To-Gather Cafe (Closed)

To-Gather Cafe 星期日放假日, 同左4個朋友約出來玩, 見到個擺滿群體遊戲，新開同全部都好新淨餐廳有多人既派對set，飲有小食有主菜，無限時可以慢慢坐邊食邊玩To-Gather拼盤有芝士薯條、蜜糖雞翼、春卷、日式餃子、吉列鳳尾蝦同咖哩角，樣樣都好味。雞翼炸得夠香脆而且蜜糖夠入味芝士薯條, 芝士撈左忌廉汁，薯條脆得來又厚肉拼盤真的開心又豐富, 份量足夠3-4個人食，白汁香蒜蜆肉意粉白汁味濃，蜆肉分量多蒜味好香一眼就望到材料都好多，白汁配白蒜既味道好夾，煮得幾好。黑松露海鮮意大利飯 有魷魚、海蝦、藍青口、蜆肉大大隻嘅海蝦及新鮮嘅藍青口, 海鮮的份量也算多。意大利飯很creamy, 飯煮得綿軟沾滿忌廉汁一讚係餐廳既椅背高，幾有私人空間旺角方便，玩夜左基本上個個都有車返屋企支持香港小店, 一同抗疫…Read More

本身諗住去picnic 點知打風💩⠀最後去咗呢間又食又玩又播《榮光》嘅café 💛💛睇到menu真係覺得好抵🤩 ⠀而且我哋嗌個party set就可以由4pm坐到11pm 好正😝⠀所有食物都達到水準 ⠀我就好鐘意個串燒🔥🔥 ⠀上面有滿滿燒汁 雞肉好軟嫰😋⠀主菜黑松露海鮮意大利飯好香菇菌香🍄🍄🍄⠀而且用料好豐富🥰🥰 ⠀唯一唔好係青口太鹹⠀⠀服務方面 佢好似唔係好夠人 得一個waitress⠀而且佢哋order好多 ⠀雖然係咁 服務態度同食物水平都令我好满意 ⠀尤其是佢哋有好多遊戲🧩🎰🎮⠀啱晒我呢啲完咗sem嘅廢青🥴⠀…Read More

鑒於都好多人寫左食評又有相片，今次我就分享自己感受就算喇。首先我已經黎過依到3-4次以上，每次黎都同朋友玩得好開心事間好快過，點解今次終於扚起心肝寫返個食評，就因為想介紹多啲人認識間店，多去啲間店，唔好俾佢執呀，唔係大家就少左個抵食抵玩抵hea嘅地方。今次我地係早一日網上book位，估唔到都眾有得book。每次都係叫佢地嘅party B 餐，真係好抵食，小食上晒後其實都會飽飽哋，因為玩住-->等野食到-->再玩-->主菜先到，其實已經會飽左（等到飽），所以職員上主菜前會問你駛唔駛cut啲份量。今次去我哋都係主要玩，所以竟然連沙律冇上都唔知，係要職員問下我哋先記起，到最後連一口雪糕都冇上…..今次職員冇問我哋…..而我哋又唔記得….係到玩到幾大聲都唔會嘈到人咁（好似）  因為其他人都好開心咁玩緊埋單每人174.9 連加一  我哋由晚上7點坐到11點  其實可以坐到關門前   咁嘅時間邊到搵，party room都冇咁抵啦～ 又有野食～又有野玩。…Read More

已經10點幾，但仲同fd喺旺角行緊由於兩個人都唔想迫，想搵個地方傾下，所以我哋就搵咗一間Cafe去食下野傾吓計裝晒聖誕節嘅燈飾，入面仲有好多動漫嘅小裝飾，呢度應該係主要比一啲朋友嚟聚會，因為我見到佢好多小遊戲可以玩，一啲既桌遊～下次黎同朋友聚會都嚟呢度先！不過呢度就有個要求就係人人都要消費一杯嘢飲，但係呢度嘢飲價錢都頗高～我哋就叫咗飄香椰子汁，上面放咗一啲麥片，都算幾大杯嘅，不過味道就比較單一。呢杯桂圓紅棗茶都幾甜，不過就覺得比較養生，養生嘅朋友可以試吓嘅～之後就叫咗白汁香蒜蜆肉意粉，入面好多青椒同埋蘑菇都幾唔錯～但我最鍾意都係呢個擺設好特別嘅黑松露海鮮意大利飯，佢有海蝦，藍青口蜆肉同魷魚，黑松露味好濃郁我好鍾意因為我特別鍾意食黑松露！！…Read More

