唐包點 (Closed)

某日返工經過香港站嘅唐包點，見到門外擠滿客人，加上天氣寒冷，就心思思想買熱辣辣的包點返工做早餐啦！唐記就食得多，第一次幫襯唐包點，原來餐牌選擇都幾豐富！有蒸飯、點心、蒸包、粥品、各式飲品等等，早午晚餐都可以喺度搞掂，所以我都一次過買定多款食物作為OT的早午晚餐鮮竹卷$17嘅鮮竹卷質素不錯，嫩滑的腐竹皮包住豬肉、馬蹄、雜菜等等，味道同口感都好豐富皮蛋瘦肉粥皮蛋粥係獨立預先包裝好的，瘦肉同皮蛋嘅份量都幾多，仲有少許腐竹，使到個粥底有腐竹香菜肉包菜肉比例啱啱好，有豬肉香又有菜香，感覺幾健康叉燒包餡料份量都幾多，叉燒甜甜鹹鹹的，肉質香軟香菇雞包雞肉好嫩滑，帶有陣陣香菇味，好味道哦！番薯包麵包內餡的番薯茸用新鮮番薯製成，香甜又軟滑，充滿番薯香香芋包我個人最喜愛嘅就係呢個香芋包！粉紫色的蒸包外皮鬆軟熱辣辣，裏面包着滿滿的芋頭餡，好粉糯，甜度唔高而且有芋頭香，芋頭控一定要食！北菇滑雞飯本來以為滑雞只有幾舊，點知一打開蓋有驚喜，係一大餅滑雞件，份量好多，中間仲有粒鮮冬菇添！滑雞件已經去皮，好嫩滑，加左薑絲一齊去蒸所以帶有少少薑味，好好味呀！底下仲有滿滿的白飯，作為午飯一定夠飽肚地道烏龍茶惠顧任何產品+

在阿女生日前一日的下午拎咗假帶阿女去AIA玩，之後去埋迪士尼，阿女本身在家中吃了午餐才會合我，我為咗方便就決定買外賣到附近的地方食，順便買埋入迪士尼樂園前食的點心入我自備的燜燒壺內~~~呢間店近郵政總局和AIA果邊出口，真係好便~~~呢度的保溫櫃好多靚圖~~~我就點咗雞扎和鮮竹卷入燜燒壺內，不過我個人覺得呢間店係好方便人去買外賣帶走，但本身支持環保的我就覺得浪費咗好多塑膠>.<好在D點心去到晚上食都好夠熱又好食，阿女超愛食腐皮，而我就食裡面的雞肉和芋頭個香菇雞包用紙包住~~~糯米雞又係用個盒，不過比較幸運係我比較容易keep返來用~~~我就一個人拖住阿女到天星碼頭食住個糯米雞，裡面有隻雞翼，蛋黃分咗俾阿女食我和阿女分享個飽，阿女拎支豆漿慢慢飲，而我就飲黑豆漿，飲落味道OK唔太甜~~~整體來講食物味道算是不錯，可能因為中環呢區的客人需要快和方便，所以食物係預先包好曬，如果可以有部份係可以俾食客自備餐盒買就更理想~~~

喺中環打工真係好愁食飯食乜好尤其係呢個高租金地段 啲野食真係相對貴 有啲公司飯鐘有成1.5至2小時我仲要得1個鐘 真係慘無人道好彩中環地鐵站閘外有一間唐包點真係我呢啲窮文員嘅恩賜！行15分鐘過去都係為左佢個飯咋佢淨係做外賣生意啲膠袋膠兜質料都幾好 通常我都會返用 環保少少今次揀到北菇滑雞飯正呀 嗰日早左一個鐘食飯先食到咋正常黎講過左一點就賣晒我就會揀章魚肉餅飯杯奶茶係我喺公司沖嘅 個飯好靚 雞件好滑 唔太肥啱啱好 好鮮味有少少薑絲 好醒胃啲飯好靚 我鐘意食硬身啲嘅飯 佢完全係理想 每粒飯粒俾薄薄一層油包住好正 完全做到靚盅飯嘅效果仲要只係25蚊 教我如何不愛它

