土司工坊 (JD Mall)

Open Now

Now Closed

吐司工房，久不久也會來一下，價錢不貴，地點就腳，食物質素中上。這裏主打星馬菜，所以海南雞，喇沙，加央多會是首選，絕對不會差到那裏去，坐得又舒服。美祿有意外驚喜，看到都開心。奶茶是星加坡風味，個人感覺一般，叫了走甜還是有糖，侍應生沒有特別留意客人落單說的話。溫泉蛋必叫，以 HKD10.00 可以吃到兩隻，平過去街市買。牛油咖央多好味道，HKD15.00 不會很貴。星洲炒棵條也是好味，不過肉不太多。喇沙味道偏淡，但椰香夠，麵質爽滑，吃得滋味。

突然想食半熟蛋， 毫不猶疑便去了toast box.此店之半熟蛋，個蛋黃永遠都係咁有蛋味，我喜歡一口吸了流心蛋黄先， 然後再把多士點落已加甜豉油的蛋白一起吃。好好味。奶茶己加了練奶，等於茶餐廳的茶走，但其甜度非常適合我，我亦喜歡加少少自携的燕麥糠混在奶茶內，希望可通下血管。

從外望間舖裝修得尚算企理，於是試吓星加坡的海南雞飯，雞脾加$8，套餐有菜但改了豆腐，鷄同豆腐看來好食，但食一件雞淡而無味，肉質梅梅地，豆腐是豆乾又無味，同學滷水咁嘅顔色，得個樣，無呢味道乾爭爭。另一朋友叫餐肉麵，麵生勾勾，好似味煮過咁，硬骨骨，湯又唔熱，叫廚房再弄過一碗麵，但都等好奈先補來，催促下先來。

以前很少吃海南雞，總會覺得它跟白切雞相似，沒什麼特別，亦因為曾經在一家主打海南雞的餐廳工作，以為所有雞飯都差不多。這天看到土司工坊在街上的宣傳  易拉架，於是抱著好奇的心決定試吃。點了一份海南雞拼燒肉套餐，附送雞湯和滷水小吃，跟三小碟個蘸醬，總體份量看起來很足，但實際上雞和燒肉不多，57元有點不太值。當歸雞湯有淡淡中藥材味，油飯的味道淡了點，還是不錯的。沒想到的是海南雞作為主打，竟然沒什麼雞味、很重雪藏感，肉質又略嫌不夠滑；燒肉的皮不脆肉過韌，都讓人不太滿意，反倒是滷水蛋和滷水豆腐的醬料夠味道，配飯吃也ok。現在吃過才知道，原來要吃到好吃的海南雞並不容易呢。

Came here as I was meeting friends for dinner who wanted to eat late and I was ... hungry. It was quick, inexpensive and it was nearby my dinner place.Toast Box has a chain of restaurants throughout Hong Kong, serving Singaporean meal sets at a reasonable price and no 10% service charge. You basically order and pay at the cashier, they give you a number card to place on your table and they'll bring the food to you. Menu is in English and Chinese.I ordered a peanut butter thick toast set which ca

完job，行開佐敦，仲惆悵緊食咩，突然血糖低，嗱嗱淋搵個地方坐低食嘢先，見到吐司工房就喺前面，救星呀⋯非繁忙時間，店內約半滿，睇吓餐牌，呢度食物嘅選擇比以前少咗。好想食牛，叫咗巴東牛肉飯，跟凍檸茶。其實佢出名嘅係香滑奶茶丶咖啡，鴛鴦，不過呢日個肚仔唔舒服，唯有放棄奶類飲品。聞說做巴東牛肉嘅巴東醬係好考功夫，需要先將所有香料磨碎，再炒香，怪不得咁重香料味，呢個牛肉同香料已經融合一体，渾然天成一樣，牛味濃，肉淋，入口化開。乾身黃薑飯唔油膩，散發陣陣黃薑同香茅味道。伴菜係娘惹沙律，酸酸甜甜平衡返個巴東牛肉。滿足的一餐。

Toast Box 而家都有唔少分店，尋日係佐敦諗唔到食咩行過JD Mall 地下覺得好香就入去試下，以為大集團都有返一定質素。點知用$53換返o黎既只有大失所望。我唔係食過先影，佢真係一上菜就係咁既樣，料少都算，咁既貌相仲慘過去食街邊大排檔，米粉好似俾人免治完咁碎。所謂既娘惹味道又唔夠。唯一一讚既除左係坐得舒服，而且杯檸茶既茶底都唔錯。或者人地叫得Toast Box既，就真係食佢既多士好啦...

