UCC Coffee Shop (Closed)

咩時段去到都要攞飛等入坐，等左30分鐘，無計啦，附近日式cafe只有這一間。環境食物都好，小朋友瞓左終於可以坐下來休息下，食個下午茶。All day breakfast 有橙汁有咖啡，咖啡好香好滑，可惜好細杯，兩啖飲晒！食物好味嘅，可能人多食物製作比較慢，老公太口渴，將橙汁&咖啡都飲哂先有野食。之後就飲水。可以使用一田現金券消費，儲一田卡積分。

同朋友約左係沙田見面 大家都冇食過哩間 所以一齊試下 服務態度都幾好👍🏻 用QR Code 落單 大家如果食主食記得甜品要後叫 唔係會同時上🤣 ✿ 香蕉朱古力牛角酥窩夫 ✿ [$74]有兩塊牛角酥窩夫🧇 兩個女仔share啱啱好嘅份量 窩夫暖暖地少少酥脆加埋雪糕🍦朱古力醬同埋香蕉🍌一齊食 一流👍🏻 唔錯 可以試下佢啲甜品 ✿ 黑松露醬鮮白菌帶子意大利燴飯 ✿ [$107]同朋友一致認為好一般🫣 得個鹹字 黑松露味唔係好出 米煮得好稔 冇咩口感 不過份量都幾多 帶子幾爽口★好食指數★：6/10★服務態度★：8/10 ★CP值★：6/10★有加一★地址➸沙田沙田正街2-8號新城市廣場第3期L1樓一田超市

點左個牛扒跟沙律，餐廳待應說不能要求熟度，塊扒硬到食唔到。成158蚊，茶記快餐都好過佢。沒有下次，懇請UCC食物監管一下。唔夠冷氣，好焗。我很少寫食評，希望UCC作為出名餐廳保持食物質素。

相信大家對UCC應該都唔陌生行一田行到好肚餓見到UCC就入咗去食😚叫咗個海鮮飯蛋包飯😚🥚賣相都唔錯睇落都幾吸引海鮮都有魷魚鮮蝦蜆肉🥰而且味道都唔錯蛋都偏嫩🤩如果分量再多啲價錢再低啲性價比應該會更加高😙✨

大清早與密友相約，遊走不同地方，目的就是想找一處好地方，談天。看到這間咖啡店，木系設計，玻璃幕牆，看到門窗外景致令人心情開朗。我們點選了精選早餐，加上精緻咖啡都係66蚊，份量也不少。咖啡超吸好味，夠香，味濃。至於炒蛋好滑，蛋味濃郁，可選窩夫或爐麵包，兩者亦十分好味，麵包可點蛋汁，窩夫則有honey 相配，超正。係腸的味道一段，亦有一點硬，失分。下次可以再去一次，選沒有腸的餐，可試吓早晨全餐或蕃茄螺絲粉。

位於沙田的UCC Coffee Shop，交通方便，環境舒適，服務亦不錯，裝潢以日式簡約風格為主。一入去就聞到陣陣的麵飽和咖啡香，好吸引！店裡除了提供高品質的咖啡外，還提供餐點，意粉、焗飯、咖哩飯等，仲有小吃和甜點，是一家提供全套服務的咖啡店。意粉幾煙韌，一點都硬或淋，海鮮及配料十足，醬汁幾香，都幾惹味，份量夠，好味！意大利燴飯賣相好吸引，味道亦唔錯！軟硬度適中，好濃郁嘅明太子香，好開胃，口感唔錯。最最最吸引當然係佢嘅甜品啦，配埋綠茶飲品，一次過滿足我地嘅甜品癮，份量亦好足，好飽！

