唐包點 (Closed)

我晚上8:40下班赶着去买包子，到了8:50不到。结果服务员说关门了。我指着营养时间说不是开到9点吗？他说我已经关门了，不卖！这种偷懒的员工，这种服务，这种态度非常令人失望。

近排工作太忙，有時lunch都係買個外賣就算前排聽有個同事話唐包點嘅蒸飯都唔差，今日就諗住去試，比起附近幾間食肆，唐包點人不算多，加上staff好快手，真係忙人恩物~去到比佢個糯米雞吸引左，冇叫到蒸飯🤣糯米雞都幾大隻同飽肚，內有一隻肉淋到脱骨嘅雞翼，醬料唔會過多，時不時過下口引都唔錯🤭始終糯米雞唔係一個非常健康嘅食物，卡路里有啲超標🤣雖然知道已經好肥，但都忍唔住叫多個鮮竹卷🙈不過鮮竹卷我就唔太喜歡啦，鮮竹卷包嘅涵過份濕潤帶水，所以整體鬆散太淋~下次試個蒸飯先哈哈

經過中環站既唐包點，唔單單得包，好多飯款、粥品、糖水既選擇！見佢仲有飯券買，都幾方便香港都市人～開放式既廚房，睇住一個個包得靚靚既包放入蒸爐，整齊乾淨～食都食得放心！足料糯米雞：一打開香噴噴，足料，入面有冬菇，雞翼一大隻等等材料，的確足料飽肚之選，熱賣總有原因既！梅菜肉餅飯：梅菜肉餅夠曬入味，飯都幾綿香，飯份量多！蕃薯糖水：蕃薯好多，甜度岩岩好！食飽飽加個糖水，令人更滿足～香芋包、香菇雞包、菜肉包：同先生都眼闊肚窄，哈哈！好在唐包點既包個個都獨立包裝，我地到夜d翻熱黎食，依然好鬆軟，包面依然光滑，個個包餡料都足料～好味道！蜂蜜紅棗生薑茶：見佢新品$9優惠價試一試，味道好清甜，入面有紅棗薑既粒粒，下次要encore多幾支～

屋企冇飯開🥺就決定落香港站既唐包點買啲蒸飯點心返去開餐😋間野好易揾，一出閘就見到🤪落單既時候見到後面一格格好靚好似locker咁既櫃，啲野食就係放哂係入面，落完單就開櫃執，5分鐘都唔洗就買完走得，啱哂忙碌既香港人🚶🏻‍♀️.🍚鳳爪排骨飯 $27飯煮得好軟熟，排骨都算多肉，再加埋鳳爪同少少辣椒🌶️，惹味又開胃🤣.🍛北菇蒸雞飯 $27雞肉好滑，又啖啖肉，有微微既薑味😆加上雞油滲左落啲飯度，再落埋豉油汁，好正🤤.山竹牛肉 $18牛肉球有三大粒，食得出用料新鮮🤓點埋喼汁酸酸地好開胃😉.鮮竹卷 $18一盒有三條而且都幾大條，入面既餡料豐富，味道同質素拍得住酒樓啲點心😜.黑芝麻豆漿 $9佢既豆漿標榜無添加，採用加拿大一級黃豆，冇改造基因，百分百香港每日新鮮製造😉淡淡既黑芝麻香味，飲落甜度剛好👍🏻好鐘意🤩

今個午餐真係好豐富🥰🥰🥰周圍都好多人就決定去唐記買外賣食我印象中一路以為剩係得包賣原來已經進化到有飯有粥仲要有唔同嘅特飲🥤🥤仲要我叫咗一大堆嘢食$100都唔使鳳爪排骨飯 $27鳳爪同排骨都好入味而且材料好足鮮竹卷 $18同一般酒樓食到嘅味道一樣有外賣方便得多了足料糯米雞 $27無呃人。係足料以前一般外賣都係淨係放喺個袋度呢個有埋個盒番薯粟米粥 $12健康之選，番薯同粟米溝埋又幾好食同埋$12真係好抵蜂蜜紅棗生薑茶 $9呢啲真係好好味同埋呢三個材料都係飲左對女仔好既

