同記糖水甜品專門店 (Closed)

食完飯大家提議食埋個糖水先, 甘我地就係廟街附近睇下有乜糖水店啦! 比我地無意中發現同記, 見選擇都幾多, 就比呢張牌吸引左入去啦~~嘩~ 原來入面份meun 仲多選擇呀! 真係花多眼亂呀@@~ 花左幾分鐘大家都終於揀到自已想食ga la~我叫左肚餓鳥 Hungry Bird ($44), 呢個堅大兜, 上面有生果, 黑白珍珠, 西米等, 下面就有黑白涼粉, 都幾好食同滿足, 因乜都有d, 啱晒有選擇困難証既人, 哈哈!! 不過真的好大兜, 如果唔係太肚餓, 最好揾人share會好d!! 朋友叫了榴櫣神山 ($48), 我試過都ok, 都香榴櫣味, yummy~~而另一個朋友就叫了黑白涼粉 ($24), 其實大同小異就是我個個肚餓鳥既下面個part, 即都係好食啦~還有另外兩個朋友都不約而同叫了芒榴戀($39), 一個話都ok, 而另一個話好難食, 話難食個個唔食後, 另外個個就幫佢食埋, 聽完話難食, 搞到我都唔敢試呀!! 不過大家都有不同意見, 我都唔肯定好唔好食啦!!

係宏發食完煲仔飯就轉戰甜品，友人話帶我去吃甜品，沿路就碰上同記，見無乜人就入呢間啦！我雙眼發亮！！但來到了同記都係一個美麗既誤會，因為後來他說他本來是想帶我到貴花甜，但他記錯了～沒所謂～反正都吃到我恨了很久的芝麻糊，還配上我喜歡的花生湯圓！他就點了中式甜湯拼盤，可以係所有中式甜湯中揀三樣，好抵，我都可以黐少少嚟食。 芝麻糊($26)很香很滑很幼細，但不是自家製的，也不夠熱，而花生湯圓也是現成急凍的，一般般啦～但至少我覺得比筲箕灣翠苑好吃好多。 家甜囍事甜湯拼盤($31)擺盤西式，好靚，匙羹細細好可愛～他就選了喳咋，紅豆沙和海帶綠豆沙，不夠熱，紅豆沙起沙而色澤濃厚，吃下去紅豆味被濃濃陳皮味蓋過了，我不喜歡，但他愛極了；綠豆沙稀了點，甜了點，也有起沙，挺好；喳咋是紫米露底，第一次吃，家裡都是純用各種豆來熬煮的，跟這裡不同，也是稀了點，豆挺好吃，配上花奶都無得輸，主要死因都係唔夠熱。 店面得一個女店員，服務周到，笑容可鞠，態度認真，相反廚房個哥哥就做嘢那西，都係女店員幫忙執手尾先出得餐見人，俾啲心機做甜品啦哥哥仔！

其實今次呢遍食評, 真係考起我喇!!!因為佢地D糖水平平無奇, 不過不失....可說是合格之選, 食完廟街既熱氣野, 嚟呢度食過糖水抖下坐下, 都OK既價錢大眾化但講到最值得寫、最深刻, 就係醉雞翼因為出黎好夠凍, D汁好香酒味最重要, 佢精髓.....肉質滑身囉

突然甜引起，食完晚飯就黎食下糖水。聽講呢度嘅椰皇好出名，咁就食呢樣啦。原個上賣相唔錯，打開燉奶椰肉都放到滿滿的。燉奶香奶夠火候，椰肉充滿椰香，清甜不漏，沒有死甜，整體感覺不俗。環境服務一般，至少沒有趕客嘅感覺。

今晚在油麻地有活動出席，兼且早到又要買禮物，故此買完禮物就去甜一甜。行經同記糖水甜品專門店，雖然是小店，但卻又企理，走了入去坐下，歇一歇腳，看看餐牌，很多甜品名字都很面善，不過都是傳統糖水,怛也有涼粉粉等甜品。芒 Chi Chi 令在下想起一個公仔的名稱呢！其實這甜包含了三款甜品，全部都是以同一芒果造出，這也是在下情有獨鐘的甜品之一。當中有芒果布甸，芒果柚子西米露及芒果新地。芒果新地以一個芒果雪糕配上可可麥片和百力滋餅乾，除了雪糕香甜外，其他配料都很脆的，至於布甸，未算太滑，有點結實吧。芒果西米露以芒果汁做底，加上忌廉和柚子肉和芒果肉，都幾豐富。整個甜品裡的芒果，都幾清甜。今個甜品雖然細小，但是可以一次過滿足三個，實在抵食呢！

跟男友吃完拉麵，再去嘗甜 寒冬裡一看餐牌，兩口子同時被「海底椰椰皇燉奶」吸引，於是毫不猶豫叫了兩盅。原隻椰皇新鮮蒸起，可刮出少量椰肉。可能季節不太當做，椰香比較淡薄，椰肉也沒有味道。頂層有少量海底椰粒粒，新鮮爽口。燉奶質地滑溜，奶味濃郁，但甜度可以稍為調高。外面的椰皇至少要 $40，這裡只賣 $28，確是頗抵吃的，但味道仍有進步空間。環境不錯，吃光光後看了一陣電視，店員也不會催促結帳

