王家沙 (Closed)

上海同事來香港出差，吃了幾天西餐就開始homesick，嚷著要吃上海菜。附近也沒有甚麼特別地道的上海菜館，就帶她去王家沙過過口癮。12:20餐廳還未客滿，walk in也不用等位。甫坐下她就興奮的點菜，好像怕小籠包會跑掉，真的有這麼掛念上海嗎？四喜烤麩 - 黑木耳很爽，烤麩軟軟甜甜，不錯的涼菜。蔥油紅蜇頭 - 蔥油味不夠出，但踅頭口感算突出。紅油抄手 - 紅油不多所以不夠辣，每個餃的份量比較大。蘇式鮮肉小籠包 - 好吃，湯汁飽滿，皮不會很厚，想多吃一點！鮮肉生煎包 - 包底煎得香脆，略嫌肉汁不夠多，小籠包比較好。香蔥咸薄餅 - 淡淡的不夠味，要改善一下呢～或許餐廳為了配合香港人比較清淡的口味，把所有菜式的味道調淡了，結果沒有了正宗上海菜的濃郁特色。席間同事說著在上海、四川、成都的美食，讓我有點衝動找個假期去嚐嚐正宗的口味呢！

兩個人去街行到邊食到邊，今次試下出名貴既王家沙。唔使等位，即叫野食，必叫醉雞，但佢既醉雞好濃，如果少少酒都頂唔順既就唔好食呢樣。本來諗住叫小籠包，但最後叫左葱油餅，熱辣辣好好味，由於食唔哂，我攞左返公司食，就算隔夜返公司用微波爐丁，放一陣都會好脆。薰魚比唔上以前既家傳滬曉，但都可以接受。無論去到邊一間上海菜館，一定會叫酸辣湯或者酸辣雲吞，但好失望，啲雲吞皮好厚，涵無味，湯唔夠濃。總括嚟講，可能會再試觀塘呢間，但除左葱油餅會encore外，唔會再食其餘3款食物。

啱啱同朋友搵地方食飯，周圍既餐廳都勁多人排隊。唯獨王家沙唔駛等位。我地個個餓腸轆轆，所以急急腳坐入去。叫左幾個飯餸，大部分都令人失望：擔擔麵-d 麵好林，個湯又無香味京醬肉配薄餅-d 肉完全無味之餘塊薄餅超級硬！咬左好耐先吞到落肚蒜泥白肉-又多油又無味下次唔會再幫襯

又同朋友食lunch! 無計劃食咩, 黎到apm見間野唔洗等位就入左去坐啦! 點知原來係無set lunch先咁少人食, 兩個女仔於是散叫左三樣野。菜肉小籠包- 其實我就覺得間間上海野既小籠包都係咁上下, 熱辣辣好多汁, 皮簿ham靚, 肉都好新鮮。X醬排骨炒年糕- 好大碟下，排骨都幾多啊有十舊八舊，年糕煙煙韌韌岩岩好！不過個醬有少少甜，睇下岩唔岩你個人口味啦！擔擔麵-少辣，但完全唔辣。牛𦟌有4定5塊，但切到好薄，麵有少少過淋，花生醬味好濃，不是特別推介大家食。

第一次同屋企人黎食王家沙 慶祝父親節 但其實一般 因為限時個半鍾 所以食得好急 因為限時而搞到屋企人吾開心 之後食物方面...其實都系麻麻 有啲失望 服務都麻麻 招呼吾掂 侍應們企系你旁邊傾計見到其他人聽到個半鍾都吾食...又吾爆場點解吾俾食客食耐啲呢...

觀塘APM搵食之旅,今次選中了王家沙,因為想食小籠包~對上一次去王家沙係好耐之前既太古分店,個時既感覺只屬一般.今次希望可以比佢平一平反評價食物為$52 既蟹粉小籠包,價錢又真係幾抵.一客有4隻,外表看來好四正,包得幾精緻.皮算係薄,一咬開..肉同蟹粉比例是9比1....咁其實只係有一丁點蟹粉味既小籠包,實質上同一般既無咩分別,湯汁幾多,味道不比一般的更鮮,只是普通貨色.當然價錢上係考慮因素,但無理由咁少蟹粉...

