海港酒家 (淘大商場2期)

Open Now

Now Closed

🍴 西蘭花炒帶子珊玵蚌 $168 (7/10)象拔蚌都好爽口，西蘭花都啱啱好熟，帶子好滑唔腥！🍴脆皮乳鴿 2隻 $108 (7/10)乳鴿都係即叫即炸，肉質唔會太老，正正常常！🍴蜜味欖角骨 $128 (7/10)即叫即炸，肉質都唔會鞋口，甜甜地，欖角味比較淡，ok嘅。🍴馳名燒鵝皇 $258 (7/10)係凍嘅，個皮已經唔脆，不過肉質比較紮實，都有燒鵝味道。🍴上湯焗澳州龍蝦伊麵 $398 (7.5/10)龍蝦係新鮮龍蝦，肉質彈牙爽口，伊麵都剛剛好，上湯嘅味道就唔會太腍。🍴鹽燒大頭鮑魚 $48一隻 (6/10)椒鹽味好濃郁，偏鹹，鮑魚肉質都爽口彈牙夠大隻！🍴黑松露滑蛋蝦球 $138 (6/10)有黑松露嘅香味，炒蛋都唔算好滑，但蝦仁都幾爽口！🍴海港小炒王 $128 (7/10)炒得唔算乾身，入邊有韭菜蝦仁燒肉豆皮，味道剛好都正常嘅！推薦指數: 7/10正正常常冇驚喜，亦都冇失望，中間酒樓質素！

路經見有海報宣傳長腳蟹堂食每斤258元，於是約屋企人一齊品嚐。呢隻長腳蟹有4斤左右，蟹膏都算多，最啱撈白飯食，蟹肉實淨兼夠鮮甜，很不錯。呢碟西蘭花班球，班片大大件有魚味，西蘭花夠翠綠，味道唔錯。呢碟燒雞賣相吸引，皮脆肉滑，味道適中，唔會過鹹，都幾好味。食飯点可以冇菜，叫咗碟椒絲腐乳通菜，份量都幾多，夠哂鑊氣，味道都 ok。

都係決定俾多次機會海港，生日飯都念念不忘佢哋嘅長腳蟹，好在今次都冇令我失望。今次一早訂定隻五斤左右嘅長腳蟹，四個人食啱啱好，肉質結實鮮甜無比，蟹膏用一個碗承載着，另外喺碟底又有一整盆白色嘅蟹膏又係非常鮮甜。另外每次去海港都必定要嗌嘅就係鹽燒南非鮑魚，肉質彈牙爽口，鹽燒夠晒香口野味，送酒一流👍金瑤扒豆苗就老咗啲，可能未係時候食豆苗，至於個花膠螺頭湯就中規中矩冇乜驚喜。另外見到隔籬枱炸子雞非常靚仔，一望來就知皮脆肉嫩，可惜太飽冇叫到🥹

話說今日阿媽想飲茶，所以一行三人就去海港酒家飲茶，由於星期六關係等位係必然嘅事，點知今次前後不用15分鐘已經可以坐低叫嘢食😊老媽子同老婆都鍾意食鹹魚雞粒炒飯，所以叫了一個孖寶加蜜汁雞中翼，點知鹹魚雞粒炒飯非常失望，幾乎完全找不到鹹魚而且雞粒咬落又乾爭爭，反而蜜汁雞中翼有驚喜，一咬落去蜜糖味加雞翼嘅鮮味湧入口腔嘅味蕾，非常正👍，另外鮮蝦燒賣王都係極之出色，鮮味無比。最差嘅係碧綠帶子腸，幾乎搵唔到帶子而且冇海鮮嘅鮮味同埋腸粉太厚，失敗。秘製麻香豬手都好入味麻香味十足抵讚，濃湯浸唐生菜正常。