同朋友10點温完書上網見到有折所以去食入到去得一枱人食 但呢個鐘數都正常嘅 靜靜地門口有啲 board game可以拎黎挽！黑松露海鮮意大利飯一睇食物賣相就已經覺得唔錯 味道唔算太鹹 黑松露味幾突出 有啲洋蔥同青椒撈埋啲飯口感唔錯白汁香蒜蜆肉意粉廚師好識得拌碟 意粉嘅軟硬度岩岩好 有啲蘑菇黃椒同洋蔥拌埋意粉一齊食唔錯 紅棗茶普通嘅一杯紅棗茶但的確係幾香 椰子味雪香味道好普通 係椰子粉溝水加冰 再係面頭加啲片麥 沒有香味同埋啲片麥一沉低就即刻淋曬 相對地一盤:(總結而言 食物價格比較高 味道都都可以 但如果係for 一班人挽嘅或者傾計嘅話都可以嘅！…Read More

放工約左成班fd去左位於旺角的to-gather cafe。裡面裝修簡潔，感覺舒服。我哋首先叫咗個party A and party b餐。每樣食物都好有質素田園沙律🥗蔬菜非常新鮮，有粟米、青瓜等，份量十足，味道清新開胃。芝士條 - 芝士汁好rich, 好creamy 。雞肉串 - 燒汁甜甜地好味道。小食拼盤咖喱角、雞翼、炸天婦羅蝦 - 鬆脆肉軟 ，脆卜卜，唔會好油，yummyyummy ❤主菜抗氧黑蒜雜菌忌廉意粉 - 個汁好好味，意粉彈牙❤❤松露海鮮意大利飯 - 材料豐富：有青囗、魷魚、大蝦🍤呢間都好適合一家大細嚟，因為好多decoration 都好靚,好有樂團感覺，價錢合理。…Read More

Café 真係一班人吹水既好地方，人少又可以hea 下慢慢咁食下野傾下計！ 呢晚黎到旺角又搵左間café 食野吹水，呢間café 位處金雞，唯一唔好處係繁忙時間好多人等lift都要等一段時間先上到去~ 我地因為都算早到所以都仲有吉位，但到8點零鐘都開始多人~入面多數都係一班朋友約埋一齊黎食野同傾計，café 仲有好多board game可以借黎玩，消磨下時間！ 佢既set dinner 價錢合理，都有唔少選擇！加錢仲有湯同CAKE~我地叫左個小食拼盤，入面分別有春卷、炸蝦、小丸子、咖哩角、雞軟骨、雞串、薯條，全部都新鮮熱辣，炸到好香口！ 跟住到餐湯，磨菇湯勁重磨菇味，夠哂creamy！！！上面仲鋪左面包粒，撈埋食簡直perfect~ 跟住就到松露海鮮意大利飯，松露勁香～同埋好多海鮮！個飯煮得岩岩好唔會太軟或者硬！Carbonara 個汁都好creamy，D汁都掛哂係D意粉上面!!!正! 飲品都好出色！花茶同埋oreo 都好大杯，飲足成晚～～～　個藍莓芝士蛋糕都夠哂芝士味！　下次會再番黎食！…Read More

今日放工約左fd 子去Cafe慶祝個friend生日。我哋一行八人走到呢間Cafe，今次第一次嚟，見到裏面環境好寬敞，好舒適！佢個遊戲corner超級多game，有麻雀玩添啊🥰等齊人就開始叫嘢食，我哋叫咗個八人餐。每樣食物都好豐富，田園沙律🥗蔬菜非常新鮮，叫左兩jar 果汁，大大瓶呀！小食方面：無得輸芝士條真係冇得輸，芝士汁好rich, 好creamy , 薯條脆卜卜。另外個雞肉串都好好食，甜甜地好惹味。仲有個小食拼盤當中，咖喱角香脆吸引，我食左4件😂炸天婦羅蝦鬆脆肉軟。仲有個芝士汁焗蔬菜都好受歡迎！主菜尼啦，抗氧黑蒜雜菌忌廉意粉超多磨菇，好食到停唔到口呀！另外叫左個松露海鮮意大利飯，好多大大隻嘅嘏，魷魚又煙靱，口感又豐富。食完飯個生日蛋糕嚟啦，大家都好開心仲玩左好多唔同遊戲添！誠意推介呢間既舒適食物又有質素嘅Cafe俾大家，啱晒大家gathering❤…Read More