今日happy Friday, 為咗今晚早啲收工，決意同兩個同事easy lunch, 所以就再次光顧唐包點😀連續兩日都食唔倒流心阿華田包...天的註定😭唯有要豬軟骨飯、好想試飲嘅蜂蜜紅棗生薑茶、菜肉包、番薯包、香芋包同缽仔糕。包裝設計精美簡單衛生，一打開見到圓碌碌可愛包。包軟熟唔需要講，菜肉餡新鮮有肉汁、番薯包香芋包味道天然、唔會過甜。而晚飯后食嘅缽仔糕爆多紅豆，黃糖糕底清甜，要搵有質素嘅缽仔糕都唔容易。之後一定要試流心阿華田包🥺

🤯今晚煮咩餸 🤯係媽媽們每一日都好苦惱嘅一件事👩🏻‍🦳📞: 我今晚諗唔到煮咩餸🤔唔煮啦😤你放工每樣買啲飯返黎一齊食😉依個時候我諗起「唐包點」, 有汁飯🍛蒸飯🍚粥品♨️蒸包🍞點心🥟糖水通通都有~~地點方便, 香港站一出閘就有一間 📍-🐷秘制豬軟骨飯汁同飯分開2️⃣個餐盒裝十分貼心😌唔洗驚浸到啲飯濕晒, 食幾多落幾多👍🏻豬軟骨亦煮得夠林, 撈汁食飯特別好味~~-🍚蒸飯 (配蒸飯豉油)必食👉🏻北菇雞飯〰️雞肉滑捋捋新登場👉🏻梅菜肉餅飯〰️肉餅幾厚身, 入口亦好滑, 香香嘅梅菜味-💁🏻‍♀️菜肉包黎唐包點又點能夠唔買包😗我就鍾意食咸包多過甜包🤭菜肉包大大個⚪️ 好軟熟▪️餡料足秤❗️-🥤飲品👉🏻黑芝麻豆漿無添加人造色素同防腐劑, 飲落香濃豆漿味又唔會甜, 我鍾意❤️👉🏻揀🍯蜂蜜紅棗生薑茶🍵主要係想滋潤一下~~有甜甜的蜂蜜同紅棗味, 生薑茶一啲都唔會辣口☺️-

夏天早餐食粥係好多中醫既推介，養脾胃。有時想食碗細細地我就會去唐包點佢有碗蕃薯粟米粥，幾推介。佢既蕃薯同粟米唔算好多，不過做早餐就岩岩好啦。佢既粥底唔太濃味，所以好岩我。清清地，特別係早餐時段唔想食濃味野。不過佢會入一包鹽仔俾你，如果真係太淡口，可以自行調下味。唔食粥，有時都會食佢個饅頭。有料既包就少啲食，始終啲料都普遍高糖鹽。值得一提係佢既服務真係好快！！！我岩岩落單俾錢，隔離個人已經包好哂同叫我個number了，效率高！

唐包店現在好像變了便利店一樣， 總有一間喺左近。 lunch唔知食乜好, 又接近糧尾. 同事提議去唐記買外賣. 上次我們都食過唐記覺得都很ok, 價錢合理快靚正之選. 值得 encore! 今天我們叫了鹹魚肉餅飯 ,豉椒排骨飯 ,燒賣, 鮮竹卷 ,奶茶和黑芝麻豆漿。鹹魚肉餅飯 ~ 鹹魚很香口不太咸。豉椒排骨飯~ 排骨嫩滑啖啖肉， 很足料。燒賣~ encore系列之一 蝦大大隻，燒賣彈牙。鮮竹卷 ~ 跟酒樓媲美，食得出沒有味精。奶茶和黑芝麻豆漿~ encore系列2，原來兩款都是無添加很健康， 沒有防腐劑。 真正健康之選~