是日和家人到了APM濕平,本來好想上FOODCOURT吃水煮魚的,但行到腳軟想揾地方可以舒服食個晚飯,來到王家沙,侍應見我們拿著很多戰利品,給了我們一張中枱,有多餘的椅子給我們放東西,服務不錯.我們幾位都是愛吃濃味香口的東西,於是點了紅油炒手,担担麵 上海話梅骨以及高力豆沙.紅油炒手很大粒,像兵兵雲吞一樣大咬入口是滿口的,很有滿足感,只是不夠辣.担担麵的麵質幼滑,醬汁很香花生味配上香荵很美味,而上海話梅骨想不到會有這麼多的份量,還以為是有很大的骨頭加少許的肉粒,但卻是一入口帶甜甜酸酸的話梅味,外身是稍脆,肉是鬆化入味的,份量也夠多.

星期一夜晚我同屋企人一行4人6:30去到，位仲係好充足。首先點左個火腿炒飯，份略少，温度適中，清清淡淡，油份唔高，但冇特別。再黎嘅係排骨年糕，排骨嘅味有少少似叉燒，鹹左啲，年糕大小不一，有部份太厚。上海粗炒唔錯，配料好好味，冬菇味道幾濃，啲菜夠軟，份量夠多，雖然有豐富調味料但又唔會太鹹。最後食左菜肉小籠包，啲汁夠多又有鮮味，不過冇明顯菜味哈哈。另外，服務態度同效率有改善空間。對呢間餐廳印象分有啲差，例如一去到嘅時候，侍應就塞住個卡位入口，搞到我同屋企人要由另一邊入。

難食，小龍包皮厚，但一夾竟然都可以穿皮，生煎包皮又厚又無味，嫩雞煨麵無味，落錯單但唔換返啱的菜式給我，對於一間大集團黎講係一種不要得的行為！服務態度差，不會再黎！

人很多,等位時間太長, 等了一個半小時才可進入, 心想應該會好好味. 可是菜色平平, 味道一般,雪菜面近乎無味, 海哲頭不夠新鮮, 大感失望!加上座位狹窄, 人來人往, 食得不自在~

天氣寒左咁多，食既食物當然都有返咁上下暖先得啦今晚想起了上海菜，天氣寒冷除連行街都行左入去APM，因為室內嘛那就去至家沙吧，反正好耐都無食了9點幾，竟然仍然全場爆滿，服務員好快都為我地安排坐位4個人不約而同在想吃辣的，就點了水煮魚，接著也是點一些卡路里高的食物， 如回鍋肉，獅子頭，蟹粉小籠包及擔擔麵，真的每一樣都是吃肥人之選擔擔麵湯底好濃厚，花生粒也很多，哈，但不想多飲幾口湯，因為實在太濃厚了回鍋肉好多油，其實豬肉片是豬腩肉，為什麼仍需要一匙一匙的油都浸菜呢？如果少一些會好味得多蟹粉小籠包入面有很多湯，入口好香，而且夠熱，皮薄而不穿，上上佳品!獅子頭的中心很滑而多汁，味道適中，不足之處是配上的菜太林，有點似隔夜的感覺，雖然知道此店不會如此，但配上油脂豐富的肉，菜比較清一點會更好再講適這168蚊的水煮魚吧，上台很精美，而且是一整條魚，魚底下是薯粉，可是水煮魚色澤很紅，而且好多油，但一點都不辣，如果辣一些，油少一些，會更完美埋單5百幾

是夜二人到訪位於apm的王家沙點了豆腐炒馬蘭頭，小籠包，三鮮湯年糕，甜品有酒釀小丸子。 豆腐炒馬蘭頭炒得香口，小籠包多肉汁夠熱，三鮮湯年糕略嫌年糕糕身較硬三鮮料不多，甜品的酒釀小丸子味道夠小丸子又不會太腍內裡的芝麻餡夠香。順帶一提如果想免事先放在檯上的花生費用切記一坐低就同侍應說不要花生著令對方拿走就可以免了花生費。