趁住放假帶屋企人來試試新口味本來朋友介紹話有七折，但係去到發現原來平日先有，紅日同公眾假期係正價。唔緊要都去到左，同埋真係好多人排隊，點都要試下。飲茶來來去去都係點果幾樣。流沙奶皇包：唔知幾時開始流沙包已經全部黑化，但係完全唔影響佢細膩綿密的口感，流沙包要趁熱食，流沙真係夠流而且唔會太甜，好好味叉燒腸：腸皮度度都差唔多，最緊要係個豉油，少少鹹，少少甜，少少香，加埋就係好正的腸粉醬油，食完又叫多碟雪山叉燒包：樣唔靓，大細唔均勻，皮好酥脆，總體不過不失，普通紅米糯米雞：糯米雞可能用高壓鍋蒸，成條總軟到爛爛哋，味道幾好，但係口感太軟，可能比較適合老人家炸紫芋丸：外皮酥脆，但小朋友覺得好硬食唔到，裡面的紫芋蓉…好少..麻麻哋鹹魚雞粒炒飯：飯好乾身，一d都唔油，鹹魚味較輕，少少西蘭花莖粒，味道偏淡，比小朋友同老人家食啱啱好如果平日食有七折都幾抵食既～

今天相約兩個好耐冇見嘅好朋友出嚟食飯敘舊，選擇酒樓係因為可以坐得耐啲傾偈😜今次揀了最近食過幾次都有高水準嘅淘大海港酒家，點知今次非常失望😩😩我哋隨便揀了幾個孖寶分別有龍躉兩味（炒球及蒸頭腩）脆皮醬燒雞，馳名燒鵝王配蒜蓉粉絲蒸元貝，再叫個濃湯花膠煲螺頭飲下+多個清炒芥蘭。最失望係佢哋最出名嘅燒鵝睇圖都知擺咗好耐咁個皮淋林姐姐好似煲完湯拎出嚟嗰啲肉咁，其次最失望嘅係粉絲蒸元貝，賣相已經唔靚仔再加上蒸過龍同埋調味過鹹，真係失敗，龍躉球炒得過咗火有啲實，芥蘭非常唔老勁多渣，唯一唔使鬧嘅只有個脆皮雞同埋個湯。

呢個套餐標價大約2500至$2600 ，不包飲品，8位用。當每個人 around 400, 其實有咁大隻蟹食，其實我覺得抵食😋講返隻蟹先，一上枱時，感覺好amazing，真係超大隻，超多肉，真係要人多先食得晒，蟹蓋有膏，加咗蛋白一齊蒸，等啲蟹膏唔好流失，一句講晒總之就正一齊蒸，等啲蟹膏唔好流失，一句講晒總之就正！另外有個望落去好搞笑嘅紅色波波，其實係蝦膠入邊包住帶子，個樣幾趣怪，蝦膠彈牙，都好好食。炸子雞不失水準，呢啲酒樓一日咋，幾白姐，正常順滑嫩口嫩口。最後個鮑魚鵝掌，鵝掌入味，而且超林，入口即溶，好食。下面係娃娃菜墊底，如果係生菜會超正！

疫情非常嚴峻, 但係年初一除非不在香港, 否則一定要去母親大人處拜年, 拜完年後就一定去酒樓食晚飯, 但今年禁晚市堂食， 唯有去食午飯， 一早睇啱咗呢個午市商務全包宴， 六個人只係$1380 價錢都算唔貴。呢個上湯焗澳洲龍蝦伊麵賣相都唔錯，龍蝦肉幾爽口， 汁夠多， 味道唔錯。拔絲咕嚕黑豚肉個汁好醒胃， 啱啱好做到掛汁效果。 翡翠帶子炒珊瑚蚌火喉啱啱好， 西蘭花翠綠， 帶子同珊瑚蚌都好好味。金瑤扒豆苗， 瑤柱望落去以為好多， 其實夾雜咗金菇， 但味道都幾好。 至於個脆皮醬燒雞， 雞皮脆肉滑， 唔需要點個醬都夠味。清蒸金花龍躉斑， 都算幾大條， 蒸得啱啱好， 肉質都夠滑。臘味糯米飯色水差少少， 但味道都夠， 飯夠乾身唔會黐埋一舊舊。原隻鮑魚燒賣賣相一流， 唔算太多肥豬肉， 味道唔錯。水晶蝦餃皇只係一般水準， 至於個紅棗糕因為冇食到不能下評語。總結： 大年初一日子收咁嘅價錢算抵食， 況且份量都好足， 味道都唔錯！