其他客人 堂食  我的外賣。唔講以為今日係我生日。點解外賣同堂食可以相差咁遠人哋成碟半隻雞我呢邊數埋得四件超級迷你, 細個手指尾嘅雞究竟係想點。冇一件雞係長過我隻手指尾。我諗我以後都唔會再幫襯。亦都會係公司同佢做大事嘅宣傳。我都幾有信心係我朋友圈入邊唔會再發生咁嘅情況因為冇人會再去。多謝。

兩個星期內食左兩次Toast Box... 都係因為上次黎無食到吐司而心有不甘 總係好想食吐司所以今日放工就黎食晚餐!諗都唔使諗即刻叫返平時最鐘意食既花生醬厚吐司餐 $32套餐包: 一份吐司+兩隻煎蛋+飲品平時食開既花生醬厚吐司~ 好似 ... 無以前咁好味了!微脆既多士加粗粒花生醬.. 花生醬都仍然算多, 但無以前咁多到令成個咀都充滿住花生醬唔知係而家質素低落, 定係唔同分店唔同質素? 以前食開既朗豪坊質素高好多煎蛋...未影相已經食左...唔夠飽 食多個滷水豆腐 $14 (6小片) 滷水汁一片片的.. 應該係係雪櫃拎出黎未完全解凍?豆腐一邊微溫, 一邊少少凍.. 又係未解凍得晒?? 下次黎一定一定唔會再叫佢既滷水食物!!!今次食評仲有個"OK"都係因為佢既奶茶拉高返分, 呢度既奶茶好香滑, 無得輸但希望佢都要做返好食物質素 先會再回頭...

第一次食土司工坊 平時對呢間餐廳冇咩咁大既興趣 不過男朋友話想試下食 所以今日收工就落左佐敦試食下啦當日收工大約7點去到 店舖既相當大 位子也很多 坐得幾舒服 呢碗喇沙細細碗 份量唔算多 味道有d微辣 椰香味都幾濃 同米線都幾match*配料份量都算多 魚片幾好食 豆卜索哂湯既汁 好食男朋友食左海南雞+燒肉飯 佢話ok的 配幾種醬料*係油飯黎既 配埋湯la 滷水豆腐+半隻滷水蛋 不過我試過豆腐麻麻地 半熟蛋 見到佢就好想食 本人好鍾意食架 每張枱都有黑豉油+胡椒粉配搭左之後真係好味ar

今日約左朋友食Lunch.. 諗起好耐無食Toast box 好懷念呢度既奶茶所以就黎左!我地大約下午1:15黎到 lunch time時間都幾多人 好彩位置夠多 唔使等就有位坐平時去toast box最鐘意食佢既吐司+奶茶+班蘭蛋糕, 但今日黎食正餐想食飽d 所以叫左個飯套餐~南洋&全日套餐有飯同粉麵選擇娘惹米線套餐 $47望落以為會辣 但原來只係酸酸甜甜 配幼身米線 好開胃小魚椰漿飯配雞翼套餐 $49雞翼炸得香脆.. 有少少油膩.. 椰漿飯既椰汁味唔算太突出旁邊仲有一堆辣油.. 因為我唔食辣, 所以有好多沾到辣汁既飯我都食唔到....放面既蛋無作用, 無味... 反而配菜花生粒同魚仔要黎拌飯幾岩食咖喱雞配印度飛餅套餐 $50我地後來發現原來呢個咖喱雞餐可以選配印度薄餅或者厚吐司既~不過係度食印度薄餅都幾得意~!塊薄餅望落以為好細塊.. 其實只係因為摺埋左 食落就會覺得夠食咖喱微微辣, 無平時既咖喱咁油膩! 唔會有層油浮左係面, 讚!可惜薯仔唔夠淋~ 不過都好入味厚吐司配煉奶 $15第一次發現原來呢度既食物係可以散叫既..哈哈哈, 平時都係叫套餐所以我地3個女仔叫多左個吐司shar

此店入香港已有一後歷史, 由初期十分好的服務水準, 至今… 真係…無眼睇… 然而, 兩店愈做愈多分店, Bread Talk 及Toast Box的母公司在新加坡上市, 肯定唔怕對手加入市場. 可惜近年才打入香港市場, 其他同類型和家價的星馬食肆, 例如 吉利尼 和 亞坤 又不爭氣, 間間都只是一心搵快錢, 食物質素未能保持,平均一星期都有幫襯這店一次, 通常因為約了朋友未到, 間中會去麥當當坐陣, 如果肚餓, 就會順便係到食個小型下午茶.這兩位, 已經是此店的老員工, 男的起碼已經五年, 女的都有三年, 次次都係佢地負責收錢和櫃檯, 由早年佢地十分好的禮貌態度, 轉變至現在.. 尤其是男的…. 臉部”愁眉深鎖”, 好似報父仇未報個樣, 加上十分”特別”的禮貌態度(唔明言了, 閣下自己領會一下吧). 自由行多, 生意做多了, 顧客要求也多, 錢又唔係落自己袋, 心情難免不太好, 我理解的…..哈哈…要了最傳統的T1餐, 牛油咖椰多士 + 煎蛋 + 咖啡, $30. 先來了杯咖啡, 真係好耐無飲過咁甜的咖啡, 馬來亞特色的咖啡, 味道雖淡, 但幼滑不減….一路飲… 想起…電視低B廣告….

