越棧越式湯粉專門店 (Luk Yeung Galleria) (Closed)

下午茶時間：2PM至6PM雞絲湯金邊粉$44 雞絲份糧一般，金邊粉口感煙韌😋湯底味道剛好。粉上面擺左超多蔥！香茅豬扒湯金邊粉$44豬扒口感軟口、夠入味😋餐飲熱檸蜜（有3塊檸檬🍋，夠晒味）

📍 越棧越式湯粉專門店 (綠楊坊) (荃灣)荃灣惠荃道22-66號綠楊坊2樓S33-34舖🤪lunch唔知食咩好，見到學生餐44蚊都幾抵食，一碗粉加特飲咁樣，所以入去食➡️生牛肉檬粉👅生牛肉上黎嘅時後仲有dd紅色，之後浸一浸湯汁就熟，牛肉唔會老，剛剛好，湯汁鮮美，配搭檬粉，洋蔥，幾好食➡️三色冰👅綠豆，綠色椰糖條，紅豆，飲落唔會過甜，甜度適中，連埋個檬粉食，一個lunch夠曬飽度😆💰$44-HKD

補寫食評用餐日期：2021年12月25日 星期六普天同慶聖誕節，上午和媽媽選購聖誕禮物，收穫豐富！Shopping消耗大，lunch break歇歇，補充血糖。晚上會到朋友家參加Christmas party，午餐就吃簡單點，越式湯粉是個合適選擇，walk in綠楊坊越棧，點了以下的：#越南扎肉湯檬：扎肉比預期多，味道挺好的。#胡椒豬肉湯檬：炸豬扒有點油。#越式春卷：春卷鬆化，本餐最好味！#鹹檸檬七喜：鹹檸檬解油膩，不錯。環境：1)餐枱排得太密，疫情下，絕對是個扣分項；2)餐枱設置不合理，坐２個人，點了２碗湯檬、１份春卷、１杯飲料，跟本放不下。

這天在越棧食了下午茶，一份叫了生牛肉湯檬，一份叫了越南牛脷撈檬。雖然他說下午茶是輕食份量，不過份量也不算太少。以這個價錢來說，份量絕對可以接受。相對來說，撈檬的份量比較大。越南牛脷有驚喜！平時吃越南粉比較少見有牛脷可以揀，這次的牛脷軟中帶爽，口感非常不錯！下午茶餐還配有飲品，西洋菜蜜味道不錯，可以飲出有西洋菜的味道！環境大致衛生潔淨，裝修雖然不是特別高級，但是以吃這類快餐式來說，也令人10分舒適！

放假同男朋友出荃灣行街👩🏼‍🤝‍👨🏻🌞近近地去左綠楊坊食越南河，等左一陣就有位，上菜速度都好快。🐮🍜生牛肉河粉💰💲48牛肉上抬時仍見粉嫰色，油花分怖平均，質感軟腍有肉香。湯底味道算清甜，河粉薄而滑，帶少少煙韌，吃到最尾都依然彈牙。夾埋洋葱一齊食，爽脆有口感，整體唔錯。🦐炸蝦餅河粉💰💲64蝦餅炸到好香脆，彈牙多汁，沾埋泰式甜酸醬仲惹味。​🍊🍹凍橙梳打+💰💲12果味濃郁，唔會太甜，帶啖啖橙香。🥥🧊椰汁冰+💰💲12入口順滑，口感細膩，椰香味濃郁清甜。食過幾次，水準都keep到，唔錯。

上次因為星期六既關係太多人,所以今日專登請假一早入荃灣行城門水塘,行完之後當然要去搵野食醫下肚啦,見到佢門口個menu寫住下午茶啲湯粉麵包$40,仲要有野飲,咁啱我又想食啲濕濕地既野就啱晒喇,轉飲特飲都只需要加多$4,抵到呢我叫左碗香茅豬扒河加珍多冰,朋友就叫左碗牛肉湯河,碗湯夠熱,最怕出去食湯粉麵既湯唔凍唔熱架喇,河粉夠滑,塊豬扒就不過不啦,都無話好大陣雪味或者梳打粉味,整體水平算係中上啦,野飲就認真一般喇我地都唔夠飽既關係又叫多左份粉包,都係好抵讚既係好夠熱,連隻碟都係熱既,不得了如果啲河粉既份量可以多番少少咁就好喇

因疫情關係，好耐未去過食越南河喇。今日去到越棧令人好想去越南旅行，剛好不用等位就可以入座。餐牌有唔同嘅餐，本來好想食檬粉，因為怕喉嚨太乾，所以我就揀咗佢哋好出名嘅生牛肉河，生牛肉湯河個湯底餚制好入味，薄切生牛肉就一片片放係上面，入面還有洋蔥同蔥花，由於係生牛肉，所以唔會太熟，鍾意全熟嘅朋友要將佢放去湯底入面，等一陣就好快熟。另外，奶茶香味濃郁，有濃茶味整體係幾抵食，而且質素令人好滿意