住喺九龍灣嘅朋友介紹我要飲茶，一定要去，淘大商場三期嗰間海港酒家樓底高，富麗堂皇，氣派十足佢哋話這裡以前是一間戲院，以前有兩層，依家做酒樓一層過，所以樓底特別高，坐得好舒服好有氣派，仲有就係，咁多間海港酒家，嘢食最好食係呢間我哋走咗去試下午茶😂，好離譜，紅燒乳鴿配埋一碗米線竟然係$38，而且仲好好味，掛住食其他食物都唔記得影相添🙆🏻‍♀️，薄撐牛仔骨鮑魚燒賣蝦餃王⋯⋯太多嘢食啦，啲嘢食太好味啦，真係多謝啲朋友介紹，好

📸 海港酒家松葉蟹限定外賣優惠$298(1.5-2斤)💛7.5/10如果淨計蟹蓋我會比10/10🤪🤪蟹膏味好濃又多本身都驚拎到翻屋企凍咗會唔會腥 點知完全無蟹腳都算多肉 但比較痴殼同平時凍食既松葉蟹唔同拆既時候要花多啲心思同埋無凍食咁咸重口味既朋友子可能覺得味道偏淡但餐廳方面都好貼心提供咗2款醋 陳醋同淅醋陳醋食落似加咗小小玫瑰露淡淡香氣 沾完又唔會蓋過蟹既鮮味分店好似每日有限量但貼心地提供網上落單平台揀好時間地點 夠鐘去拎就ok今日早咗上去拎訂咗6點 5點半已經有得拎懷疑餐廳係一口氣蒸好唔同時間既蟹5點半拎最好🥶 唔係就會凍曬夏日炎炎 熱食最好唔好放室溫太耐#海鮮關注組

今天和家人聚餐，選了在九龍灣，致電多間食肆，均說分兩輪，限時1小時半，覺得親友聚餐會時間太短。淘大海港卻沒有限時，所以二話不說立即訂座。下午六時半到來已全場爆滿，很多都是大枱。可能因食肆剛解封，可八人一枱，大家都出來聚一聚。今天叫了燒味和幾個小菜，乳鴿$88兩隻，算是抵食，炸得香脆。燒味雙拼選了叉燒和燒腩仔，份量真的很少，而且個人覺得偏肥叉味道太濃。燒腩仔不是很脆。水煮牛肉都算大碟，但非常辣，只有辣而沒有什麼香味。西蘭花帶子珊瑚蚌水準尚可，不算難食。花膠珍菌千層腐皮正正常常。全晚比較好食的蟹肉蝦球伊麵，汁多而且蝦大大的，沒有太大雪藏味。