旺角樓上特色cafe，去到旺角先知，原來除左地面有好多野食外，原來大廈樓上都有唔少Cafe可以食下，今次黎左金雞廣場既19樓，就見到呢間to gather cafe，店舖細細，只有兩個職員係到煮野食。所以叫左野食既朋友仔就要等下，不過都唔緊要，因為反正都係同班fd係到玩下d board game，d時間一陣都過左。呢度裝修黎講都唔算唔錯下。食物種類都唔少選擇，有好多種小食拼盤，雞翼呀叻哩角呀呢d party小食就梗係唔少得喇，仲有d特別d既就係佢個dinner set，有意大利飯呀，意粉呀。我就十分鐘意佢個海鮮意大利飯，飯既生熟程度真係岩岩好，而且海鮮份量都夠曬多，2個人share都夠曬食呀。同班fd黎岩曬。…Read More

之前同朋友聚會都有黎過食物質素不錯 價錢適中見經過開旺角 同老公帶住小朋友想搵個地方可以慢慢食坐耐d 所以就揀左呢間cafe 有5-6張枱 其中四張都係大枱真係好岩一大堆朋友gathering環境我地覺得好舒服 仲有唔同既boardgame玩唔怕小朋友悶 要食到趕頭趕命甘我最鐘意係有兩人party set 岩哂我地要求 有湯有小食有主菜有甜品有小朋友鍾意食嘅薯條雞翼我地大人有沙律🥗 有焗飯/意粉揀最好係飲品任飲 因為我老公一餐飯要飲成幾杯我個人覺得最好食係芝士薯條上碟仲係熱辣辣 呢隻係忌廉芝士 食完都唔會口乾…Read More

同成班朋友一齊去Cafe開mini-party真係好正😍今次就去左旺角金雞廣場19樓嘅To-gather cafe同朋友又食又玩☺️我地一行5個人叫左個Party A套餐，首先黎嘅係特式飲品🥤，有芒果蜂蜜、柑桔檸檬、蜂蜜綠茶、巨峰提子乳酸、荔枝紅茶同是日特飲，每次仲可以揀兩款，仲無限添飲架😎！田園沙律非常新鮮，可以揀意大利油醋汁或者日式芝麻醬，撈埋黎食真係好開胃之後就逐一有吸引嘅小食🤤，有美式脆薯角、健康素春卷、秘製日式餃子、招牌鹽素雞同惹味咖喱角，款款都即炸即製，香脆可口又惹味，忍唔住食完一件又一件主食就叫左西班牙煙鴨胸意大利粉同埋芝士白汁吞拿魚焗扭扭粉，係典型cafe可以食到嘅食物🤓熱辣辣非常香臨走之前仲見到原來Cafe都有唔少嘅主食、小食同飲品可以散叫，下次一於黎試吓其他野食先…Read More

餐廳：To-Gather Cafe (旺角)地址：旺角洗衣街39-55號金雞廣場19樓15-17室一班friend最緊要係咩？緊係成日gather👬👭，happy together😆，eat together🍽，同play together🎯啦！一班人食飯要迎合到每個人嘅需要真係好困難🥺，同朋友慶生，搵左旺角一間cafe🍴，見到有party套餐真係幾開心🥳，每人唔洗$150就可以食齊沙律🥗、五款小食🥟同兩款主菜🍝，仲可以無限添飲特式飲品添🍶，同朋友食完野吹水玩遊戲幾個鐘都唔成問題👍🏾，唔怕口渴無野飲款款食物都夠哂大份😍，絕對係party size夠哂每個人嘅食用份量，而且樣樣都係即叫即整，新鮮滾熱辣🤩，夠哂好味薯角🍟、春卷、餃子🥟、鹽酥雞🐥、咖哩角🥠，唔知你又鍾意邊款小食呢❓我最鍾意就係春卷喇，因為係用素菜餡料製造🥕🥬，外皮脆內裡係素食相對較為健康☺️，岩哂我呢啲為食又想健康嘅人Cafe四圍仲有好多嘅裝飾擺設🧩，岩哂打卡影相📸，仲有好多broadgames🎲可以同成班好友一齊玩 …Read More