番工前去唐記買早餐。一出地鐵站就有熱辣辣既包食真係好幸福。除左粥之外，今次我主力買包，因為黎緊都要OT，係公司蒸番熱就食得。本來想買皮蛋瘦肉粥，但係一黎到就話賣曬，唯有轉粟米蕃薯粥（$12），價錢仲抵啲。另外我加$4.5配左冷泡無糖烏龍茶，啱曬怕甜野既我。平時食咁多甜野，飲品就盡量少甜喇。見到個營養標籤真係fit曬啊。味道方面夠曬濃，滿滿茶香，好提神。今次買左兩條凍包（$19/條），分別係香芋包同蕃薯包。另外熱包買左菜肉包、叉燒包、奶黃包、北菇雞包，每個$7.5。

中環lunch 搵食記, 平時如果唔係好願出街食, 都會去機鐵站既唐包點貫蒸飯食, 同同事叫左幾樣唔同既食物share燒賣, Size 唔算好大粒, 但係勝在味道幾好, 蝦同豬肉亦都夠彈牙 魚香茄子飯, 份量夠多, 茄子夠林, 帶小小辣, 好好送飯糯米雞, 好足料, 入面有雞翼, 冬菇, 火腿, 肉碎, 好味章魚肉餅, 食到肉餅同章魚都好彈牙, 肉餅好入咪, 可以食哂成碗飯如果天氣唔好, 太熱又唔想出街, 落黎唐包點買lunch 係一個好好選擇!!

今日同同事一齊去買唐包點，皆因上星期食完有啲念念不忘haha. 我order 左北菇蒸雞飯同新出嘅海鹽檸檬柚子蜜，同事就要左豬軟骨飯同可樂（只係加$4·5），另外我地再買多左2個菜肉包同1個香菇雞包(下午茶or OT)。同事照舊喜歡豬軟骨夠大塊，夠軟腍及惹味，而我就喜歡大大隻軟滑香菇同有微淡薑味嘅滑雞，同埋蒸飯有雞汁滲透飯粒😋同事飯後件即食埋個菜肉包，饀料好新鮮，包身亦軟熟。而個雞包就被我做gym之前食左成為我嘅晚餐:）菇味夠哂香濃同口感十足。一方面希望desk lunch season 快啲過，但係可能心思思想再encore或試吓佢哋其他點心。

Very good and efficient breakfast. Especially suitable for people who does not have time to cook breakfast and need to grab breakfast on the way back to office. From ordering to food collection is less than 1min. It was super efficient. Pricing are super reasonable as well, ranging around 20 to 40 depending on what your ordered. It can Definitely Kickstart your morning well with some clean and fresh food. Special highlight to the rice, it is just as good as those traditional Chinese restaurants.

番工夠哂衝忙😮但點都要買早餐食🥡如果唔係真係無心機無力氣做野😞呢間唐記位於香港站🚉一出閘就見到😉好方便落完單比完錢🤑食物已經等緊你拎超級快有效率👍🏻買完沖番公司一路做野一路嘆🥣早餐買一個蒸飯🍚一個點心🥟買左北菇滑雞蒸飯🐥同小妹最愛嘅燒賣😍都係$45北菇滑雞蒸飯🐣以為細細盅😎蒸飯都幾多下成個飯盒係塞滿哂🤩雞肉全是雞腿肉🍗有4、5塊😆無咩肥膏燒賣一客有4粒🤓都幾多蝦肉

今日約咗朋友去中環大會堂睇表演，我哋搭港鐵到香港站後，想先打打底所以就去咗唐記包點食快飯同買d包點或點心作早餐或宵夜。即嚟叫一個“北菇滑雞飯”，蒸飯快、靚、正，而且不油不膩，清清地，雞肉都好滑溜，份量都十足，加點豉油汁帶點咸點， 三扒兩撥就KO咗成個飯。飲品方面， 始終都係覺得豆漿最好飲，夠健康又有豆香味，每枝9蚊，非常合理。其實唔單只可以買即食包點，仲可以買未蒸好嘅包包回家慢慢整。今次我就買咗香芋包，麥皮饅頭及蕃薯包，當宵夜或早餐食品都夠晒健康同方便。