慶祝爸爸生日飯～家人寧願近近地在家附近吃晚飯，而爸爸又獨愛中菜，於是帶他來試王家沙。老實說3個人叫了1個蟹餐及6碟菜，確實太多。蟹餐已包一雙5兩蟹、時蔬、小籠包2隻、湯圓、湯品、擔擔麵。只係198蚊就有呢6樣野，好抵食，蟹膏仲超多超粉！ 細麵就係蟹餐包的，左邊是前菜燻魚。所選的湯品。話梅骨是主力推介，必試。一般人好難煮到呢隻味。瑤柱賽磅蟹其實是炒蛋白，媽媽最不喜歡，覺得不值。紅油抄手竟然沒有蝦…京蔥爆牛肉配薄餅是不錯的，但餅皮得4塊，永遠包唔晒～仲有其他野食唔記得影，總括來說很合老人家口味！

所謂：「床前明月光，疑是地上霜。舉頭望明月，低頭思故鄉。」雖然我是個土生土長的香港人，可是從小父母有空餘假期便帶我到杭州老鄉探險公公奶奶，所以，自小便對杭州這地方產生了感情。某天，在openrice找尋吃上海菜的食店，便找到了王家沙。由於當天是星期日，我和男朋友都害怕出現人山人海在排隊等候桌子的場面，所以男朋友前一天打電話Book桌，可是該餐廳沒有Book桌服務。那算吧，因此當天我和男朋友下午6：30就到達王家沙，空餘桌子多的是，不用排隊，哈哈！這是二人坐位的環境，坐下不久，我和男朋友都急不及待點菜（因為該餐廳規定要在一小時半內交還桌子）。十分鐘後，菜式全都上齊（上菜效率超級快）！三絲粉皮是上海鼎鼎大名的冷盤菜式之一，可惜該餐廳的粉皮是暖烘烘的，不但不開胃，更讓人感到很飽肚加上，粉皮不夠薄，做得一點也不出色。四季豆則較容易接受，但四季豆不夠入味，整個菜式平平無奇，不值好評。右上的招牌蟹粉小籠包，由於我對蟹是皮膚過敏的，所以評語是男朋友的評語，他說皮不夠薄，沒有蟹的味道。想不到該餐廳連招牌菜式也做得不出色，還有，蟹粉小籠包比鮮肉小籠包貴20元的，早知今日，當初我們不如點鮮肉小籠包好了，反

現今社會，各有各忙，一家四口能聚在一起吃頓飯的機會實在不多，不是三缺一，便是二缺二或是一缺三，更甚是各有各吃，這天，幸運地可以約齊一起吃，實在難得。因要遷就太座之課堂，舉家移船就磡來到 apm ，以便可以快速見面吃頓飯，這商場雖然食肆多，但人也多，本想一試的日本餐廳因接待員態度欠佳，（營業時間至午夜十二時，但九時三十五分便不願接新客。）太座建議不要貼錢買難受，遂轉而光顧隔鄰的王家沙。知道這店十一時關門，也趕快點菜以免阻礙人家休息。脆皮素鵝，腐皮包著菰絲，紅蘿蔔絲等，再經油炸，鬆脆的腐皮很香口。小籠包，皮算薄，有些湯汁，餡料夠熱。 芝麻肉鬆餅，滿佈芝麻的表面，很香口，肉鬆不怎麼多，普通。王家沙牛肉餅，外皮焗得金黃，一口咬開像火山般熱，牛肉不多，亦沒有爆汁，普通。百頁結燒肉，百頁結是腐皮產物，連冬菇和腩肉同用醬油燜，腩肉一層肥一層瘦，很香口和口感不錯，味道不太鹹，百頁結吸收了醬油和肉汁，很好吃。魚湯蒜子菠菜，菠菜不老，以蒜子和魚湯煮，味道不濃，但不單調，愛吃。闊佬炒飯，看名字，十分勁，材料只有江瑤柱，菜粒，蛋白等，幾乾身，不過不失。肉絲兩面黃，麵條和肉絲茨是分開上，麵條不夠脆，肉絲茨有紅椒