屋企人好鍾意去海港食長腳蟹，前前後後都去過幾次，所以對啲食物質素都有個底。總體嚟講不算太出色，但係對比起同等級開酒樓嚟講已經算不錯。長腳蟹食落係幾新鮮嘅，啖啖都係肉，不過啲蟹膏就一般般了。唔知點解啲蟹膏上到嚟係液體狀，而且味道帶苦，鮮味都唔係好突出，隨後成檯6個人都冇食曬啲蟹膏。但係我諗食長腳蟹都唔係為咗啲膏，只要蟹腳夠出色就足夠。相信大多數香港人都覺得海鮮清蒸先係王道，但係對我嚟講鮑魚就唔係好適用於呢個規則。食過幾次陳皮清蒸鮑魚，除咗陳皮味之外只係食到一塊膠狀物體，海鮮味都不太多，所以我個人一直不太喜歡食清蒸鮑魚。但係呢個椒鹽鮑魚改變咗我對新鮮鮑魚嘅睇法，椒鹽調味固之然惹味，而炸的做法令鮑魚口感恰到好處：有小小咬口但不至於太韌，從未想到原來椒鹽才是我心目中最佳作法。只可以份量較少，一人只可以吃到一隻。呢味臘腸炒芥蘭亦算不錯。芥蘭爽脆又冇渣，輕輕裹咗一層粉但又不覺厚重。整碟菜充滿臘味獨有的香氣，再加上濃厚的鑊氣真係十分惹味。呢碟黑椒豬手好似係隨套餐的，同檯都一致好評，但我卻覺得呢碟菜同其他菜式有點格格不入。黑椒味太重，加上厚重的汁，影響了食長腳蟹時的感受。以菜式嚟講佢係完全冇問題的，只

今日2021年12月11日， 原本開開心心約了一家人一共15人去淘大海港食晚飯， 一早已落了500蚊訂，book了六點鐘， 未到六點我們已到達海港酒家，剛好可以開始排隊安排入座，我們是第三組被安排入座的，當時安排了兩張八人枱給我們，我們還已經開好了茶，家姐姐夫陸續到來， 後來有個戴眼鏡的疑似部長攞走我們的枱卡去更改枱號，要我們轉枱，我對他說我們是兩枱一共15人，戴眼鏡的部長聲稱今晚人多，要安排將我們這兩張枱畀另外更多人坐，酒樓想做更多生意, 我們都可以理解亦都唯有配合，還要老人家篤著拐杖由窗邊枱搬到去牆角枱坐，但是去到發現只是兩張六人枱， 當時我有表示這只是六人枱，但是戴眼鏡的部長沒有理會我，只是快速的攞多幾set杯碟， 我當時已經發現有問題了，後來更發現原先的那兩張枱只是安排給13人坐，這是什麼理由？ 我再問戴眼鏡部長，為什麼要15人坐細枱，而他們可以坐大枱，但戴眼鏡的部長輕描淡寫的答我收到的是18人，令我有點氣憤，反問戴眼鏡部長睇唔到佢哋幾多人咩？ 他們六個人可以坐八人枱，但要我哋八個人坐六人枱，呢個係咩邏輯嚟㗎？ 佢敷衍我搞錯咗就算了！ 這時候真係有點火上加油的是另一部長(經理

今日放工同朋友一行六人黎食中菜。我地叫左全隻燒鵝，松葉蟹皇，雜菜海鮮煲，安格斯牛柳粒，蟹肉炒飯，一共5碟。首先個松葉蟹皇超級正！啖啖肉又勁鮮味，十級推介。之後另一碟好似係食既原隻燒鵝，皮脆肉多，又熱辣辣，難得地有驚喜，可能平時食開外賣同新鮮食既真係差好遠。至於安格斯牛柳粒就有啲失準，煮得有啲過左龍，啲肉比較鞋身，似擦膠咁。最後個炒飯同埋個海鮮煲都係中規中矩，正常菜式。賣單最後人均$560⋯⋯的確係貴，所以性價比吾高呢。

好耐未咁早起身飲茶😁自從疫情真係少咗，近近地今日去咗淘大海港飲茶，淘大嚟講呢間算乾淨同坐得舒服，經常都坐滿人，職員都算有禮，唔搭枱都好快有位。呢度早市係7:30🕣至10:30🕥我地约9:30來到，一坐低見到早市點心組合(特價$39.8)但每枱只限一籠，當然即刻叫啦！依個set都好味抵食👍每次我地都會叫牛肉腸粉同灌湯餃😋牛肉腸都夠味，腸粉皮都唔厚可以接受。灌湯餃皮都薄，裡面都足料仲有隻鮑魚仔添👍湯都夠濃大至上淘大呢間海港食物都好味👍早市2個人埋單百幾蚊唔算貴！