這裏食午餐，有3日都落錯單，唔係搞錯食物款式，就係搞概飲品，如果唔係因為食物味道還可以，我都唔會再來，希望佢哋可以儘快改善😂

喺太子練完波之後同朋友一齊嚟到呢間餐廳食晚飯。自己叫咗一個越式菠蘿炒飯($56)，除咗菠蘿、青豆之外，仲有紅蘿蔔、肉鬆同魚崧，所以好簡單嘅配菜，但佢炒得入味外，啲飯都粒粒分明，好食之餘又夠飽，下次會再幫襯。

呢一間越南嘢食，我買來都平平無奇，但係入到去全部我想食嘅嘢都冇，冇我想食嘅豬頸肉飯，亦都冇我鍾意食嘅蝦餅。之後帶咗個四寶飯，入邊有扎肉，雞腿，香茅豬扒，豬肉。跟住有蔥油喺上邊。全部嘅味道都係好正常嘅冇話特別好味，但係最出色嘅估唔到係蔥油，我食晒我自己碟上面嗰啲之後，我仲叫侍應攞一個俾我，然之後我又問佢可唔可以要多個炸蒜頭啊，跟住我再問吓佢有冇生蒜頭，佢哋嘅服務態度好好啊每一次嚟到嘅時候都會笑着回答我，就算我只係食一個幾十蚊嘅飯，佢哋都一次又一次咁樣攞我想要嘅調味料或者係配菜俾我。今時今日香港真係好難得有咁好嘅服務員啦，鍾意食越南野嘅你哋都可以去試吓❤️❤️

行開花墟買花順手附近坐低食個晏！呢間越南餐廳係九龍城出名，而太子呢間鋪頭不算大，所以坐得很逼夾！坐低後點了越南生牛湯河$46+$15配滴漏咖啡。送餐時間大概五分鐘十分迅速，而生牛肉河的份量算多，湯底味道足夠！而牛肉的鮮味仍不錯！可是滴漏咖啡的味道就有點失聲，不太重應有的咖啡香味，而且口感一般！但在這個閙區這價錢的lunch 算合理，唯一只是餐廳空間不足，而且lunchtime多人就很嘈吵，讓人很趕的吃飽便走呀！

咖哩鱔飯～嚇死我，第一眼見到右邊同上邊以為係強強...😅見到都驚驚；賣相核突左少少，個邊邊又起哂泡咁！條鱔食落好硬...難咬，仲要無味...似水👎🏻伏d咖哩好淡味...其實都睇得出係溝咗好多水@@匙羹一「不」上嚟就係水狀⋯⋯唔好食，唔辣，又淡，好稀....唔知食緊乜👎🏻👎🏻生牛肉河粉，但已熟左～～～成碗野好淡味～最後要落辣椒油增加啲味😅牛肉無牛味😓湯底水黎。。。凍檸茶反而OK，片檸檬都多。

過年前與友人在西貢買了部份年花，繼續到花墟選購，順理成章在這裡的餐廳吃午飯。串燒要了雞肉和豬肉，老實說，包了沙爹醬之後，不單止從外觀無甚分別，就連吃下亦然，況且我們都覺得油膩不堪，加上沙爹醬沒多少沙爹香，只食到甜味，不太合胃口。小人的越式炒檬粉配料包括有蝦仁、雞肉、芽菜、蛋絲等等，本身不是很夠味，故此需要加魚露。誰知當加入魚露，竟發現是鹹到無朋友，與檬粉的味又不搭配。友人的香茅炸豬扒飯，雖然蔥油已經偏少，但連同豬扒及附上的醬汁俱甚油膩。豬扒不算難吃，然而酸甜的醬汁太油了，不太好佐飯。超級中伏。

午市單點咗咖喱雞飯，本人從來未食過一個咖喱雞飯係咁差！一嚟到煲咖喱雞都心知不妙。食落口，啲雞係微暖差唔多係凍，雞肉顏色係深啡色，肉質食落去好似湯渣一樣，好明顯係番煲番煲再番煲嘅肉，飯都係腍到無咬口，服務態度又差，一般茶餐廳都未見過咁差！

原本諗住響太子搵一間食下午茶, 行下行下就見到呢間唔錯咁, 就去試下啦, 結果份量比較少, 返到屋企都要食番少少嘢先得😔泰式炒飯 $48一擺上枱就覺得份量已經好少, 如果男仔嘅話一定唔夠飽, 不過味道係唔錯嘅, 炒飯炒得香, 帶有少少香辣嘅感覺, 而且旁邊加咗啲肉鬆 如果份量多啲嘅話就更好。金邊湯粉 $42份量尚可, 但係味道就較為普通, 湯底偏鹹, 而且有好多肥豬肉粒響湯上面, 而其他配料味道還可以。以上套餐免費加杯熱飲, 叫咗一杯熱奶茶同埋熱阿華田, 味道正常發揮。

係姨間同一鋪，隔離的泰國菜吃，埋單走時放了一張$100， 一張$50 在單據夾牌上，諗住拎去埋單，去到門口塞左一班人，聽到有職員說要去隔離鋪埋單，自動門一開，我不為意兩張銀紙被風吹走（又或唔知係點唔見了），我只行前左兩步，時間得5 秒，望下個夾牌，就發現兩張銀紙不翼而飛，回頭望唔見在地上，有無攪錯，得5秒時間可以咁就唔見左，見到人跌咗都會提醒人啦，點可以順手牽羊，啲人幾咁唔誠實，幾咁貪心！

行開太子咪尼倏好多餐廳嘅餐廳！行咗個圈！最後決定倉尼間只有閒日先有茶餐不過味道我就覺得嘛嘛哋下午茶餐～金邊湯粉跟熱檸茶（$42）～湯底只覺得味精湯底蝦有兩隻，不過似雪藏蝦反而最驚喜係蛋絲好有蛋香味！不過唔系好夾湯粉！用響炒金邊粉會夾啲！，叫咗杯熱檸茶濃啲！點知抷茶淡到完全無茶味雖然尼渡下午茶唔太多人，所以都坐得舒服！但食物質素真系好嘛嘛哋響尼條街渡唔難搵到間好食過佢

下午茶時段路經附近。 跟住朋友尾走左入黎試下佢成日講既泰國野叫左個生牛肉湯河， 有驚喜 好滑，個湯真係有牛肉味！湯底又有香草🌿味，配料都比得足，都幾滿足！即使係下午茶，牛肉片都唔係得2，3片😌 有機會可以再黎！最緊要係食完都唔覺有味精味。👍🏻👍🏻偷食左朋友小小沙爹豬肉，真係聞到好香濃沙爹味。👍🏻然後。個香茅雞翼， 上面有葱油。好有越式野的感覺。 就係香啦。 雞翼又香脆。整體感覺真係唔錯，環境幾好唔算迫。