一行五人來到餐廳食生日飯，店員安排了我們坐在旁邊的大卡位，舒適闊落。而餐廳亦備有board games可供玩樂，亦正好在飯後可以大玩一場！ 晚餐有兩款套餐選擇，我個選了Party B :日式芝麻醬田園沙律：分量十足，配搭芝麻醬味道正好，夠哂開胃！無得輸芝士薯條: 薯條淋上熱辣辣芝士汁，十分邪惡，尤其等待主菜時更是食唔停口小食拼盤: 賣相不俗，食物夠熱，值得一讚為蜜糖雞翼和吉列珍寶蝦，前者肉質滑嫩，後者則香脆可口，另咖哩角和墨魚餅也不錯。泰式豬頸肉及蜜汁雞肉串 ： 豬頸肉口感較 適中唔會乾爭爭，而雞肉串醬汁亦不俗，味道香濃。芝士汁焗蔬菜: 個人十分推介，芝士汁香濃，配上椰菜花和西蘭花，入口美味，芝味濃郁！白汁蜆肉意粉： 蜆肉充足，意粉沒有太乾或太濕的情況，意粉軟硬度亦恰到好處。黑松露海鮮意大利飯：醬汁較杰身 配合比較硬身嘅飯啱啱好，而黑松露醬香濃， 海鮮種類亦算豐富。 飯後吃完贈送的一口泡芙及自攜的生日蛋糕後（店內會播放生日歌，店員亦主動協助分切蛋糕），我們亦未有離開，反而在玩他們店內的board games，完全沒有食完便要趕住走的感覺，如多人聚會又希望舒適休閒的享用晚餐，這裡是不錯的介紹。…Read More

好耐之前去過樓上Cafe，今次係第二次去，最終就係揀咗依間慶祝朋友生日，我哋一行五個人，安排一個卡位嘅梳化位，餐牌有party set，我哋揀咗B set，每位價錢係$159再加一服務費，呢個價錢來講係超級抵！因為我哋食完野之後，服務員係會過嚟幫我地執返好張枱，然後我哋就可以玩佢提供嘅遊戲，玩到我哋想走為止！所以上到嚟係食下野傾吓偈再玩下遊戲就已經可以玩足一個晚上，哈哈！無得輸芝士薯條真係無得輸👍🏻甜甜地再加陣芝士味小食類分咗兩盤上，雞翼好味！粟米墨魚餅係我嘅至愛👍🏻主菜係:白汁香蒜蜆肉意粉 +黑松露海鮮意大利飯個意粉入面有好多蜆肉，正呀喂！海鮮意大利飯入面嘅海鮮都好新鮮！最後我哋玩咗一個遊戲係叫做猜猜畫畫，今日先發現原來朋友嘅好勝心係好強勁，同時亦都搵到一個成為黑洞嘅朋友…Read More

突然之間心血來潮想約朋友夜晚去食飯，近近地就腳就揀咗旺角。其實好耐之前已經試過呢間，印象中唔錯就再去食啦！間餐廳嘅佈置好溫馨，牆上貼咗唔少相，又有啲裝飾，感覺好舒服！今次同朋友都懶得揀，所以就試下party for two嘅menu，main dish可以四揀一，甜品就三揀二。最先會比咗湯同沙律你，沙律好大份，我地兩個人係食唔曬😂蜜糖雞翼，秘製日式餃子套餐包嘅小食，餃子上面嘅醬汁係好似燒章魚小丸子嘅醬汁咁，配餃子食異常地夾！蜜糖雞翼就正常水準。無得輸芝士薯條上菜嘅時候侍應已經同我地講要趁熱食，果然熱嘅時候啲芝士係好濃郁，但又唔會令到我覺得好漏。即使近排想戒口唔食熱氣野，我都忍唔住！白汁香蒜蜆肉意粉十分多蜆肉，一啲都唔偷工減料！雖然佢嘅做法唔算好傳統，但個人覺得意粉配香蒜係無得輸嘅組合😎甜品：泡芙、紐約芝士蛋糕甜品方面，呢度嘅甜品唔算好甜，紐約芝士蛋糕食落都幾綿，但唔會好漏！呢度每份食物都好大份，我同朋友都食唔曬，但CP值好高，兩個夾埋都係二百幾蚊！如果大班朋友食，應該都幾適合！…Read More