悠閒假日，到處滿是人群，沒有動力煮飯，午餐還是到了樓下的◈土司工坊 Toast Box◈解決。佐敦這間◈土司工坊 Toast Box◈，裝飾很有格調，全是白色木造傢俱，讓人很容易放鬆下來。不過，因為近年佐敦一帶，人流都非常高，店子附近的澳洲牛奶公司更是長期不見龍尾，在◈土司工坊 Toast Box◈找個位坐坐都不易。今次幸好得有心人讓座，感謝! =]◈ 巴東牛肉配黃薑飯套餐 ◈酸瓜、黃薑飯令人有開胃的感覺，$5X 包熱飲在現在來說算是親民價，惜旁邊的巴東牛肉只是薄薄一塊，有點兒不夠喉!黃薑飯色香味十足，飯頂鋪滿肉鬆、黃薑碎，飯內有提子乾混合。米飯粒令身，非常入味，配上沾滿的沙嗲醬巴東牛肉，辣得過癮!!! 我就是喜愛這種重口味的印尼菜!!飯旁有脆片跟甜酸菜件碟，香口又醒胃!◈ 小魚椰漿飯配雞腿套餐 ◈◈土司工坊 Toast Box◈ 的配菜是最吸引我的一個元素! 有青瓜、花生、小魚! 哈哈~不很受辣的你謹記叫杯凍飲，因為旁邊的雞腿蠻辣的。而椰漿飯的椰漿味較淡，反而吃出了較濃的海南雞飯味，但我同樣喜愛!! 旁邊的雞腿真的脆辣無比，椰漿飯跟青瓜配菜正好來個中和! 小魚是我的最愛，脆身香口，伴

每次幫襯 Toast Box 其實都不礙乎是咖央多士和奶茶，不過之前發現佐敦店原來除了一般的指定菜式(如多士、喇沙等等)之外，還有其他特色的星洲菜如炒棵條供應。這款炒棵條(還是喜歡叫炒貴刄) 其實炒得不錯，賣相和味道都有六七成新加坡的地道風味。河粉入口味道不差，用了新加坡的黑醬油後甜味會有點偏濃，倘若從中適當地加入少許辛辣，便已經足夠達標。配料方面亦算得上是豐富，大蝦、臘腸和魚蛋片等等也跟足傳統製法，只是臘腸如果可以做得軟腍一點，口感將會更佳。

通常行街都係銅鑼灣,旺角和尖沙咀而佐敦唔會係行街名單之中, 因為佐敦薈有間"土司工坊",  就算冇街行, 間中都會黎一轉~呢間"土司工坊"環境都算大間, 但枱凳較為細,不過勝在價錢便宜食物OK, 仲有比出面"土司" 店多了更多星馬美食, 而呢到嘅炒粿條, 可以話係我喺香港食過最好味今次放工黎到, 叫咗腐皮豬肉卷, 炒粿條同埋咖哩雞飲品好快到, 凍鴛鴦和熱美祿 (餐各加$3)好耐冇飲美祿, 但唔明點解熱飲都要加$3試咗朋友啖凍鴛鴦, 奶茶同埋咖啡味都好均勻  腐皮豬肉卷 ($28)第1次食呢個卷, 其實都幾抵食, 28蚊成條有7件, 脆脆腐皮包住多到就快爆出黎嘅豬肉碎, 豬肉碎juicy再撈埋少少紅蘿蔔粒~其實味道係相當吸引, 只係太多肉但又蔬菜太少, 所以好滯, 如果加返多啲大粒啲嘅蘿蔔就比較好  炒粿條 ($45)呢到炒粿條好正宗, 除咗蝦仁, 芽菜同蛋絲仲有成日比人忽略咗嘅臘腸臘腸係成碟炒粿條嘅精髓, 因為帶出香味呢碟粿條唔油, 食到底只係有少少醬汁黏住隻碟粿條彈牙, 甜鹹適中.... 咖哩雞配薄餅 ($43 +$2)其實個咖哩好香又帶微辣, 但只係個雞比較大舊同"鞋"有啲人