自從上次發現咗有咁抵食嘅午餐😍，我就介紹咗Mary去食，原來香港站都有一個唐包點😳，佢同唐記包點有啲唔同，佢冇咁多中式點心食。但係佢有一啲茶餐廳食到嘅飯🍚，例如咖喱雞🐔，豬軟骨🐷，魚香茄子飯🍆。 有少少唔同嘅路線。但係兩個都係咁抵食❗️所以今次我就陪佢去呢間食🤤。⭐️蒸菜肉包🍞⭐️咖喱雞飯🐔🍚個咖喱雞飯唔錯，咖喱汁夠辣同油，雞肉亦都好多。⭐️足料糯米雞🐔呢個每次佢都會食，入邊有超多料。有臘腸、雞翼、叉燒，仲有好多。糯米雞個味道都好食！⭐️燒賣🦐有幾次想食都食唔到，因為賣晒，😍今日好好彩，有幸食到。怪不得成日賣晒，燒賣又大粒又好食。🤤

早前食係唐記左個快靚正晚餐，今次買個快靚正早餐返公司同同事一齊食有蒸包有蒸飯又有點心再次一讚唐包點既速度基本上嗌完比完錢就已經有得拎包裝幾好，有粥都唔會倒瀉又方便拎Yeah~開餐$7.5一個我就每次食都係食叉燒包足料糯米雞($25)唐包點咁多樣嘢入面，我最鐘意就係糯米雞唔想晨早流流食個蒸飯咁誇張，但食個包又怕唔夠飽，所以糯米雞係我首選入面真係好多料有成隻雞翼係入面又有啲肉碎啊咸蛋黃啊冬菇依啲成個糯米雞都幾夠味豉椒鳳爪 ($17)夠惹味，底下仲有蘿蔔燒賣 ($17)皮蛋瘦肉粥 ($16)好大碗有時唔想淨係咬個包，但又懶唔想特登行去買早餐可以地鐵站買到咁多嘢食，真係快靚正

今朝番工行過港鐵站時已留意到唐包點新出左熱辣辣既糖水，午飯時間立即約個同事去搶先試。一如以往，每人叫左一個有汁既飯，因為汁多送亦多，仲要係勁多肉，加埋個pack到實一實既白飯，真係份量十足。我就食魚香茄子飯，其實本來係想食蒸飯，但我最愛既豉椒排骨飯賣晒！不過塞翁失馬，焉知非福，個魚香茄子超級香，而且有好多肉碎，真係好適合撈白飯食。同事就試咖喱雞，佢話天氣凍凍地食住呢個有些少辣既咖喱汁，非常下飯，個人即時暖笠笠！d咖喱汁仲多到可以再撈多一碗飯呢！見到點心忍唔住口嗌左一份黎share，食落竟然唔乾，蝦肉亦唔會好爛，真係好好食。下次要試埋佢個招牌鮮竹卷！呢個係今日既主角！佢一共出左兩款糖水，分別係腐竹雞蛋糖水同蕃薯糖水，兩款我都好喜歡，最後揀左腐竹雞蛋，貪佢夠滋潤！入面真係有一隻蛋，而d腐竹煲到溶左入糖水裡面，好正！極度推介

因為LUNCH趕住開會既關係,只好係就近既地鐵站是但買午餐上樓食.記憶中香港站有幾間食肆都有外賣,所以就落左去睇下..望望下竟然見到唐包點有蒸飯買,仲要係$25有一盒,..抱住試一試既心態揀左個章魚肉餅飯.等左唔夠1分鐘已經可以拎走個飯啦,真係快!上到樓打開一睇,好驚喜,肉餅望落好靚,而且唔算細塊....味道都好好,d豬肉唔會過肥.會再encore

帶病上班已經感覺淒慘，晨早喉嚨不適只想喝粥，上班時間又有點趕難以自己煲，哪裡吃到無味精的有營靚粥？那天本已打定輸數飲水飽，怎料看到新開的唐包點也有粥，還是無添加味精的！點了皮蛋瘦肉粥，馬上已能拿走，不用等待實在方便上班時間。到公司吃著，尚算足料 ，粥算綿，但真的無甚味道（可能是筆者病了口淡淡吧），吃了幾口就飽了，但已足夠填了肚子送藥，只是$16，抵吧！

上班匆匆來不及食早餐，所以去了新開的唐包點打包了個燒賣回公司食。早上時間人都多，但買的過程十分快速，下單到取燒賣過程不到2分鐘，啱晒趕急的中環上班族。中式來說唐包點不錯，不過略嫌早餐選擇有點少，如果有粥品或腸粉或其他點心選擇會更好！但佢點心得幾款，仲有就蒸飯，朝早食飯又太飽！燒賣大大粒，雖然得4粒，但都算足料，入口都啖啖肉，比起一般的魚肉燒賣，佢真係似酒樓的味道！而且每粒上面都有蝦，17蚊價錢黎講，算係咁。