我不能說我是椰皇燉奶的專家，可是我的確吃過很多很多家甜品店的椰皇燉蛋，而以價錢來說，賣$28一個的燉奶的確很便宜，最重要是水準並不差。某天看到有雜誌介紹這裡的甜品，其實新開的甜品店，如果我知道有椰皇燉奶賣的話我都會去試，因此某天晚飯過後我就和鬆弛一起去試試看。甜品店雖然在熱鬧的廟街，但當日客人並不多，店子很小，只有十多個座位。一坐下就先點燉奶，而鬆弛居然又點了他以前很愛吃的楊枝甘露，其實他己經很久沒吃過了，因為他並不喜歡椰奶，但大部分的甜品店都會加入椰奶的，而在詢問過店員之後，發現原來這裡是加花奶的，所以他就毫不猶疑點了一個。椰皇燉奶雖然賣得平，但並沒有縮水，裡面加入了一些椰果粒，其實只有燉奶就夠，因為椰果的咬口反而會阻礙我去享受燉奶到底有多滑溜。燉奶不單止滑，而且奶味也算濃郁，以這個價位來說絕對是超值。楊枝甘露。加花奶的楊枝甘露我好像也是第一次吃，芒果汁底夠甜，加入花奶增加幼滑感，又不會如椰奶般那麼甜，味道是不錯的，可是一大敗筆就是那些西米，沒有完全散開，黏成一大坨，賣相不好，吃起來口感也差，這方面要好好留意。今天有點飽所以只能吃兩款甜品，看到餐牌上還有不少自家創的甜品，價錢又不貴，

油麻地開了一間新的甜品店,環境不大.但相當企理,用紫色為主的設計,店內相當衛生,2名店員也有禮,有效率.就算沒有客人也落力清潔.店內產品有中式糖水.西式也只是涼粉.雪榚等,選擇不是太多椰皇燉奶:28元.當然不大,椰肉也少,不過一打開香氣撲鼻,又不會水汪汪.椰果肉在面,賣相同口感也增加.加上,熱燉奶很香,很滑,入口不用吞.味道仲很濃,非常好食..其實仲有雞翼,魚旦小食..但在糖水店我應該不會叫.

除左傳統糖水，有時總會想食非傳統野，今次試左廟街呢間。芒果雪糕西米露，西米露西米夠多，椰汁都好夠味，唔會係椰水。加舊雪糕多個味，味道頂多係D字頭水準，是正常味道。朱古力雪糕豆腐花，豆腐花偏向硬身，豆味都麻麻地，唔多OK。雪糕同上面一樣，都係正常味道。Hungry Bird，係店方推介，其實只係咩都有，整兜野只有一個感覺，就係大件夾抵食，食完飯黎食真係攪唔掂，味道就都係咁啦。這類型既糖水，味道真係唔會相差得好遠，都唔會有太大驚喜，其實一般水準都係正正常常，仲想點呢！！！

三月二十四號晚去灣仔聲援學聯的行動，離開的時候都已經十一點多。與朋友一行三人便到油麻地覓食。先食了煲仔飯再到同記食糖水。十二點幾了，但人還是挺多的，於是我們坐到店外。點了一個椰皇燉奶，挺滑，也不會很甜，椰子看上去也燉了挺久的。最後還把椰子肉挖出來吃完

夜晚行返酒店想食甜品，咁啱路經同記。叫咗一個芒果西米露同一個雜果紫米露。芒果西米露還可以。但係雜果紫米露可能因為係凍嘅，d椰汁浮面、而且d雜果唔甜。不過櫃台嘅靚女笑容幾好，人都幾nice。加分

燉椰王超好味！材料新鮮足料，有海底椰肉，夠熱，味道口感恰到好處。焦糖燉蛋，面層薄脆的焦糖，下面是極滑的法式燉蛋，一起吃味道口感一絕，一句講哂，正！價錢平，坐得都幾舒服，好想試多機樣睇下係咪都係咁正，但之前食太飽唯有下次！

當晚跟幾個朋友仔到廟街吃馳名煲仔飯，吃了好幾個小菜及煲仔飯後，餘興節目當然是搵甜品食啦！ 一行5人行行下見到一間新䦕的甜品店「同記」，我地見間舖都裝修得幾靚幾乾淨，所以就衝曬入去食。我當晩點了一款「海底椰燉鮮奶」，一打開已聞到一陣海底椰的清香撲埋嚟，原來他們放了海底椰肉鋪面，之後再吃熱騰騰的鮮奶，很香很滑！令我感到好似皮膚即時滑左咁！呵呵～ 跟住見到朋友的椰汁紫米露，朋友試味後亦說味道很不錯，那些紫米和椰汁都很香，亦不會太＂傑＂身呢！我地已經計劃定下次再嚟回味一下！