今日放假，咁岩有d野出沙田睇下，天氣熱朝早食左小小野，都冇乜胃口食午餐。出到黎都已經4點幾，距離食晚飯又仲有幾個鐘，點都要食小小野浪下個肚先🤣🤣🤣係沙田想搵d食小小既野食，都好似冇咩選擇，又想坐得舒舒服服，不過可能星期日，4點幾5點既鐘數，好多餐廳都好多人😅最後誤打誤撞入左呢間餐廳😂入座咁岩仲有週末下午茶時段，叫左個下午茶既意粉，菠菜忌廉蟹肉意粉，份量都真係幾啖食完，味道一般，下午茶配左杯咖啡而我真係食唔落飯意粉，叫左個朱古力香蕉牛角包窩夫😆 係好味既，天氣熱冇咩胃口，食呢d係開胃d

此店位置隱蔽，但假如你一直都未幫襯過，恭喜你，少了受氣的機會。下午2點左右入座，落單提交時間2:18，最後2:45還在催食物，結果2:50一個戴眼鏡男服務員以輕佻態度慢慢拎個餐過嚟放低就走左去，等左咁耐對唔住都無聲，覺得你嚟得幫襯就應份接受你漏單，後面另一枱遲入座的都已經食完同一個餐叫埋單。甜品揀左「叫上」，佢就偏偏一早拎過嚟，女服務員仲諗都唔諗一句你地無叫後上撻埋嚟，我準備比落單紀錄佢睇之時，佢就拿拿林拎走，全間野啲人唔知做緊乜。食物方面無乜特別，蒜蓉海鮮意粉唔夠味，明顯係漏單後趕出貨，其他食品都普普通通，乏善可陳。此店居然可以管理咁差，同以前對此連鎖之印象相距極遠，如果你自問出街食嘢都係想開開心心一餐，絕對唔使考慮此店。

雖然是舊年年尾去是的，但現在還記得很美味。首先用咗啲時間去尋找舖位，在一田超市那一層，問咗幾個工作人員先搵到。每個都給我們不同的方向😅。有啲俾人點嘅感覺😆⋯⋯入座後先知原來舖位比想像中大。卡位很寬闊，坐得好舒服。只係當日後面有兩位大嬸講嘢好大聲😅。食物方面，我們選擇了牛肝菌鵝肝意粉、香蕉朱古力牛角酥窩夫及加$28換一杯UCC招牌咖啡。個意粉很香滑，配埋鵝肝超好味。雖然有少少貴。鍾意食朱古力和牛角酥的朋友們，一定要試吓。誠意推介🥰～

UCC Coffee Shop（Sha Tin）⌖ 香蕉朱古力牛角酥窩夫🧇💰$56賣相已經好吸引 仲要出乎意料地好好食～🤤🤤窩夫擺左一陣都係幾脆 完全似食緊牛角包Version嘅窩夫 有驚喜🤩 唔似平時食窩夫係鬆軟嘅 而哩款係煙韌有口感好多 配Cream同雪糕都好正 讚！！😋⌖ 香草汁蜆肉本菇意粉（輕量）Set🍝🍹💰$68Tea Set跟鮮橙汁 罐裝橙汁貨色 無得期望係鮮榨。。😀意粉質地好特別 比起其他舖頭有一種煙韌爽口嘅感覺 香草汁都好夾 唯獨係蜆肉比較少 明顯係雪藏蜆肉😢 同埋偶爾有沙 嗚嗚～ 但個意粉真心唔錯的 如果再Creamy啲就更好嚕😗😗☻ 回頭指數：8.5 / 10#Fatshit_ami #Highteatime #香港美食 #沙田美食 #食好西 #牛角酥窩夫 #香草蜆肉意粉