下午茶時段，經過越棧。食番嗰下午茶餐先。今次唔食湯粉食粉包。－碟有三個，上枱時成隻碟都熱辣辣。包上灑满了花生碎，炸蒜碎，蔥花，包内餡料有木耳，紅蘿蔔，粉葛，冬菇，少量肉碎，整體來說係素包。粉皮厚度適中，夠滑。蘸上酸汁食很可口。粉包形狀四四方方，粉量十足。我覺得像港式腸粉，只是形狀不是長形，加上配了奶茶不是中國茶，確實係越式食品。

好耐沒有去食越南檬粉，今日去左越棧食越南餐，呢度雖然唔係太大空間，但係勝在位置方便。餐廳有水供應，今次叫左雞翼檬粉及豬扒檬粉，有一樽檬粉汁跟檬粉一齊送上。雞翼有4隻，都幾大隻，而且配上其他紅蘿蔔絲、香脆蒜蓉、青瓜絲等。混合起來，再加個汁撈埋就非常好味。豬扒煎得好香，味道唔錯

系荃灣買完野行到攰攰地，經過呢間越棧入去坐下叫返碗湯河。分別叫左一碗豬扒河，同生牛肉河。份量夠大，好滿足！而且下午茶仲有野飲送，特飲加$4。佢地依傢新出左啤梨水果茶特飲，想試下新飲品都唔貴。

本身呢間野上菜慢都慣，每次都要等至少15分鐘，點知佢越嚟越難食😪香茅豬扒都冇香茅味，又勁鹹，食到唔想食😑 食食吓唔對路，見到有d啡色嘅野浮下浮下，撈佢出嚟發現係曱甴🤬🤬🤬🤬🤬🤬🤬🤬嬲撚到我pk

今天遲了下班，同家人去了綠揚坊~越棧，只是簡單吃碗麵便算。不算太多人，可以輕鬆些進餐。我們點了特別牛河，名字好過癮，原來是雜錦牛配料，包括生牛肉，牛腩片，金肚絲，胡椒牛扎肉，湯底好清淡，不似潮州粉麵的牛腩湯般濃郁。香茅豬扒湯檬，豬扒大份厚切，湯檬配九層塔等雜菜，好滋味。香茅豬牛串燒，燒得好惹味。整體上食物都偏淡口，不會好咸。對清淡的人口味最啱。

噚日（10-8-2019 Sat）晏晝，同老公拎電腦落荃灣，順道食個lunch先，天氣翳熱，唔食熱嘢喇。老公又記得有呢間，於是食呢間。等一陣就有位，由於老公唔太餓，我哋都唔叫二人餐，散叫吧。要咗:1. $52.00嘅牛脷扎肉撈懞份量唔少，牛脷味道濃郁，扎肉同懞粉都正常。2. 加$12.00嘅鹹檸七老公飲，我冇試到。不過老公話汽水唔夠氣。3. $28.00嘅班蘭青檸梳打原來班蘭變成飲品會有啲怪。4. 加$8.00嘅生菜正常冇問題。5. $54.00香茅串燒6支要豬肉同雞肉，沙爹汁另上，豬肉口感扎實;雞肉比教鬆軟;沙爹汁唔辣。味道係3.6分服務:唔錯，有禮貌。抵食係2.5分其他:原本喺門口見到有餐牌有二人餐，但坐低後俾嘅menu係冇。

周末不做飯，晚上涼快些就出門吃晚餐。綠楊坊有幾家吃過了，反而越棧未吃過，這個時間又不用等位，正好。店近鋼琴鋪那邊，挺大的，20張枱吧。我們點了特別牛河配熱檸蜜，豬、牛串燒。特別牛河掋食，64套餐價有杯飲品。配料有生牛肉，牛腩片，金肚絲和胡椒牛肉，光聽就知豐富。喜歡吃生牛肉因為上枱時是生的，泡在熱湯裏，過一會才熟，還是剛熟的狀態，最好食。牛腩片很軟，口感一流。金肚絲有很多，碎碎的。串燒燒的剛好，不會黑黑的，牛豬燒過後很有嚼勁，跟湯河很大對比。最後的檸蜜甜度適中，正好。

我在這裏吃了越南春卷撈朦，它的朦粉不夠凍、不爽唔好味同撈朦的汁不好吃，加上越南春券炸得太儂來時買相好好，這一面好完美，可惜另一面好濃同黑，吃落有苦味！另外金錢肚絲湯朦，金錢肚絲少得可憐！胡椒肉卷太多胡椒，好勅，總之不好吃這間越棧買相還可以，味道真是差