日本🇯🇵連鎖咖啡店☕️除左可以比大人慢慢品嘗咖啡外，其實佢地既兒童餐都好唔錯嫁😍佢地沙田分店環境清幽，可以望到戶外樹木同馬路，係我地其中一間拎成日去既餐廳。兒童餐一共有2款，漢堡奄列飯兒童餐（火車造型） 同 肉醬意粉兒童餐 （跑車造型）啦。每一款除左主食外，都會配有唔同新鮮生果，啫喱同果汁，仲有隨機玩具🪀送比小朋友🤗今次小朋友例牌點左肉醬意粉兒童餐 （跑車造型）🤣 因為佢好鐘意鮮艷顏色。肉醬意粉🍝味道剛剛好，唔好太咸，岩小朋友口味。日本🇯🇵青森蘋果汁味道清甜，係佢既最愛🍎而我地點既白汁蘑菇雞肉意大利燴飯同蒜蓉海鮮意大利粉味道唔太濃，大人小朋友都岩食👵🏼👩🏻👨🏻👧🏻 仲可以跟埋套餐飲返杯靚咖啡☕️UCC Coffee Shop (沙田)沙田沙田正街2-8號新城市廣場第3期L1樓一田超市

食物雖然唔錯，但職員嘅態度真係好大問題，疫情前後都冇改過，十足軍訓咁，語氣超冷淡，安排坐位又好有問題，見到2個客人攞住好多嘢都仲要俾中間夾擊嘅二人位，總之成個感覺好唔舒服，如果想享受一餐peaceful 嘅環境，最好另覓地方，集團高層真係要好好作出改善。

去沙田新城市廣場行到攰就想飲杯嘢成個商場最近都係得呢間Cafe諗住坐低飲杯嘢點知飲到成肚氣坐喺最左邊冇冷氣，仲要吹啲熱風又冇得換位不過真係太攰，局住坐低叫咗兩杯咖啡，味道真係好一般冇咖啡香味，個樣普普通通價錢都真係幾貴，不過勝在夠大杯真係冇下次，唔會再去

以前很喜愛這間餐廳有自助沙律吧，不過現在可能已經減少了很多，大角咀奧海城那間不知還有沒有？😂這次晚上貪方便，貪近又不用等位，於是就來了這兒，就發覺人流都不太少。😑餐廳呈L字型，在最內裏的位置，甚至毛沒有什麼冷氣，還需要店方增設風機，才有點冷氣涼風。本身在想叫什麼吃，單點的都是意粉或是意大利粉，感覺好像太少，有沒有什麼特別。看看是日餐牌，竟然有個炸雞卷，可以吃這些卷物，另外餡料又是炸雞，正合我意。雖然是現時晚上，但叫個餐可以有飲料，亦都比較吸引。結果這個雞卷都等了三四個字，卷的外皮軟林得來有點兒脆口，中間的炸雞夠熱湯，總是不算大大嚿肉，不過都有點肉汁，不至於又乾又鞋，肉汁加上有點沙律醬汁，配合這個卷來吃，亦都相當可口。雖然兩條份量看你上來不太多，但其實合併起來，應該多過以前土耳其式卡巴那種的份量，因此即使男子來吃，其實也夠飽的。妻子的意大利飯，相信亦都會因為即煮的關係，極為熱燙，夠熱，意粉又彈牙，質素是相當不錯的。另外想不到，這種日式西式港式西餐廳，百多元的一個意大利飯，竟然海鮮配料很多，青口都有兩三大隻、大蝦都有幾大隻，蝦肉爽口彈牙，味道絕不差，亦都有其他蜆肉，連殼上，內裏的蜆肉也夠大

CAFE晚餐 一杯咖啡一份甜品一碟大蝦海鮮意大利飯大蝦鮮甜爽彈 意大利飯粒吸滿忌廉汁香滑口感似燴飯 入面仲有魷魚等食材鮮味十足忌廉汁唔會蓋過佢既海鮮味道甜品係窩夫配雪糕加水果 飲品配咖啡或奶茶都可以窩夫夠脆口配埋雲尼拿雪糕幾好食的 仲有水果切片黑咖啡夠濃香有少少微苦夠香味Yata Supermarket, L1/F, New Town Plaza Phase 3, 2-8 Sha Tin Centre Street, Sha Tin消費$300評分7/10